السلام عليكم
اسمحولي اتطفل عليكم شويه لاني للاسف مش من ملاك رينو .
كنت عايز اخد رأيكم بمنتهي الحياديه في رينو سيمبول وهل هي الافضل في فئتها السعريه (كيا ريو,بروتون جين 2,نيو اكسنت,اوبترا,.................)
بس لو سمحتو بمنتهي الحياديه
منتظر الردود . وتحيه لكل أعضاء المنتدي
انا مش هاقدر ابقى محايد، وفي نفس الوقت مش هاقدر ما ردش...رينو طبعا..خدت بالك إن دي العربية الوحيدة الأوروبي في العربيات إللي حضرتك ذكرتها..الأوروبي أوروبي حتى لو اتصنع في برا اوروبا..ده الكلام إللي مش محايد..نرجع بقى للحياد
حضرتك بتبص على العربية ولا على السوق..لو على العربية يبقى رينو طبعا لما تقارن كفأة العربية والكماليات والتوكيل المحترم بأي عربية تانية من نفس الفئة السعرية..ده غير إن بعد الضمان تقدر تعمل شغل في العربية عند ناس (كتير جدا على فكرة) بيفهموا في الرينو..اما بقى لو عايز عربية بمنطق السوق يبقى افعل كما يفعل الناس في السوق
الف شكر ليك علي سرعة الرد.اقتباس:
المشاركة الأصلية كتبت بواسطة ecybrarian
والله انا ميال طبيعي للاوروبي اوالياباني بس قولت اسأل اهل الخبره اكيد هما يعرفو اكتر وبرده عايز اعرف اسعار قطع الغيار للرينو اخبارها ايه.
منتظر ردود اخري وللجميع مني التحيه.
http://www.nilemotors.net/Nile/112377-a.htmlاقتباس:
المشاركة الأصلية كتبت بواسطة melsaber
بسم الله الرحمن الرحيم
انا هاتكلم من وجهة نظري فقط عن السيمبول والجين 2
_ وهى مبنية على اصدقاء لى معاهم العربيات دة ماعدا السيمبول
اللى كنت بفليها قبل ما اشتري اللوجان
الشكل : السيمبول ( الاكثر جمالا و و قارا) و الجين 2 ( الاكثر شبابية ) ...
القيادة : حدث و لاحرج عن متعة قيادة الرينو .... وكمان بالذات السيمبول ... ( اصل كنت ناوي عليها قبل اللوجان )
كمان العربية ثابتة وموفرة فى البنزين 98 حصان 14 صباب ..
الجين 2 .... الناس بتشكر فيها جدا ثباتا و سريعة و موفرة جدا فى البنزين بالنسبة 1600 سي سي
الصناعة : معلش معلش الرينو يكسب
و ليست الصناعة حكر على قارة دون قارة _بحيادية
ولكن لسه الاوربى تقيل بردة فى الموضوع دة
قطع الغيار : السيمبول زي الكليو تقريبا فى اغلب اجزاء الماتور .....
والكليو أهى موجودة يمكن من 10 سنوات ... فمش هاتغلب فى قطع الغيار
الخلاصة : لو اوتوماتيك هات السيمبول من غير ادنى شك ...
لو مانيول .... ما عرفش صراحة _ اصلي استخارة على السيمبول بردة ... او الجين 2 وفى وجهة نظري المسكينة
هما افضل من ( الاوبترا , والاكسنت ).....
بس اللى متاكد منه ان السيمبول مش هاتندم عليها لو مش بتفكر تبيع لحد مثلا 60.000 كم
الف شكر يا سيادة العقيداقتباس:
المشاركة الأصلية كتبت بواسطة col. Eng. Khaled
انا عضو جديد لكن اول مادخلت منتدي رينو قريت عن حضرتك كلام كتير اقل حاجه فيه ان حضرتك انسان اكثر من رائع وعلي اساس كده منتظر من حضرتك نصيحه مباشره (علي سبيل المثال :انا شايف ان افضل عربيه في الفئه السعريه دي هي .........) وشكرا لحضرتك مره تانيه
مشكور يا أخي علي النصيحهاقتباس:
المشاركة الأصلية كتبت بواسطة architect_a