أ أ أ مصر 111 ...صورة أجمد لوحة في مصر

السلام عليكم.........

أجمد رقم في مصر.......... مصر EGYPT
أ أ أ 1 1 1
هل الصورة دي حقيقية و هيعملوا أرقام زي دي؟؟؟

و هل موضوع المزاد اللي هيعملوا عالنمر دي بجد زي ما بيعملوا في الأمارات و دول الخليج؟؟و لو حصل المزاد ده تفتكروا الناس الجامدة هتقبل عليه و لا هتخاف يتقال عنهم بيستفزوا الناس و عندهم سفه و من أين لك هذا و الصحافة فين واحد ملياردير أهووووه.....
ولا هيكون العائد للأعمال الخيرية فهتلاقي تنافس من الشخصيات العامة على الظهور و الدعاية لنفسهم؟؟


أسأله كتير في دماغي و لسه فيه خواطر كتير تتعلق بالموضوع ده علشان كده أتمنى تشاركوني برأيكم و بنات أفكاركم و خيالكم...........

حضرات الأعضاء الأفاضل أقدملكم أجمد نمرة عربية في مصر :

http://www4.0zz0.com/2010/01/02/05/418681682.jpg


و لكم كل التحية و التقدير..........

أخوكم أشــــــرفــــــــ............

.....

جامدة فعلا..جبتها من اين يا استاذ اشرف

بس أنا اعرف ان النمر الجديدة مفيش فيها تكرار .. و اللوحة دي الله ينور مليانة تكرارات

اقتباس:

---

المشاركة الأصلية كتبت بواسطة ecybrarian

جامدة فعلا..جبتها من اين يا استاذ اشرف

---

من عالفيس توك يا شئيئي........

و شكرا عالردود السريعة.......

و ياريت معلومة مؤكده على موضوع التكرار ده ممنوع و لا مسموح و شايلينه للحبايب.؟؟!!
و شكرا عالتواصل...

لا طبعا مزاد ايه و فلوس ايه ده معموله للبشوات و اولاد البهوات و لكن العامه يخدو ا ف ا, ب ط ش ,ا ف ص

و الفلوس اللي تخش البلد من الضريبه العقاريه و ما شابه

انت مصورها من عربيه نوعها ايه ؟؟

اقتباس:

---

المشاركة الأصلية كتبت بواسطة a. Ibrahim

لا طبعا مزاد ايه و فلوس ايه ده معموله للبشوات و اولاد البهوات و لكن العامه يخدو ا ف ا, ب ط ش ,ا ف ص

و الفلوس اللي تخش البلد من الضريبه العقاريه و ما شابه

---

و البهوات ياخدوا ... س ر ق ... ن ص ب ... ه ر ب ... س ر ط ن ... ر ش ى

من اغرب اللوحات الى شفتها
ج ف ص
ومن احلاها
م ص ر
ودي في الغالب للتكاسي ولاد الايه

يا حبيبتي يا مصر..........

http://www2.0zz0.com/2010/01/02/06/974735388.jpg


يا سلام لو دي نمرتي.........أخر سلطنة و مزاج......م ص ر ......... ب ح ب ك .........

اقتباس:

---

المشاركة الأصلية كتبت بواسطة newuser2009

من اغرب اللوحات الى شفتها
ج ف ص
ومن احلاها
م ص ر
ودي في الغالب للتكاسي ولاد الايه

---

أيوة فعلا أجمل لوحة هيه م ص ر.......

اقتباس:

---

المشاركة الأصلية كتبت بواسطة newuser2009

و البهوات ياخدوا ... س ر ق ... ن ص ب ... ه ر ب ... س ر ط ن ... ر ش ى

---

الترتيب الطبيعي يا بيه

ب ط ش...ش ت م..ض ر ب ...هـ د د ...ب ر ط ع... س ر ق... ك ذ ا.. ق ر ض ..هـ ر ب..ع ا ش ..ب ر هـ ..ج و هـ ..ف ق ر.. ج و ع.. ج هـ ل .. و ل ع.. م ش .. م هـ م ......

اقتباس:

---

المشاركة الأصلية كتبت بواسطة newuser2009

انت مصورها من عربيه نوعها ايه ؟؟

---

هيه مش من على عربية و أنا مش اللي مصورها اصلا

اقتباس:

---

المشاركة الأصلية كتبت بواسطة a. Ibrahim

لا طبعا مزاد ايه و فلوس ايه ده معموله للبشوات و اولاد البهوات و لكن العامه يخدو ا ف ا, ب ط ش ,ا ف ص

و الفلوس اللي تخش البلد من الضريبه العقاريه و ما شابه

---

يا عم أحمد ربنا انهم بيدونا لوح أساسا و الله العظيم أقسملك اني شفت أوبل أسترا هاي لاين في جارش سيتي ستارز زمان أيام أزمة نقص اللوحات كاتب نمرتها على ورقة بيضة ايه فور و لازقها عالعربية......

اقتباس:

---

المشاركة الأصلية كتبت بواسطة ashraf229

يا عم أحمد ربنا انهم بيدونا لوح أساسا و الله العظيم أقسملك اني شفت أوبل أسترا هاي لاين في جارش سيتي ستارز زمان أيام أزمة نقص اللوحات كاتب نمرتها على ورقة بيضة ايه فور و لازقها عالعربية......

---

ايه 4 عشلن متتسرقش اول لوا يركن يطبقعا و يحطها في المحفظه


هاهاهاهاهاههههههههههااااا ااااااااااااااااااااااااا اا

حسب تصريحات الحكومه مش هيبقى فى ارقام ولا حروف متكرره فغالبا دى لعبه فوتوشوب

اقتباس:

---

المشاركة الأصلية كتبت بواسطة A. Ibrahim

ايه 4 عشلن متتسرقش اول لوا يركن يطبقعا و يحطها في المحفظه


هاهاهاهاهاههههههههههااااا ااااااااااااااااااااااااا اا

---

طيب وازاي الحال لو حد فك اللزق :3mla: وخد الورقة حطها على عربيته :11:و عمل بيها مصيبة الراجل الغلبان صاحب الأوبل يلبسها هوه :I_angr1[1]:

ولا الورقة اتقطعت أو الدنيا مطرت مثلا:120146b.....حلني بئى مشاوير للمرور :policeman:و بهدلة على ما يجيب ورقة تانية......:ma:

هو ممنوع التكرار بس مش كل الممنوع ممنوع :colsmil:

فــوتـــوشــوب ..

فوتوشوب اكييييييييييد

فوتوشوب وش. بالمناسبة في نمر كتير في الاسكندرية س م ج, و محدش بيتكلم.

اقتباس:

---

المشاركة الأصلية كتبت بواسطة newuser2009

من اغرب اللوحات الى شفتها
ج ف ص
ومن احلاها
م ص ر
ودي في الغالب للتكاسي ولاد الايه

---

مصر دية شفتها ....بالامارة على تاكسى شاهين ابيض واسود غى العباسية :36_1_1[1]:

الصورة متفبركة واحد بيحلم تكون نمرة عربيتة كدة:36_1_50[1]::36_1_50[1]::36_1_50[1]:

جامده اخر حاجه اعقبال مجيب نمرة زيها :vctry::stink[1]:

لا على فكرة في نمر فيها ارقام مكررة
انا لسه شايف عربية في التجمع كانت 3 حروف مختلفة والارقام 112 وانا متاكد
ولسه شايف موضوع لعضو تاني شاف نمرة فيها تكرار
بس اظن الصورة دي فوتوشوب

ا ح ب 666 هيبقى الخناق عليها للركب !!!

اللوحات الجديده المميزه بتتباع تبع المرور بـ 300 جنيه
بس مبقاش فيه حاجه حلوه كله خلص
إلى باقى بيكون أرقام ليها معنى عندك أو حروف ليها معنى برده
زى تركب على بى ام 318 كـ رقم
او 127 او 128 على فيات
أو حروف زى ص ق ر
ن س ر
بس انا رحت المرور وانا برخص وملقتش حاجه حلوه زى إلى فوق
شكراً على النمره يا باشا وياترى رقم مين ده

أسوأ لوح رأيتها -واحد أعتقد من القاهرة- واخد لوحة عليها ص ب أ !!!!!
وعندنا في اسكندرية مصيبة منتشرة جدا س م ج !!!

مدروبة طبعا

كنت عملت موضوع مماثل قبل كده

وبعد اذن صاحب الموضوع اضع الرابط بتاعه للمشاركه

http://www.nilemotors.net/Nile/36361-a.html

أحلى حاجة شفتها: م ص ر

وأسوأ حاجة: ط و ر

خلاصة الكلام دى فوتوشوب
انا لسة مرخص امبارح و لا مؤاخذة انا من ولاد الذوات (محدش يشتم)
مدير المرور شخصيا قال لوالدى مفيييييييييييش نمرة فيها حرف او رقم يتكرر عشان الكمبيوتر هو الى بيطلع الارقام و هو متبرمج انو مايطلعش حاجة متكررة فاضظريت اخد د ه ر 1234

ه ف أ منتشرة برضة
م ص ر شفتها كتير على التاكسى

شكرا لكل اللي ردوا أو مروا عالموضوع.........

و محدش عارف زي ما عملوا اللوح عربي و انجليزي و بعدين فجأة بعد مدة قصيرة جدا رجعوا في كلامهم خلوها عربي بس !!!!!! ممكن يعملوا لوحات فيها تكرار عادي يعني خلي الشعب يعيش..........

و مازال البحث جاري هل أأأ 111 دي فوتوشوب ولا حقيقية و قد تكون حتى نموذج الداخلية كانت عاملاه أو كده مش لازم نمرة حد........

الله اعلم.........

اقتباس:

---

المشاركة الأصلية كتبت بواسطة ashraf229

و محدش عارف زي ما عملوا اللوح عربي و انجليزي و بعدين فجأة بعد مدة قصيرة جدا رجعوا في كلامهم خلوها عربي بس !!!!!! ممكن يعملوا لوحات فيها تكرار عادي يعني خلي الشعب يعيش..........

---

اكتشفو بمحض الصدفه وكان اكتشاف عظيم بالطبع وعلى وشك العرض فى ناشيونال جيوجرافيك ان العساكر المصريين مش بيقرو انجليزى وواضح ان ثقافتهم روسى بس

فقالوا يبقى نخلى الحروف عربى وتاخد المساحه كلها اوضح علشان اكيد الشعب مش هيفهم روسى

في الوقت اللي معظم الدول العربية غيرت نمرها للانجليزي أو العربي و الانجليزي معا زي لبنان السعودية أضافة الانجليزي للوحات و الأمارات و الأردن و غيرها كتير ........مصر اللي مليانة أجانب و سواح و مثقفين و متعلمين..........................نمرها عربي بس!!!

يعني يا مستر لو خبطتك عربية عليه العوض و انته يا خواجه لو نسيت باسبورك في تاكسي عليه العوض!!!!!!!

بس الحمد لله لسه كاتبين مصر عربي و انجليزي (ايجيبت)............

الصورة فوتو شوب وواضحة اوى ..

لو حقيقية كانت ظهرت العربية المحطوط عليها النمر , لكن النمر دى عاملة زى اللوحة الشهيرة ( أ * أ) ...

مايعملوا مزادات زى الإمارات كده باعت لوحة ب 5 مليون درهم

شكلها جاااامد اوى

يا باشا نعمل مزاد للفقراء وخلى الملايين تطلع للغلابة
وفى ناس فى مصر تموت فى الهيافة

اقتباس:

---

المشاركة الأصلية كتبت بواسطة lody1983

يا باشا نعمل مزاد للفقراء وخلى الملايين تطلع للغلابة
وفى ناس فى مصر تموت فى الهيافة

---

مش فى مصر بس والله
:Zb_sor1[1]:

يعني هوه المزاد هيخلي الفير ياكل لحمة ولا يجيب جزمة جديدة !!!!

مش هتفرق.............

بس اهي فكرة للمالية (لعبد القوي) يفكروا فيها زي الأفكار اللي كل يوم بيطلعوها.......

بس تعتقدوا المزاد هيتكوس!!!!!

شكرا على مشاركاتكم.......