الموضوع: هو ليه !!!! ولحد امتى!!!!

ايه ياميسو كل ده انت اكيد لسه جاى من وعكه ادميه ومزاجك مش رايق
عاوزك كده تفرفش وتزجطط وتفرفش وتزجطط
لو انت عاوز تشوف الناس حلوه وكويسه صدقنى مش هتلاقى غيرهم فى الدنيا
ولو عاوز تشوفهم وحشين صدقنى هايفوقوا تخيلك فى عدم الادميه
انا معاك الليل بطوله ... اتكلم .

والله يا محمد برغم حاجات بسيطه كتير بتحصل وبكبر دماغى واقول عادى اخرهم امبارح الراجل الى مربطش العجل كويس وكنت حروح انا والى معايا فى العربيه
وغيره وغيره من الناس الى بقت تعمل معاك جاجات وتشتغلك وانت فاهم انها بتشتغلك هههههههه وهما فاكرين انهم ملبسينك السلطانيه وانت الى لابسها بمزاجك بس احساس صعب اوى لما تراجع نفسك وتقول طب انا منظرى ايه والراجل الى بيشتغلنى فرحان انه اشتغلنى
طب حنعمل ايه مهو زى مقولت كله عمال يشتغل كله والنفاق عينى عينك
وانا عمال اعمل زى منت بتقول
بقالى كام سنه بنافق نفسى واقول الناس حلوه ولو عاوز اشوف الدنيا حلوه حتبقى حلوه لكن خلاص زهقت من كتر مبضحك على نفسى ولازم اعترف ان الناس بقت اغلبها وحشه والكويس بيختفى
بس حعمل ايه اهو الواحد كل فتره بيفوق شويه ويتخنق من كتر النفاق والكدب والغش والعفيجيه الى بقت فى الناس وبعد كده بنرجع تانى لحياتنا الطبيعيه من تانى مهو لازم ناخد المسكن عشان نعرف نعيش الحبه الى فاضلين لنا
بص حقولك حاجه سمعتها من كام يوم من ناس اقاربى فى فرنسا
كانو بيتفرجو على شريط فرح بتاع ناس هنا وكان موجود معاهم واحده فرنسيه عندها تقريبا 90 سنه تفتكر رد الست دى ايه
انتو يا مصرين مش عارف بتعملو افراح وتفرحو على ايه دا احنا عمرنا اطول من عمركم ومبنعملش افراح زى الى انتو بتعملوها
تقدر تقولى المعنى وراء هذا الكلام لو فهمت الجمله صح
احنا دلوقتى هنا فى مصر لا اكل نضيف كله مواد مسرطنه وبيتروى ب مياه المجارى
والمياه الى بنشربها مياه مجارى والهوا الى بنستنشقه مليان بالامراض
وكل ده وصابرين ونقول اهو عايشين مع بعض ونخاف على بعض و الناس كويسه وفى امان
طب اعكس بقى كل الى انا قولته محدش بقا كويس محدش بيخاف على حد مبقاش فيه امااااان طب حنعمل ايه وايه الحل
انا سهران اهو وعمال افكر

مش قادر افهم هى عاوزه توصل ايه بالظبط بس واضح طبعا استغرابها للموضوع

بص يا سيدى الناس دى عارفه الى بيجرالنا وكل البلاوى الى احنا عايشين فيها
وعارفين السبب فى كميه الامراض الى بقت مستوطنه عندنا وكميه الاطفال المريضه والناس الى مبقتش تلاقى واحد فى عز شبابه وبيشتكى من امراض الشيخوخه
ده قصدها بأحنا بنعيش اكتر منكو
اما انتم بتفرحوا على ايه فدي واضحه طبعا انتوا بتفرحو على خيبه ايه
يا عم الناس دى عايشه عيشه مش عارف اقولك ازاى والله والله الطفل الصغير الى فى اللفه بيعملوله حساب اكتر من البنى ادم الكبير
يعنى لو ام سابت ايد ابنها مثلا فى الشارع وجرى منها بيعملولها محضر اهمال ولو اتكررت فيه غرامات
وغيره وغيره فى عيشتهم واداميتهم حاجات لما بعرفها بتعقد