سؤال فى اسكودا فانتازيا

**m2die4** · 02-01-2010 01:59 AM

يا جماعة فى سؤال مجننى بصراحة , ليه العربيه و انت ماشى بيها على 60 تجيب السادس ؟؟؟ أنا فاهم ان ده توفير فى البنزين بس العربية شبه بتكركر كل لما ازود او عايز اطلع من الى جانبى و بعدين تبدأ تسرع شوية و يأما تصقط نقله يأما بتفضل على السادس و تسحب اول ما سرعة النقلة تيجى , حسب ضغطه رجلى ,السؤال بقى فى اى امل انها تفضل ماشية على سرعتها ؟ او على الاقل تزود نقله واحدة مش تجيب السادس مرة واحدة d: انا كل المضياقنى ان هما كتبين فى المنيول ان حتى لو ماشى على المانيول مش الاوتوماتك و سرعتك قلت حتسقط نقلات علشان يحمى الموتور من الكركرة و الرج , يا ريت لو حد يعرف الاجابة يقول .

**islamaboelnaga** · 02-01-2010 03:14 AM

ياباشا العربيه يتنقل حسب دوسه رجلك ....يعنى لو لامس بس هتاخد 6على 60 كم و لو قارص ممكن تبقى ماشى 170-180 و لسه واخده خامس
و بالنسبه لموضوع تعدى عربيه فى حاجه ناس كتير مش عارفاها على العربيه دى و هتعرفها بالتعود ان العربيه بتاخد النقله حسب سرعه رجلك ..بمعنى انك ممكن تبقى ماشى 60 و تجيب اخر الدواسه بس دايس بالراحه و متسقطش نقله...و ممكن تدوس دوسه صغيره اوى بس حركه رجلك سريعه فتسقط غيارين مره واحده
عموما العربيه دى ليها اسلوب معين فى الجرى هتعرفه بالتعود

**modiabbas** · 02-01-2010 03:40 AM

بص انت ماشى على 60 و سبت الدواسه العربيه هتدى سادس
اول ما تريح رجليك بس هتلاقيها نزلت للرابع و لو هتريح رجلك اكتر هتنزل تالت ز لو هتدوس على التكه اللى فى اخر الدواسه هتنزل معاك للتانى لحد ما توصل لسرعه 80

**medokimo** · 02-01-2010 11:39 AM

المشاركة الأصلية كتبت بواسطة islamaboelnaga

ياباشا العربيه يتنقل حسب دوسه رجلك ....يعنى لو لامس بس هتاخد 6على 60 كم و لو قارص ممكن تبقى ماشى 170-180 و لسه واخده خامس
و بالنسبه لموضوع تعدى عربيه فى حاجه ناس كتير مش عارفاها على العربيه دى و هتعرفها بالتعود ان العربيه بتاخد النقله حسب سرعه رجلك ..بمعنى انك ممكن تبقى ماشى 60 و تجيب اخر الدواسه بس دايس بالراحه و متسقطش نقله...و ممكن تدوس دوسه صغيره اوى بس حركه رجلك سريعه فتسقط غيارين مره واحده
عموما العربيه دى ليها اسلوب معين فى الجرى هتعرفه بالتعود

+1

الاوكتافيا فعلا دواستها بتحس انت عايز ايه
وممكن لو مش عيز سادس خاص تجيب ال sport mode

**m2die4** · 02-01-2010 06:15 PM

طيب الف شكر يا رجاله و الله , بس معنى الكلام انها صعب تجيب اقل من السادس على 60 , هى على 60 لازم اكون سايب البنزين و لو اتكيت حاجه بسيطه تجيب 80 علشان تضبط النقلات , و موضوع ال sport mode مش حينفع , انا بيكون معايا ناس كبيره , جدتى و كده ف 60 ده اجبار :D اعتقد صوت الموتور حيكون رخم و جربت اقلبها مانيول برده صوت الموتور بيعلى

**د.محمد الشيخ** · 07-01-2010 09:11 PM

المشاركة الأصلية كتبت بواسطة m2die4

طيب الف شكر يا رجاله و الله , بس معنى الكلام انها صعب تجيب اقل من السادس على 60 , هى على 60 لازم اكون سايب البنزين و لو اتكيت حاجه بسيطه تجيب 80 علشان تضبط النقلات , و موضوع ال sport mode مش حينفع , انا بيكون معايا ناس كبيره , جدتى و كده ف 60 ده اجبار :D اعتقد صوت الموتور حيكون رخم و جربت اقلبها مانيول برده صوت الموتور بيعلى

شوف حضرتك انا عندى نفس الموضوع فى الرومستر كمفورت بتاعتنى بس الحقيقة مش مضايقنى ابدا بالعكس بحس انه بيريح العربية وفعلا بيوفر فى البنزين
وبعدين موضوع الكركرة ده مبيحصلش عندى ابدا
ولما تكون العربية فيها ناس كتير وعايز ريسبونس عالى يبقى انقل على ال sport
ومفيهاش اى حاجة انك تمشى بيه شوية غير انه حيستهلك بنزين اكتر شوية
بس لازم تشوف موضوع الكركرة ده لانه مش طبيعى

**د.محمود صلاح** · 08-01-2010 04:31 PM

المشاركة الأصلية كتبت بواسطة islamaboelnaga

ياباشا العربيه يتنقل حسب دوسه رجلك ....يعنى لو لامس بس هتاخد 6على 60 كم و لو قارص ممكن تبقى ماشى 170-180 و لسه واخده خامس
و بالنسبه لموضوع تعدى عربيه فى حاجه ناس كتير مش عارفاها على العربيه دى و هتعرفها بالتعود ان العربيه بتاخد النقله حسب سرعه رجلك ..بمعنى انك ممكن تبقى ماشى 60 و تجيب اخر الدواسه بس دايس بالراحه و متسقطش نقله...و ممكن تدوس دوسه صغيره اوى بس حركه رجلك سريعه فتسقط غيارين مره واحده
عموما العربيه دى ليها اسلوب معين فى الجرى هتعرفه بالتعود

تمام حضرتك , أعمل Kick Down هتلاقى العربية سقطت غيار وبطلت كركرة وسحبت جامد