الموضوع: فضفضه

صباح الخير ا محمد

على الصعيد الدراسى

انا حاسس بفراغ كبييييييييييير وكل ما الامتحانات بتقرب (اول امتحان يوم 4 -1) بالاقى نفسى مكسل ولحد دلوقتى مافتحتش كتاب ونفسى اعدى الترم دة على خير

على الصعيد الاجتماعى (ههه انفع مذيع)

الاصدقاء حالهم اتغير الى كنت باستريحلة مابقيتش باطيقة والعكس بس مش كلة بس مع الاغلبية ولولا الناس الجميلة الى عرفتها من المنتدى هنا كان زمانى اتجننت ولا حاجة

وعلى الصعيد النفسى العاطفى (جملة مركبة)

حاسس بان بداية الحياة رجعت ولفت وعاوزة تنهى نفسها (مش عارف فهمتوا ولا لا ء لانى ذات نفسى مش فاهم )

وعلى الصعيد النايل موتورزاوى

الناس بقت عصبية شوية وفية كام واحد متغيبين علشان الامتحانات (ربنا يوفقهم)
وفية ناس خرجت ولم تعد
وناس دخلت بقوة وانطلاق مؤثر
وناس حالتها متزنة

وعلى الصعيد الفنى

البوم اليسا الجديد بايخ
والبوم حسين الجسمى فية كام اغنية شغاليين
وافلام السينما مافيهموش غير افاتار وتوايلايت وشرلوك هولمز
و الاخبار الفنية كلها متفبركة واى كلام علشان يملوا كلام
واشاعة ان يسرا ماتت دى كانت اشاعة غبية
حفلات رأس السنة كانت مجرد روتين مافيهاش تقدم


وعلى الصعيد الطبى (مش قلتلكم انفع مذيع ههههههه)

الوزن مش راضى ينزل
وحب الشباب ابتدى يستهبل
والقشرة بتفكر ترجع بس انا مستنيها بل الاسلحة

هههههههه والله يا اوكتو الواحد بقي يستني ردودك في كل موضوع
دمك خفيف كالعاده

اما عن نفسي
1-الدراسه: ادعولي لأني هبدأ ان شاء الله السبت الموافق 2-1 انهارده يعني اخررررررررررررررررررررررر ررررررررررررررررررررررررر رررررررررررررر سنه في كليتنا المبجله الله يحرقها طب عين شمس
والله اللي مهون علي الواحد كل اما اضايق انها اخر سنه خلاص ان شاء الله وللعلم سنه خامسه كانت 14 شهر من 1-9-2008 الي 25-10-2009 احكموا انتوا بقي وانا راضي.

2-علي الصعيد النفسي مش تمام ومش وحش بس اكتر حاجه بقيت احاول اتجنبها اني اتكلم مع حد او اتعامل مع حد ماعرفوش حتي اصحابي مافيش غير اربعه ملتصق بيهم دائما الواحد دايما بيطلع كل اللي جواه علي المنتدي هنا بس للأسف هبتعد شويه بعد ما بدأت اعرف الناس هنا علشان الدراسه ربنا يهون الوقت علي الواحد.

3-علي الصعيد العاطفي قريت فاتحه وفكيت بعد خمس شهور ومش هقول غير الحمد لله لأني كنت داخل مصيده

بس الواحد نفسه يقول كلمه لكل واحد داخل يتعصب او يعمل فيها عنتر زمانه علي المنتدي اهدأ وبلاش العصبيه مش هتفيدك بل بالعكس الناس هتبعد عنك

اما بالنسبه لموضوع الصحاب بجد اكتر حاجه انا حزين عليها انى لما كنت فى سنك ماكنش فى حاجه من الكلام ده وموضوع ان الاصحاب تتغير ده لما دخلنا فى الحياه العمليه والبزنس والمصلحه كانت اهم هدف عند اغلب الناس
بجد واسفااااااااااااااااااااا ااااااه

بجد واسفاااااااااااااااااة

هههههههه بس حلو موضوع الدكتور لما طلعك انت ههههههه
عمر الشقى بقى هههههه


dr.amr

ومش هقول غير الحمد لله

الحمد لله
بس انت قاعد هنا لية قوم راجع دة احنا دلوقتى يوم السبت ادخل راجع على السريع
وطمنا بعد الامتحان

ههههههه استنانى بعد الامتحان بتاعك بكرة هانزل موضوع حلو بس لما نتطمن على الناس الى بتمتحن واولهم انت


يلا بقا هادخل انام لان عندى محاضرة الساعة 9 بعد 7 ساعات اشوفكم بكرة


وأ محمد عزت روح نام ولا انت نيمت الاولاد وجاى تنيمنا احنا هنا ههههههههههههه (انا مانعستش غير لما شفت موضوعك ههههههههههههه ) يلا بقا هاروح انام تصبحوا على خير