-
مشكلة فى فتيس الجيتز
انا عربيتى هيونداى جيتز 2006 عاملة 75.000 km
اللى حصل ان بلية الدبرياج من فترة باظت فا غيرتها وغيرت طقم الدبرياج بالمرة دسك-اسطوانة-بلية
وياريتنى كنت سبتهم اللى حصل ان بعد ما غيرتهم العربية بقا فيها رعشة جامدة فى الطلعة
وبعد كدة الصبح بدرى العربية بيبقا فيها هزة جامدة فى جسم العربية كلها
عرفت بعد كدة ان اللى حصل ان اللى فك العربية قطع الكاوتش بتاع كراسى الماكينة
المهم .. رحت عشان اشوف الرعشة من ايه فا قالولى ان الفلام لازم يتخرط عشان هوا اللى عامل الرعشة دى وغيرت الديسك والأسطوانة تانى مرة بعدها ب 3 شهور
دلوقتى العربية بتفحط فى الأرض وبتنط فى الطلعة او من السلانسيه
من رايكم اعمل ايه
اغير الفلام وطقم الدبرياج تانى ؟
وايه افضل نوع لزيت الفتيس؟
وحد يعرف اجيب منين كراسى الماكينة لأنها فى التوكيل ب 760 جنيه
وكرسى الفتيس ب 850
-
انا اللي اعرفه ان الرعشه في الطلعه دي يا اما قواعد يا اما دسك و اسطوانه...
و اللي اعرفه (ودي معلومه من واقع تجربه بس في الادا) ان تركيب طقم الدبرياج بيبقي ليه طريقه معينه ولو مظبطش تعمل نفس الاعراض اللي بتشكي منها حضرتك...
يا رب اكون افدت
Content Relevant URLs by
vBSEO 3.6.0 PL2