نداء و طلب و امنيه من اعضاء نايل موتورز الكرام بخصوص تقيماتنا و ارائنا

السلام عليكم و رحمة الله و بركاته

الموضوع ببساطه ان فى مشكله كنت شايفها من زمان بس كنت بقول انها بسيطه و عاديه و بحطها تحت مقوله " لولا اختلاف الازواق لبارت السلع " ... بس الموضوع زاد ... و اكتر من شخص اعرفهم لقيتهم بيتكلمو عن نفس الموضوع ؟

ندخل فى المشكله


المشكله انى اتكلمت مع اكتر من صديق و قريب عن منتدى نايل موتوز ... كلهم بلا استثناء عارفين المنتدى و شكرو فيه الحمد لله , لكن كانت الملاحظه الى سمعتها من كل الناس و هى الاتى ان " مافيش عربيه سلمت من كلام الاعضاء هنا ,مافيش عربيه واحده كويسه " ........ اى حد بيفكر يشترى عربيه و يدخل على نايل موتورز .... للاسف بيجيله احباط بسبب كلام ناس "الى اغلبهم بيفتو و بيتكلمو من غير تجربه حقيقيه ..... مجرد فتى بلا تجارب !!!! طيب يا جماعه الكلام ده فى مصلحة مين ؟ او حنكسب ايه لما ندايق الناس و نحبطهم !!!

انا ماشوفتش عربيه ماتشتمش فيها و اتقال عنها انها اسوا عربيه فى مصر ... من اسيوى ل اوروبى ل امريكانى ! نفس السؤال الى انا كنت بسأله و سمعته من ناس كتير بتدخل على المنتدى و بتشوف الكلام المكتوب عن كل عربيه بانها سيئه و خساره فيها الفلوس ...... لما كل العربيات وحشه -- ايـــــــــــــــــــــــ ــــه الـــــــــــــــــكـــــ ــــويـــــس -- ؟

ياجماعه لازم نعرف كويس ان لكل عربيه " اى سلعه عموما " مميزاتها و عيوبها ... اكيد الماروتى مش زى الانسر و اكيد الانسر مش زى الباسات و اكيد الباسات مش زى الفئه الخامسه و اكيد الفئه الخامسه مش زى الاس 500 و ......................... و ده لان كل عربيه بتستهدف شريعه معينه من العملاء و كل شركه بتحاول تصنع موديل السياره بمواصفات معنيه علاشان ينافس باقى الموديلات من نفس الفئه .... كل الاختلاف ان كل شركه بتنقص من حاجه و تزود من حاجه تانيه ... علاشان تحافظ على سعر العربيه انه يكون منافس لباقى الموديلات ..... الملخص للكلام ده ان لكل عربيه مميزاتها و عيوبها . مش معنى ان عربيه مفهاش تاكيف تاتش و باركنج سينسورز انها عربيه سيئه , مش معنى ان خامتها متوسطه انها سيئه , مش معنى ان صاجها مش فولاذ انها سيئه , حتى مش معنى انها قديمه انها سيئه .

" ارجـــوكــــم " الالتزام -- بالقدر القليل من الامانه فى كتابه اى تقيمات او اراء عن عربيه معينه .... اولا علاشان مانضايقش الناس الى معاهم العربيات ديه و نديهم احساس " غير حقيقى " انهم اتضحك عليهم , ثانيا و ده الاهم ان ارائنا ديه مش مبنيه على اساس علمى ... مع كامل احترامى احنا مش كلنا مهندسى ميكانيكا ولا نص عمرنا داخل مصانع السيارات علاشان ندى احكام "" قاطعه "" عن ان العربيه ديه سيئه او ممتازه او ذات خامات داخليه رديئه او جيده ...... احنا كلنا بنجتهد فى ارائنا الى بتكون مبنيه على ازواقنا فى الاساس ......

نقطه كمان مهمه .. مش معنى ان حد ساق 20 او 50 ولا حتى 300 عربيه يبقى هو ملم بالهندسه الميكانيكيه " اسف حضرتك مش انزو فيرارى " علاشان تكون المحدد لسياره اذا كانت كويسه او معيوبه و تقول انا طول عمرى بسوق عربيات و حكمى مبنى على خبرتى !!!

الرجاء الرجاء الرجاء قبل كتابه اى موضوع او تقيم ل عربيه او رأى عن ادائها و جودتها .... يكون عن تجربه او على الاقل يكون فى تجميع لمعلومات فنيه عنها ..... لكون مقلوش كلام من عينه ... "-- عربيه تعبانه بتقلب على 90 , هههههههههههههههههههه ايه العربيه الزباله ديه , لا لا لا صاج ورق و امان صفر , عربيه اى كلام و انصحك بالعربيه تقفيل تيوانى افضل و اضمن 100 مره من السيارات التنجولى مجهوله المصدر, لا انا سمعت ان صوت الموتور بيجعر بعد 2000 rpm , كارثه الانسر ... العربيه بتمشى لوحدها , صور لحادث غامض تحطم سياره نصر 155 يثير الشكوك حول جودتها ................ -- " .

مش حنكسب حاجه لما نقول كلام غير صحيح لمجرد اننا ندايق الناس و بس و نثبت " بالعافيه " اننا الى بنفهم بس .

بتعتذر لو طريقه كلامى حاده بس فعلا شايف اننا الموضوع بقى زايد عن حده جدا .

موافقك في كل كلمة قلتها
اكيد احساس مش كويس لما الاقي العربية اللي جايبها بطلوع الروح الناس بتشتم فيها

تصدق بالله .. انا كنت هكتب موضوع شبه دة انهاردة :) ..

الواحد يكون بيقارن بين الكورولا و الجيتا مثلا .. يخش على قسم تويوتا يلاقيهم بيشتموا فى الجيتا و يخش فى قسم فولكس يلاقيهم بيشتموا فى الكورولا هههههههههههههه

و انا ياما قلت و كتبت فى التوقيع لفترة .. " ياريت نقارن بحقائق و ارقام و وقائع و نبعد عن الميول الشخصية و العاطفية"

لكن للاسف قليلين اوي الاستجابوا ..

كل واحد ينصح بالعربية البيحبها و يشتم فى المبيحبهاش ..


عامة الموضوع فيه كلام كتير و هكمل بكره ان شاء الله ..

كلامك صح واحب اضيف
بره بالنسبة لاي سلعه حتى لو موبايل بلاقي التقييم والتعليقات عباره عن مقارنة بالخامات و اعتماديتها مقابل ثمنها فقط
you got for what you paid
دة للناس العاديه والفنيات دى للناس المختصه
احنا فمصر كل الشعب مختص في كل المجالات

لكن في النهايه لا حاجه تخلو من الاعطال او العيوب

معاك فى كل كلمة انت قولتها
نفسى مرة واحدة اشوف مقارنة تكون العربيتين اللى فى المقارنة عربيات كويسة
مش لازم ابدا اننا نقارن عربيتين ببعض نطلع واحدة زبالة وواحدة مكوك فضاء
المفروض كل واحد بيوضح عيوب ومميزات كل عربية من وجه نظره واللى يهمه المقارنة
هو اللى يحدد مين الافضل من حيث احتياجاته من العربية
على العموم انت راجل محترم وكلامك كله موزون ويا رب الناس تسمعلك وتعمل بنصيحتك واولهم انا
لان بصراحة لو دخلت قسم المقارنات حتشوف العجب

كل اللي اتمناه ان كل كلمه بتتقال على المنتدى تكون صادقه
كل اللي اتمناه ان الناس تراعي شعور الاخوه مالكي السياره اللي بيتجرح فيها ( يا جماعه كل واحد معاه عربيه جابها بعد تعب سنين وهيحبها وهيحافظ عليها وهيكره اللي يقول عليها وحشه حتى لو هيا فعلا وحشه لكن مريحاه)
كل اللي اتمناه ان الناس تفكر بعقلها شويه وتسيبها من التفكير الغير مجدي زي ( الياباني هو الاصل والالماني مفيش احسن منه والكوري مفيش زيه) ويفكروا بأفق عالي شويه
كل اللي اتمناه ان الناس متفعلش بسرعه ولكن الرد يكون في هدوء ويتقبل الرأي الاخر بهدوء ويشوف وجهة نظر اكثر من شخص وهو الحكم ليه في الاخر لكن على نفسه فقط

شكرا يا مهاب على كلامك
كلامك سليم جداا
انا اتمنيت واتمنى ان الناس تبدأ تنفذ بجد
مش مجرد كلام وخلاص
شكرا

انا كنت مستنى افضى شويه علشان اكتب موضوع كامل عن التقييمات والانحياز والتعصب لعربيات معينه او فئه معينه او حتى بلد انتاج

ربنا يبارك فيك يا استاذ مهاب , الموضوع ده بقا صعب قوى وللأسف زعلنى قوى لما سمعت من كذا واحد من صحابى ان نايل موتورز الناس فيه متعصبين لعربياتهم قوى وبيهاجموا بعض فى المناقشه

ولما دخلت قسم المقارنات او اى قسم اشوف فيه موضوع عن عربيه جديده كنت فعلا بشوف الواقع ده يا صاحب العربيه او حد عنده عربيه من نفس الشركه بيمدح جدود العربيه ومش طايق حد يرد عليه غير بأمين يا واحد عامل موضوع مخصوص يقول على عربيه انها كارو

صحيح هو الموضوع ثقافه وفكر مش مجرد اسلوب بس ارجو ان اسلوبنا يتغير فى الحكايه دى محدش هيكسب حاجه لما واحد يشترى عربيه هو يملكها فى الاساس ومحدش هيخسر حاجه لو فى حد فكر فيها وبعدين صرف عنها نظر

العربيات عيوب ومميزات تنجح وتفشل حسب احتياجات الشارى مش حسب اهواء اللى بيرد عليه

نفس الكلام ينطبق على الكماليات و الإمكانيات
زي مثلا الناس اللي بتشتم في الأوتوماتيك كأنه إختراع إبن إمبارح واللي عمله فضائيين
كمان أنا مرة كنت عايز اركب مساحات ويبر كمثال يعني و لما ركبها 90% من الناس تقولي دي بتجير و وحشة .. و الحمد لله مركبها بقالي كذا شهر و احسن من بتاعت العربية
كمان مرة واحد كان بيقارن الباسات بالفيكترا وال316i وسمعت العجب ( الباسات عفشتها ناشفة و موتورها صوته عالي و الجديد بقى إن دريكسيونها تقييييييييييييييييييل !!!!!!!!!!!!!!!!!!!!

جحا زمان كان ماشي هوا وابنه وحماره

الاول كان راكب هوا وابنه علي الحمار

الناس قالت له حرام عليك الحمار انتا مبتحسش؟؟؟

بعدين نزل هوا وساب ابنه بس علي الحمار

الناس قالت للواد حرام عليك ابوك انتا مبتحسش؟؟

بعدين ركب هوا وساب ابنه يمشي جمب الحمار

الناس قالت لجحها حرام عليك ابنك انتا مبتحسش؟؟؟

بعدين راحوا هما الاتنين نزلوا من علي الحمار

الناس قالت امال ايه لازمة الحمار معاكم

في الاخر تخيل عمل ايه؟؟؟

هوا وابنه شالوا الحمار

الناس قالت عليه مجنووووووون

A.Yakout

ربنا يبارك في حضرتك .....كنت ناويه النهارده الصبح اني اكتب نفس الكلام تقريبا بس الصراحه جوه منتدي كيا
لان الموضوع فعلا عدي حدود النصح والكلام المنطقي .....وفي بعض الاحيان بيتحول لاتهام شخصي واهانه
احب اضيف حاجه الي كل من يقيم عربيه ايا كانت نوعها .....دي ماكينه حديديه ليس لها عقل خاص بها ....عقلها هو من يقودها
وليس العكس ومش كل الناس بتفكر زي بعض .........اللي ينصح بعربيه معينه لازم تكون عنده وبقالها فتره كمان...علشان يكون بيتكلم من واقع تجربته ليها.......مش تاخدها لفه وتقول لا مش عجباني ......او انا بسوق بقالي مش عارف كام سنه
الي بستغربه اكتر ان من يوم ما المنتدي كتب (لايلفظ من قول الا لديه رقيب عتيد) والناس نازله في الفتي للصبح هو محدش بيتوقف للحظه ويقراها قبل ما يكتب كلامه
ربنا يهدي الجميع ...وبلاش ننقل عصبيه وقرف الشارع اللي كلنا فيه كل يوم الي صفحات المنتدي اللي المفروض انه المتنفس الراقي المتحضر اللي الواحد بيحس من خلاله بادميته وان هناك عقول لدي الناس بعد ما ابتديت اشك في وجودها من السواقه في الشوارع

مساء الخير
الموضوع بدء في التفشي في كل اقسام المنتدى ولا يوجد اي طريقة عملية لمنعه... غير اختيار الموضيع اللي تقراءها والكتاب الذي تقراء لهم ولابد ان يكون لديك حكم على ما تقرأه ما بين مصدق ومقتنع او لا..

فلا ننسى ان هذا منتدى عام يستطيع كل الشباب المشاركة فيه من مختلف الفئات العمرية والثقافية وايضاَ من مختلف الدول.... لهذا لا يوجد قاعدة او قانون للحكم على مشاركات الاعضاء.

أ/ مهاب طلبك في محلة ولا نستطيع إلا تطبيقة على انفسناً فقط.. ولكني أأكد لك ان كل من افتى او تعمد اعطاء معلومات مغلوطة سوف ينكشف مع مرور الوقت لباقي الاعضاء وسيفقد مصداقيته وبالتالي لن يكون له تأثير
فعلا سبيل المثال هناك بعض الاعضاء الذين لا تقنعني افكارهم ولا لديهم الحجة والدليل على المعلومات الي يقدموها فبالتالي انا لا اهتم بما يكتبون او باي نصيحة منهم.
كما هو الحال في الصحافة وبرامج الحوار هناك كتاب او مذيعين تقتنع لأرائهم واخرين لا. ليس معنى هذا انك تقاطع الجريدة كلها لان بها احد الكتاب الضعاف.

في النهاية المعادلة بسيطة
" اختر ما تقراء.. وكن حذر فيما تكتب ... "

أ/ مهاب ارجو تقبل مروري وشكري
لك منى الف سلام وتحية وتقدير

مهاب باشا.......صباح الفل :)

أولاً أحب أحييك على الموضوع ده لأنه بيتكلم عن نقطة مهمة جداً و هى الحيادية فى التقييم و فى أبداء الرأى و تقييم الجودة مقابل السعر.

بس للأسف أحنا هنا كمنتدى مش هنعرف نحكم الجزيئة بتاعة الحيادية دى كويس لأن الناس عادة بيبقى ليها أحساس مختلف بالعربيات....

نقطة تانية أن أحنا فى مصر بنفكر تفكير مختلف عن معظم العالم فيما يتعلق بالسيارات لأن معظم الشعب بيتعامل مع العربية على أساس أنها من الأصول الثابتة......وده شئ أبعد ما يكون عن المنطق......السيارة سلعة أستهلاكية.

و برضه من الأشياء اللى بتخلى فى نوع من أنواع الأختلاف فى التقييم هو أن واحد بيشترى عربية ب 100 ألف و هو متوقع منها أنها عربية زى اللى ب 150 ألف !!!!!!!!!!! تيجى أزاى ؟؟؟؟؟؟؟؟

للأسف الناس مش هتقتنع بالكلام ده بسهولة........و الطلب اللى أنت طالبه معتقدش أنه ممكن يحصل غير عن طريق أدارة المنتدى ( و أعتقد دى هتبقى صعبة شوية ) عن طريق أنهم يمنعو التقييم عن طريق كل الأعضاء عدا أعضاء مكلفين من الأدارة بالتقييم.......و ليكن مثلاً 3 أو 4 أشخاص من كل قسم من المعروفين بالحياد و الدراية الكاملة بالسيارات......زى ما حصل مع أحمد أسماعيل و نادر نبيل فى موضوع السيراتو.

اقتباس:

---

المشاركة الأصلية كتبت بواسطة tabeb

موافقك في كل كلمة قلتها
اكيد احساس مش كويس لما الاقي العربية اللي جايبها بطلوع الروح الناس بتشتم فيها

---

فعلاً ... كانك رميت فلوسك فى الارض فى عربيه ملهاش لازمه و بنسبه 90 % بيكون الكلام اصلا غلط و مالوش اساس من الصحه .

اقتباس:

---

المشاركة الأصلية كتبت بواسطة kareemhisham

تصدق بالله .. انا كنت هكتب موضوع شبه دة انهاردة :) ..

الواحد يكون بيقارن بين الكورولا و الجيتا مثلا .. يخش على قسم تويوتا يلاقيهم بيشتموا فى الجيتا و يخش فى قسم فولكس يلاقيهم بيشتموا فى الكورولا هههههههههههههه

و انا ياما قلت و كتبت فى التوقيع لفترة .. " ياريت نقارن بحقائق و ارقام و وقائع و نبعد عن الميول الشخصية و العاطفية"

لكن للاسف قليلين اوي الاستجابوا ..

كل واحد ينصح بالعربية البيحبها و يشتم فى المبيحبهاش ..


عامة الموضوع فيه كلام كتير و هكمل بكره ان شاء الله ..

---

ده الى انا بتكلم فيه ... ممكن اكون شايف ان الكورولا شكلها مش حلو , او الجيتا سعرها غالى .... لكن ده مش معناه انها سيارات سيئه ....بالعكس ... بس انا اقول رأيى فى السعر .. فى الشكل .. فى المواصفات الفنيه ...... ولو انا بامتلك العربيه او جربتها اقول رأيى فيها و احاول التزم الحياديه ...... لكن ما اقولش سيئه من منطلق انى شايفها سيئه او خارقه لانها عندى و عجبانى .

اقتباس:

---

المشاركة الأصلية كتبت بواسطة Haitham10

كلامك صح واحب اضيف
بره بالنسبة لاي سلعه حتى لو موبايل بلاقي التقييم والتعليقات عباره عن مقارنة بالخامات و اعتماديتها مقابل ثمنها فقط
you got for what you paid
دة للناس العاديه والفنيات دى للناس المختصه
احنا فمصر كل الشعب مختص في كل المجالات

لكن في النهايه لا حاجه تخلو من الاعطال او العيوب

---

Don’t expect too much …………..
ده حقيقى ماتنتظرش الكثير من عربيه اقتصاديه مثلا و تكون متوقع انها على نفس الكفائه و الراحه و الكماليات بالمقارنه بعربيه اغلى منها مثلا ....هنا المقارنه مش فى محلها بالتأكيد .

اقتباس:

---

المشاركة الأصلية كتبت بواسطة ringoo

معاك فى كل كلمة انت قولتها
نفسى مرة واحدة اشوف مقارنة تكون العربيتين اللى فى المقارنة عربيات كويسة
مش لازم ابدا اننا نقارن عربيتين ببعض نطلع واحدة زبالة وواحدة مكوك فضاء
المفروض كل واحد بيوضح عيوب ومميزات كل عربية من وجه نظره واللى يهمه المقارنة
هو اللى يحدد مين الافضل من حيث احتياجاته من العربية
على العموم انت راجل محترم وكلامك كله موزون ويا رب الناس تسمعلك وتعمل بنصيحتك واولهم انا
لان بصراحة لو دخلت قسم المقارنات حتشوف العجب

---

+100
ربنا يخليك يا أ عمرو اشكرك على كلامك الجميل
انا الصراحه مش بدخل قسم المقارنات مع كتير من الاقسام الاخرى لانى بشوف كلام " حقيقى مالوش معنى " .... الكلام مش بيبقى اختلاف فى وجهة النظر ... لا ده بيكون محاوله لاثبات وجهة نظر بالعافيه و كأن الى بيتكلم ده هو مصدر الصواب ؟ طيب ازاى
زى ماحضرتك قولت ... لكل عربيه مميزات و عيوب ... انتا كعميل ... بتختار العربيه الى مميزاتها مناسبه ليك و عيوبها مش فارقه معاك ......... ده المنطقى ... انا محتاج بيكانتو فل اوبشن ... مشاويرى كلها فى وسط البلد و محتاج عربيه صغيره و اقتصاديه حتى وان كان تمنها غالى و موتورها ضعيف لانها هى المناسبه لاحتياجاتى ...... ماجيش اقول كلام من نوعيه " الانوس و الافيو برقبتها .... ده على الطريق مش بمشى اقل من 150 " .... طيب ماهو الى عاوز البيكانتو اساسا مش عاوزها للسرعات ديه و مش فارق معاه كل الكلام ده .... يبقى انا قولتلو ان البيكانتو سيئه لمجرد انها هاتش باك و بتمنها ممكن اجيب عربيه سيدان و اكبر و موتور اقوى ؟ طيب هل ده منطق

اقتباس:

---

المشاركة الأصلية كتبت بواسطة musiccairo

كل اللي اتمناه ان كل كلمه بتتقال على المنتدى تكون صادقه
كل اللي اتمناه ان الناس تراعي شعور الاخوه مالكي السياره اللي بيتجرح فيها ( يا جماعه كل واحد معاه عربيه جابها بعد تعب سنين وهيحبها وهيحافظ عليها وهيكره اللي يقول عليها وحشه حتى لو هيا فعلا وحشه لكن مريحاه)
كل اللي اتمناه ان الناس تفكر بعقلها شويه وتسيبها من التفكير الغير مجدي زي ( الياباني هو الاصل والالماني مفيش احسن منه والكوري مفيش زيه) ويفكروا بأفق عالي شويه
كل اللي اتمناه ان الناس متفعلش بسرعه ولكن الرد يكون في هدوء ويتقبل الرأي الاخر بهدوء ويشوف وجهة نظر اكثر من شخص وهو الحكم ليه في الاخر لكن على نفسه فقط

شكرا يا مهاب على كلامك
كلامك سليم جداا
انا اتمنيت واتمنى ان الناس تبدأ تنفذ بجد
مش مجرد كلام وخلاص
شكرا

---

شكرا محمود باشا على كلامك
كلامك عن الالمانى و الكورى ... فكرنى بمداخله شوفتها فى قسم هيونداى ....... كان حد كاتب انه معاه نيو النترا ... و انه بيشد مع عربيات زى الاوكتافيا و الجيتا و بيسبقهم ............ بغض النظر عن فكره الموضوع ...... بس الى مفهمتوش ليه كل الناس مستغربيه و متضايقه و رافضه تماما فكره ان نيو الانترا 122 حصان " كورى " تسبق عربيه اوكتافيا 102 حصان " بيقولو عليها المانى و هى اصلا تشيكى "
طيب انا بعينى شوفت نيو النترا بتسبق 316 الشكل الجديد و بفرق ملحوظ جدا ..." شد مواتير من الصفر و فى مطلع كمان و الالنترا سبقت بكتييييير
الموضوع مش سحر ولا شعوزه ..... ببساطه فى فرق فى القدره الحصانيه , فى فرق فى الوزن ... يبقى العربيه الى نسبه القوه للوزن فى صالحها هى الاسرع حتى لو كورى........... ديه هندسه ملهاش علاقه بان ديه المانى ولا موزنبيقى .
يبقى ليه الناس تدخل تقول - - لا مستحيل , ازاى النترا اسرع ديه عربيه كورى !! و ديه المانى ؟؟؟؟؟؟

اقتباس:

---

المشاركة الأصلية كتبت بواسطة Ahmed0Nouh

انا كنت مستنى افضى شويه علشان اكتب موضوع كامل عن التقييمات والانحياز والتعصب لعربيات معينه او فئه معينه او حتى بلد انتاج

ربنا يبارك فيك يا استاذ مهاب , الموضوع ده بقا صعب قوى وللأسف زعلنى قوى لما سمعت من كذا واحد من صحابى ان نايل موتورز الناس فيه متعصبين لعربياتهم قوى وبيهاجموا بعض فى المناقشه

ولما دخلت قسم المقارنات او اى قسم اشوف فيه موضوع عن عربيه جديده كنت فعلا بشوف الواقع ده يا صاحب العربيه او حد عنده عربيه من نفس الشركه بيمدح جدود العربيه ومش طايق حد يرد عليه غير بأمين يا واحد عامل موضوع مخصوص يقول على عربيه انها كارو

صحيح هو الموضوع ثقافه وفكر مش مجرد اسلوب بس ارجو ان اسلوبنا يتغير فى الحكايه دى محدش هيكسب حاجه لما واحد يشترى عربيه هو يملكها فى الاساس ومحدش هيخسر حاجه لو فى حد فكر فيها وبعدين صرف عنها نظر

العربيات عيوب ومميزات تنجح وتفشل حسب احتياجات الشارى مش حسب اهواء اللى بيرد عليه

---

ربنا يخليك يا أ احمد
و احنا مستنين موضوعك عن المشكله ديه لان حقيقى الموضوع زاد عن حده

اقتباس:

---

((العربيات عيوب ومميزات تنجح وتفشل حسب احتياجات الشارى مش حسب اهواء اللى بيرد عليه))

---

اتمنى ان الناس تفهم الجمله ديه كويس ...

اقتباس:

---

المشاركة الأصلية كتبت بواسطة khattab_1989

نفس الكلام ينطبق على الكماليات و الإمكانيات
زي مثلا الناس اللي بتشتم في الأوتوماتيك كأنه إختراع إبن إمبارح واللي عمله فضائيين
كمان أنا مرة كنت عايز اركب مساحات ويبر كمثال يعني و لما ركبها 90% من الناس تقولي دي بتجير و وحشة .. و الحمد لله مركبها بقالي كذا شهر و احسن من بتاعت العربية
كمان مرة واحد كان بيقارن الباسات بالفيكترا وال316i وسمعت العجب ( الباسات عفشتها ناشفة و موتورها صوته عالي و الجديد بقى إن دريكسيونها تقييييييييييييييييييل !!!!!!!!!!!!!!!!!!!!

---

الفكره كل واحد محتاج ايه .... مانيوال , اوتوماتك , استيبترونك ............. الاوتوماتك مش اختراع سيئ بدليل ان معظم مبيعات العربيات الحديثه بتبقى اوتوماتك او تسيبترونك .و كل واحد و احتياجاته .

اقتباس:

---

المشاركة الأصلية كتبت بواسطة nabaster

جحا زمان كان ماشي هوا وابنه وحماره

الاول كان راكب هوا وابنه علي الحمار

الناس قالت له حرام عليك الحمار انتا مبتحسش؟؟؟

بعدين نزل هوا وساب ابنه بس علي الحمار

الناس قالت للواد حرام عليك ابوك انتا مبتحسش؟؟

بعدين ركب هوا وساب ابنه يمشي جمب الحمار

الناس قالت لجحها حرام عليك ابنك انتا مبتحسش؟؟؟

بعدين راحوا هما الاتنين نزلوا من علي الحمار

الناس قالت امال ايه لازمة الحمار معاكم

في الاخر تخيل عمل ايه؟؟؟

هوا وابنه شالوا الحمار

الناس قالت عليه مجنووووووون

A.Yakout

---

http://www.nilemotors.net/Nile/images/icons/icon10.gif

الى الف القصه ديه مغلطش ....

اقتباس:

---

المشاركة الأصلية كتبت بواسطة enas75

ربنا يبارك في حضرتك .....كنت ناويه النهارده الصبح اني اكتب نفس الكلام تقريبا بس الصراحه جوه منتدي كيا
لان الموضوع فعلا عدي حدود النصح والكلام المنطقي .....وفي بعض الاحيان بيتحول لاتهام شخصي واهانه
احب اضيف حاجه الي كل من يقيم عربيه ايا كانت نوعها .....دي ماكينه حديديه ليس لها عقل خاص بها ....عقلها هو من يقودها
وليس العكس ومش كل الناس بتفكر زي بعض .........اللي ينصح بعربيه معينه لازم تكون عنده وبقالها فتره كمان...علشان يكون بيتكلم من واقع تجربته ليها.......مش تاخدها لفه وتقول لا مش عجباني ......او انا بسوق بقالي مش عارف كام سنه
الي بستغربه اكتر ان من يوم ما المنتدي كتب (لايلفظ من قول الا لديه رقيب عتيد) والناس نازله في الفتي للصبح هو محدش بيتوقف للحظه ويقراها قبل ما يكتب كلامه
ربنا يهدي الجميع ...وبلاش ننقل عصبيه وقرف الشارع اللي كلنا فيه كل يوم الي صفحات المنتدي اللي المفروض انه المتنفس الراقي المتحضر اللي الواحد بيحس من خلاله بادميته وان هناك عقول لدي الناس بعد ما ابتديت اشك في وجودها من السواقه في الشوارع

---

شكرا على رد حضرتك
هو الموضوع ليه جانبين ... ماينفعش اقول على عربيه سيئه لمجرد انها مش عجبانى , و ماينفعش اقول انها جيده لمجرد انها عجبانى او حتى معايا ......... لازم يكون التقيم راجع لمواصفات فنيه , اداء , معدل امان , حجم كماليات , سعر , ضمان .................... الخ
لو انا امتلك عربيه و فعلا عجبانى و حنصح الناس بيها و حكتب عنها تقيم مفصل ... احاول اجتهد شويه و اعمل بحث عنها فى مواقع الانترنت و اعرف مواصفتها الفنيه ... وايه المميزات فى الموتور , انظمه التعليق , الشاسيه . و ديه حاجه بقت سهله و البركه فى جوجل .

اقتباس:

---

المشاركة الأصلية كتبت بواسطة Eng. Rafy Samy

مساء الخير
الموضوع بدء في التفشي في كل اقسام المنتدى ولا يوجد اي طريقة عملية لمنعه... غير اختيار الموضيع اللي تقراءها والكتاب الذي تقراء لهم ولابد ان يكون لديك حكم على ما تقرأه ما بين مصدق ومقتنع او لا..

فلا ننسى ان هذا منتدى عام يستطيع كل الشباب المشاركة فيه من مختلف الفئات العمرية والثقافية وايضاَ من مختلف الدول.... لهذا لا يوجد قاعدة او قانون للحكم على مشاركات الاعضاء.

أ/ مهاب طلبك في محلة ولا نستطيع إلا تطبيقة على انفسناً فقط.. ولكني أأكد لك ان كل من افتى او تعمد اعطاء معلومات مغلوطة سوف ينكشف مع مرور الوقت لباقي الاعضاء وسيفقد مصداقيته وبالتالي لن يكون له تأثير
فعلا سبيل المثال هناك بعض الاعضاء الذين لا تقنعني افكارهم ولا لديهم الحجة والدليل على المعلومات الي يقدموها فبالتالي انا لا اهتم بما يكتبون او باي نصيحة منهم.
كما هو الحال في الصحافة وبرامج الحوار هناك كتاب او مذيعين تقتنع لأرائهم واخرين لا. ليس معنى هذا انك تقاطع الجريدة كلها لان بها احد الكتاب الضعاف.

في النهاية المعادلة بسيطة
" اختر ما تقراء.. وكن حذر فيما تكتب ... "

أ/ مهاب ارجو تقبل مروري وشكري
لك منى الف سلام وتحية وتقدير

---

مساء النور يا بشمهندس رفيق .
كلام مظبوط و منطقى 100 %
مش اى كلام مكتوب يتصدق و نتناقله و يبقى امر مسلم بيه .
بس الكلام الى من نوعيه ......... انا ركبت عربيات كتير و اقدر احكم ان ديه عربيه اى كلام , ديه عربيه ضايعه ..... كتر اوى و بقى ملل جدا جدا جدا ... انا عارف طبعا ان ده موضوع مالوش حل لاننا مش حنتحكم فى الناس الى داخله و بتكتب اى كلام ولا عارفين ايه خلفيتهم العلميه او الثقافيه ... بس اتمنى ان الردود يبقى فيها عقلانيه شويه ... مش يبقى النظام " تيار موجب و تيار سالب " لو مش معايا تبقى ضدى .

اقتباس:

---

المشاركة الأصلية كتبت بواسطة Ahmed A.Maksoud

مهاب باشا.......صباح الفل :)

أولاً أحب أحييك على الموضوع ده لأنه بيتكلم عن نقطة مهمة جداً و هى الحيادية فى التقييم و فى أبداء الرأى و تقييم الجودة مقابل السعر.

بس للأسف أحنا هنا كمنتدى مش هنعرف نحكم الجزيئة بتاعة الحيادية دى كويس لأن الناس عادة بيبقى ليها أحساس مختلف بالعربيات....

نقطة تانية أن أحنا فى مصر بنفكر تفكير مختلف عن معظم العالم فيما يتعلق بالسيارات لأن معظم الشعب بيتعامل مع العربية على أساس أنها من الأصول الثابتة......وده شئ أبعد ما يكون عن المنطق......السيارة سلعة أستهلاكية.

و برضه من الأشياء اللى بتخلى فى نوع من أنواع الأختلاف فى التقييم هو أن واحد بيشترى عربية ب 100 ألف و هو متوقع منها أنها عربية زى اللى ب 150 ألف !!!!!!!!!!! تيجى أزاى ؟؟؟؟؟؟؟؟

للأسف الناس مش هتقتنع بالكلام ده بسهولة........و الطلب اللى أنت طالبه معتقدش أنه ممكن يحصل غير عن طريق أدارة المنتدى ( و أعتقد دى هتبقى صعبة شوية ) عن طريق أنهم يمنعو التقييم عن طريق كل الأعضاء عدا أعضاء مكلفين من الأدارة بالتقييم.......و ليكن مثلاً 3 أو 4 أشخاص من كل قسم من المعروفين بالحياد و الدراية الكاملة بالسيارات......زى ما حصل مع أحمد أسماعيل و نادر نبيل فى موضوع السيراتو.

---

صباح الفل احمد باشا http://www.nilemotors.net/Nile/images/icons/icon7.gif
ديه فعلا من المشاكل الكبرى .... ناس كتير لما بتفكر تجيب العربيه تفكر و احنا حنجيبها ... حنبيعها بكام ؟؟؟؟ حاجه زى العقار و الذهب بنحطلها مواصفات قياسيه من دماغنا.... ... لا اصل سعر اعاده البيع سئ .... يبقى ديه عربيه سيئه ....اكيد لا ... ده عيب من ضمن العيوب لكن ده مايخلهاش سيئه .
بما انك معاك ميجان فعارف الكلام الى بيتقال لو حد اشترى رينو .... بأنه رمى فلوسه فى الارض و انها عربيات مشاكلها كتير !!!!!!!!!!! طيب الكلام ده ايه خلفيته ...." اصل انا سمعت اصل انا شوفت " , و الموضوع تحول ل تأكيد مستميت على ان ماركه رينو ككل سيئه .......المشكله مش فى رينو .... حضرتك لو دخلت قسم فيات حتلاقى نفس الكلام .
رينو او فيات 2 من افضل الماركات على مستوى العالم ...
احنا بنتكلم عن قناعات شخصيه ملهاش اى اساس من المنطق لمجرد اننا مقتنعين بفكره واحده و قافلين عليها و رافضين نسمع اى رأى اخر غير رأينا و كاننا مقياس الصواب !
.... طبعا انا ضد فكره اننا نخلى تقييم السيارات لاعضاء محددين فقط موثوق فى كلامهم ... كده حيبقى المنتدى انتهى دوره و حيتحول لمجله سيارات
فكره ان يبقى فى تقيامات حياديه من ناس معروفين فى كل قسم و تبقى مثبته اعتقد فكره اكثر من ممتازه .... على الاقل حتكون مرجع موثوق فيه لاى حد بيفكر يشترى العربيه و حيضمن انه يقرأ رأى حيادى حتى ولو مكانش مظبوط 100 %

فعلا كلامك صحيح ومتفق معاك خصوصا كمية الردود المستفزة والهجوم الغير مبرر دا غير القصص اللى بتحصل وبيمشى الموضوع على منوال انا شفت اصل انا سالت قالى والشغل دة ويبتدى الفتى لغير المجربين

مش عيب اننا نسال
العيب اننا ناذى حد بمعلومة غلط او نصيحة بدون تجربية حقيقية ومحايدة

جزاك الله خيرا على هذا الموضوع
ولى تعليق بسيط :
بعض الناس : بيشكرفى عربيته او الشركه المصنعه لها او الدوله المصنعه لها وبيفتخر اوى كأنه مثلا كان مشارك فى تصنيع مسمار فى العربيه او حتى خيط فى الفرش بتاع العربيه
مع اننا دوله مستهلكه يعنى بنتفرج بس.

بعض الناس بتذم فى العربيه والموضوع يقلب بخناقه ويغلط فى زميله علشان غلط فى حته الحديد اللى مركونه فى الشارع

العربيه وسيله ( للانتقال ) مش غايه
وشكرا ليك مره تانيه

كلام فعلا مظبوط , أنا رأيي إن اللي يقيم عربية و يقول رأيه فيها لازم يكون عن تجربة شخصية مش سماعية من ناس تانية

و الأفضل كمان إن التجربة دي تكون لفترة زمنية مش قصيرة

يعني مثلا مش عشان واحد أجر عربية لمدة كام ساعة يقدر إنه يقيمها تقييم مظبوط

على سبيل المثال العربية الفيرنا (ومش عشان هيا معايا) معظم الناس بيذموا فيها , طب يا جدعان فيه حد جربها فعلا لفترة ؟ ولا هو نقل كلام و خلاص ؟ و بعدين مش فيها حاجه إسمها مقارنة الإمكانيات بالنسبة للسعر , برضه محدش بيحط في باله النقطة دي زي ما حضرتك قلت

الخلاصة : - نرجو الحيادية لضمان مصداقية المنتدى

اقتباس:

---

المشاركة الأصلية كتبت بواسطة ahmed76

جزاك الله خيرا على هذا الموضوع
ولى تعليق بسيط :
بعض الناس : بيشكرفى عربيته او الشركه المصنعه لها او الدوله المصنعه لها وبيفتخر اوى كأنه مثلا كان مشارك فى تصنيع مسمار فى العربيه او حتى خيط فى الفرش بتاع العربيه
مع اننا دوله مستهلكه يعنى بنتفرج بس.

بعض الناس بتذم فى العربيه والموضوع يقلب بخناقه ويغلط فى زميله علشان غلط فى حته الحديد اللى مركونه فى الشارع

العربيه وسيله ( للانتقال ) مش غايه
وشكرا ليك مره تانيه

---

شكرا ليك أ احمد و شكرا لكل الاعضاء على ردودهم .

كون انك تفخر او تعجب بالدوله المصنعه لعربيتك او لاى عربيه عجباك حتى لو مش معاك... ديه مش مشكله بالعكس .... كتير من الناس بتفتخر مثلا ان سيارتها المانى لانها واثقه فى جوده الصناعه الالمانيه .او ايطاليه او فرنسيه .......

ناس بتفتخر بماليزيا لانها الدوله المسلمه الوحيده الى استطاعت تصنيع سياره ماليزيه 100 % " انا شخصيا بحترم جدا ماليزيا كدوله و الصناعه الماليزيه و التطور الى وصلوله "


حكلمك عن قناعتى الشخصيه ... انا مثلا عندى اعجاب ممكن يصل لحد الهوس بالسيارات الايطاليه عموما فيات ,الفاروميو ,لانشيا ,فيرارى ,ميزاراتى .. سواء الحديثه او القديمه .... ده مش عيب لان العربيه بالنسبالى مش سلعه بركبها من النقطه أ الى النقطه ب ..... فى تفاصيل كتير جدا بتستهوينى فى السيارات عموما اكيد مش فارقه مع ناس كتير , + ان الموضوع من ضمن هواياتى الى بفضلها .

بس فى فرق مابين ان عربيه تكون عجبانى جدا او انى بحب ماركه معينه و بوضح للناس ايه مميزات الماركه ديه او العربيه ديه ..... و انى اتكلم كلام مغلوط تماما و احاول اقنع الناس بالعافيه بوجهة نظرى حتى بالرغم من انها وجهة نظر محدش يقتنع بيها اساسا ...لضعف اسلوب الكلام , للمعلومات المغلوطه ....

احنا منتدى سيارات و اكيد اهتمامنا و كلامنا و اعجبنا مُنصب على السيارات عموما .. سواء لو نمتلكها , لو معجبين بيها .... بس نختار كلامنا و اسلوبنا فى الردود .

موضوع هايل هايل ياباشا

اقتباس:

---

المشاركة الأصلية كتبت بواسطة mohabsaeed

السلام عليكم و رحمة الله و بركاته

الموضوع ببساطه ان فى مشكله كنت شايفها من زمان بس كنت بقول انها بسيطه و عاديه و بحطها تحت مقوله " لولا اختلاف الازواق لبارت السلع " ... بس الموضوع زاد ... و اكتر من شخص اعرفهم لقيتهم بيتكلمو عن نفس الموضوع ؟

ندخل فى المشكله


المشكله انى اتكلمت مع اكتر من صديق و قريب عن منتدى نايل موتوز ... كلهم بلا استثناء عارفين المنتدى و شكرو فيه الحمد لله , لكن كانت الملاحظه الى سمعتها من كل الناس و هى الاتى ان " مافيش عربيه سلمت من كلام الاعضاء هنا ,مافيش عربيه واحده كويسه " ........ اى حد بيفكر يشترى عربيه و يدخل على نايل موتورز .... للاسف بيجيله احباط بسبب كلام ناس "الى اغلبهم بيفتو و بيتكلمو من غير تجربه حقيقيه ..... مجرد فتى بلا تجارب !!!! طيب يا جماعه الكلام ده فى مصلحة مين ؟ او حنكسب ايه لما ندايق الناس و نحبطهم !!!

انا ماشوفتش عربيه ماتشتمش فيها و اتقال عنها انها اسوا عربيه فى مصر ... من اسيوى ل اوروبى ل امريكانى ! نفس السؤال الى انا كنت بسأله و سمعته من ناس كتير بتدخل على المنتدى و بتشوف الكلام المكتوب عن كل عربيه بانها سيئه و خساره فيها الفلوس ...... لما كل العربيات وحشه -- ايـــــــــــــــــــــــ ــــه الـــــــــــــــــكـــــ ــــويـــــس -- ؟

ياجماعه لازم نعرف كويس ان لكل عربيه " اى سلعه عموما " مميزاتها و عيوبها ... اكيد الماروتى مش زى الانسر و اكيد الانسر مش زى الباسات و اكيد الباسات مش زى الفئه الخامسه و اكيد الفئه الخامسه مش زى الاس 500 و ......................... و ده لان كل عربيه بتستهدف شريعه معينه من العملاء و كل شركه بتحاول تصنع موديل السياره بمواصفات معنيه علاشان ينافس باقى الموديلات من نفس الفئه .... كل الاختلاف ان كل شركه بتنقص من حاجه و تزود من حاجه تانيه ... علاشان تحافظ على سعر العربيه انه يكون منافس لباقى الموديلات ..... الملخص للكلام ده ان لكل عربيه مميزاتها و عيوبها . مش معنى ان عربيه مفهاش تاكيف تاتش و باركنج سينسورز انها عربيه سيئه , مش معنى ان خامتها متوسطه انها سيئه , مش معنى ان صاجها مش فولاذ انها سيئه , حتى مش معنى انها قديمه انها سيئه .

" ارجـــوكــــم " الالتزام -- بالقدر القليل من الامانه فى كتابه اى تقيمات او اراء عن عربيه معينه .... اولا علاشان مانضايقش الناس الى معاهم العربيات ديه و نديهم احساس " غير حقيقى " انهم اتضحك عليهم , ثانيا و ده الاهم ان ارائنا ديه مش مبنيه على اساس علمى ... مع كامل احترامى احنا مش كلنا مهندسى ميكانيكا ولا نص عمرنا داخل مصانع السيارات علاشان ندى احكام "" قاطعه "" عن ان العربيه ديه سيئه او ممتازه او ذات خامات داخليه رديئه او جيده ...... احنا كلنا بنجتهد فى ارائنا الى بتكون مبنيه على ازواقنا فى الاساس ......

نقطه كمان مهمه .. مش معنى ان حد ساق 20 او 50 ولا حتى 300 عربيه يبقى هو ملم بالهندسه الميكانيكيه " اسف حضرتك مش انزو فيرارى " علاشان تكون المحدد لسياره اذا كانت كويسه او معيوبه و تقول انا طول عمرى بسوق عربيات و حكمى مبنى على خبرتى !!!

الرجاء الرجاء الرجاء قبل كتابه اى موضوع او تقيم ل عربيه او رأى عن ادائها و جودتها .... يكون عن تجربه او على الاقل يكون فى تجميع لمعلومات فنيه عنها ..... لكون مقلوش كلام من عينه ... "-- عربيه تعبانه بتقلب على 90 , هههههههههههههههههههه ايه العربيه الزباله ديه , لا لا لا صاج ورق و امان صفر , عربيه اى كلام و انصحك بالعربيه تقفيل تيوانى افضل و اضمن 100 مره من السيارات التنجولى مجهوله المصدر, لا انا سمعت ان صوت الموتور بيجعر بعد 2000 rpm , كارثه الانسر ... العربيه بتمشى لوحدها , صور لحادث غامض تحطم سياره نصر 155 يثير الشكوك حول جودتها ................ -- " .

مش حنكسب حاجه لما نقول كلام غير صحيح لمجرد اننا ندايق الناس و بس و نثبت " بالعافيه " اننا الى بنفهم بس .

بتعتذر لو طريقه كلامى حاده بس فعلا شايف اننا الموضوع بقى زايد عن حده جدا .

---

+11111111111111111111111111111111111111

مهاب باشا

:S_thum1[1]::B4_388:

اقتباس:

---

المشاركة الأصلية كتبت بواسطة ahmed a.maksoud

للأسف الناس مش هتقتنع بالكلام ده بسهولة........و الطلب اللى أنت طالبه معتقدش أنه ممكن يحصل غير عن طريق أدارة المنتدى ( و أعتقد دى هتبقى صعبة شوية ) عن طريق أنهم يمنعو التقييم عن طريق كل الأعضاء عدا أعضاء مكلفين من الأدارة بالتقييم.......و ليكن مثلاً 3 أو 4 أشخاص من كل قسم من المعروفين بالحياد و الدراية الكاملة بالسيارات......زى ما حصل مع أحمد أسماعيل و نادر نبيل فى موضوع السيراتو.

---

اولا احب اشكرك يا أ/مهاب على الموضوع ده و فعلا كل الاى انت قولته سليم جدا

و برضه اشكرك يا أ/احمد على الاقتراح ده
و اعتقد أنه ان الاوان انه يكون فيه فى المنتدى بعض الاعضاء المثبتين للتقييم و التجربة زى ما انت اشرت و أعتقد ان نايل موتورز بالحجم الحالى لابد من وجود علاقة قوية بجميع التوكيلات فى مصر لعمل تجارب و تقيمات للعربيات لانه على الاقل اى توكيل يتمنى انه يتكتب عن عربياته بشكل رسمى فى منتدى كبير زى نيل موتورز
بالنسبة لتقيمات الاعضاء فمن الممكن نقلها لقسم تجارب القيادة للاعضاء و يكون موازى ليه التجارب من قبل الاعضاء المفوضين من المنتدى للتجارب و اللى عايز معلومة يبقى عنده الاتنين

الله ينور عليك
كلام جميل ولازم يتطبق من النهرده .

الشعب المصري يتحرك بدافع من العاطفة والعقلانية ولكن بتأثير اكبر من العاطفة

احييك عالموضوع المهم...

رأيي.. عقدة الماركة هي المشكلة

أؤيد كلام حضرتك .. وفعلا موضوع مهم.