185 على طريق شرم ب 1300 اوتوماتيك موديل 2004
185 على طريق شرم ب 1300 اوتوماتيك موديل 2004
اقتباس:
احسن نصيحة سمعتها حتى الان
انا معاية نيسان صنى 2008 سوبر صالون" اوتو " جبت بالعربية 210 على طريق العين السخنة بس العربية ممكن تجيب ال220 بس عايزة الواحد يضمن ان مش هيتمسك ردار عشان فى حتت مفيهاش و فية اماكن فيها فا مزودش اكتر من كدة بس و انا راجع من الرحاب فى اى يوم بجيب ال 200 عادى عشان فى ناس بتقول ان العربية مبتجبش اكثر من 160 دة غير صحيح على الاقل مش معاية و شكرآ
و لطريقة لتصل ل 200 و اكثر لو اوتومتيك ذى اول حاجة ال 1 بعد كدة 2 بعد كدة ال D اول لما توصل ل 150 اعمل ال overdrive لغيت 170 بعد كدة رجع ال overdrive و هتجيب السرعة الى انتا عايزها :D
160 كم
و فى التأنى السلامة
180 لمدة 2دقيقة فقط علي الطريق الزراعي
فعلتكم الموضوع ده عشان تقرئوا وتتاكدوا ان الصنى قدرت توصل الى سرعة 200 واكتر كمان
اقرائوا كل المشاركات اللى فى الموضوع من اول الى اخره
وبالاخص فى اخر صفحة هنا وشوفوا المشكاركة رقم 43 والاقتباس بتعها اهو :
وطبعا فى الموضوع ده حتلاقوا سرعات 180 و200 و210
عيشوا بقا مع المشاركات وتجارب الاعضاء العملية
وتحياتى للناس اللى ماشية وراء الفتى والاشعات
سلام
اخرى جبت 160 على طريق اسماعيلية الصحراوى فى المنطقة بين شعار المركب والكارتة
ثوانى ونزلت 140
بصراحة مفيش طرق فى مصر امان
ورغم كده ليا اصحابى وصلوا 170-180 كم مش عارف جابوها فين دى ؟
190على طريق العين السخنة
rbm كان على 5800
لمده خمس دقايق وبعد كده نزلت عشان حسيت اني كده بهلك الموتور بدري بدري
وكان معايا المهندس محمد عمر من توكيل السبع
عشان كنا بنجرب الترصيص اللي اتعمل في الصيانة
نيسان صني سوبر صالون 2011
وماشاء الله بتجمع من 0 ل 130 بسهوله
وبعد كده العزم بيختفي شويه لغايه 150 وبعد كده بتتحول عربيه مجنونه على الطريق
بعد 150 حسيت بحيويه مكنتش متخيل ان العربيه تعمل الاداء ده وخصوصا انها كسوله على السرعات الصغيره و rbm تحت 3000
انا جبت بيها 210 علي المحور ساعه الفجر
مع اني علي فكره قولت للمهندس بتاع الصيانه كده بيقولي لا محصلشي مينفعشي الصني مبتجبشي اكتر من 170
السلام عليكم ورحمة الله وبركاته
صني 2011 مانيوال عاملة 9000 كم لحاد دلوقتي
كل سنة وانتم طيبين يا أحلى صقور ....
أقصى سرعة جبتها انا طبعا ( مش للعربية ) 170 كم / س وبعدين خفت بصراحة لأن الطريق ما كانش فاضي ... طريق القاهرة - الفيوم الصحراوي ..... والـــ rpm كان 4900 والهوا معايا وفي منحدر في الطريق بس ما كنتش مجمع للعربية في الغيارات ... بمعنى آخر كنت محمل ع الموتور...
الكلام ده حصل بعد صيانة ال 5000 بصراحة فيه ملاحظة فعلا ان العربية بعد سرعة الـــ 150 كيلو بتبقى باللمس ف البنزين يعني عزم الموتور بيبقى ما شاء الله رهيييييييييييييييب...
غير كده ما بين الــــ 110 - 140 ما بازيدش عن كده...
انا جبت 205 مره و مره 195 و الباقي 180 و ال 170 ده الطبيعي بس ثباته كويس جدا و سحبه لغاية 160 ممتاز جدا بعد كدا حسب الهو والطريق ساعات بتيجي و تقف علي 160 و ساعات ال 170 و في الغلب ال 170 بس سحب ممتاز لغاية 160 بعد كده انتا و ظروف الطريق لو الهوا معااك و الكاوتش مزبط هتمشي و ال 205 ديه كنت بجري مع سيراتو و هينداي i30 و فيات االجديده مش فاكر نوعه و اتنرفزت فجبتهم كلهم علي 205 و سرحت عنهم كمان و ده من غير ما اخد بالي اما وا ناا واخد بالي لغاية 195 و كل عام و انتم بخير
م/عبدالعزيز النجار
بسم الله ماشاء الله .. معقولة
هو حضرتك عربيتك اتوماتيك ولا مانيول
وبعدين هل فى تعويم فى العربية مع المطبات الهواء ولالا .. وثباتها اخباره ايه
عشان لو حضرتك قلبت شوية فى القسم فى اعضاء بيقولوا ان العربية ثباتها مش كويس
تحياتى
195 على طريق مصر اسكندريه لمده نص ساعه مبهدل سيراتو كوبيه بس قبل ما العربيه تعوم مني بعد ما عملت خرم في عجله و الواد بتاع الكاوتش مربطش العجل كويس لحد امبارح و اكتشفت ان الكاوتش مفكوك و ربطته و كل حاجه رجعت تمام
ماشاء الله أرقام تفرح .. وماركات محترمة بتتخيط ههههههههه
ياريتني كنت معاكم :)))))
بصو بقي و من الاخر و اللي عايز يقفل العداد صح يمشي علي طريق الفيوم الساعة 5 الفجر في ال 20 كيلو قبل البوابات عدل و يكون الهوا مع العربية ولوحدك وحاطط بنزبن 95 وحارق علي الغيارات جامد وتكون مانيوال , هاتجيب 220 بس اتاكد ان الكاوتش اللي معاك سليم والعفشة والفرامل سليمة الاول
يا جدعان بالراحة شوية.
أنا جيبت بيها 150 على طريق صلاح سالم بتاع دقيقتين بس العربية بسم الله ما شاء الله ثابته جدا.. العربية موديل 2011 وعاملة 3700 كيلو
والله أنا معاك في رأيك 110 -120 كفاية جدا ،و بعد كدة العربية هي اللي بتتحكم مش انتا لو حصلت أي حاجة .
مش عاوز أضايق حد بس الموضوع ده ممكن يشجع البعض على تجربة السرعة العالية و هو مش عنده الخبرة الكافية
و يحصل المحظور ، و ده بشوفه كل أسبوع على الصحراوي من الناس اللي بتطلع الطريق مرة في السنة و تفتكر نفسها
بتسوق على المحور و نتفرج على العجب و ربنا هو الستار !!!!!!!!!!
صدقوني أنا شفت ما يكفي في 13 سنة سواقة كل يوم على الطرق الزراعية .
تمنياتي بالسلامة للجميع .
185 كم علي الطريق الدولي الساحلي
معايا 2008 مانيول عامله 112 الف ك جبت 180 ك اكتر من مره اخرهم على طريق الكريمات اسيوط وكان معايا الاسرة لكن انا عندي ملاحظه على الصنى فى الجري لما بتكون الشنطه ملاينة و معاك حد فى العربية بيكون ثبات العربية رائع ولا كانك ركب مرسيدس او بى ام لكن لوحدك بيكون الثبات اقل شويه ( ممكن علشان على طول انا بسافر مع الاسرة وسافرت مرة او اتنين لوحدي ) فى المحمل ثبات الصنى افضل كتير من عربيات تانية فى نفس الفئة وممكن اعلى شويه .
مصطفى
جبت 145 ار بى ام 4 وشوية والثبات ممتاز وطبعا لسه جديدة عشان كده ما ارصطش (مكملتش 2000)
ana el sunny 3andy kda brdo w hia model 2008 w 3amla 65000
180