ليا استفسار يا جماعة
بالنسبة للايجار الجديد هل بيتكتب بند ان الايجار بيزيد بمعدل 10% سنويا ؟
لو الايجار 5 سنين هل ال10% دول بيبقوا من المبلغ الاساسي اللي في اول سنة ولا بيتحسب من اخر سنة؟
عرض للطباعة
ليا استفسار يا جماعة
بالنسبة للايجار الجديد هل بيتكتب بند ان الايجار بيزيد بمعدل 10% سنويا ؟
لو الايجار 5 سنين هل ال10% دول بيبقوا من المبلغ الاساسي اللي في اول سنة ولا بيتحسب من اخر سنة؟
ايوه بتتكتب فى العقد و بيتعمل صحه توقيع على كده
ال 10% تراكميه يعنى محل ب1000فى الشهر لمده 5 سنين
اول سنه 1000
تانى سنه 1100 (1000*10%)
تالت سنه1210 (1100*10%)
رابع سنه1331 (1210*10%)
و هكذا .....
مفيش حاجة فى القانون محددة كدة
ده بيكتب فى العقد ولازم يكون بنص واضح
لو مقلتش من ايجار السنة السابقة
هيتحسب من اول سنة اللى هيا 1000 جنيه
وده عن تجربة
انا مش فاهم يعني انا لو اجرت شقة لحد قانون جديد هل المفرض يبقي في زيادة في الايجار كل سنة ولا علي حسب الي هنتفق علي في الاول و خلاص ياريت حد يفهمنا النقطة ديه
الزياده بالاتفاق بين الطرفين
و يتم كتابه هذا البند فى العقد
القانون الجديد بيعطيك حرية تحط الشروط اللى انت عايزها بالاتفاق مع الطرف الاخر
فليك انك تحط نسبة مئوية لزيادة الايجار حسب ما تحب ممكن تكون 10% او 5% وممكن كل سنة او سنتين او اكتر وممكن تكون من الايجار الاساسى او انك تقول ان النسبة المئوية من اخر قيمة للايجار وبكده تبقى تراكمية .