عايز معلومات عن فيات تايبو tipo وهل هي احسن من الاونو ؟
برجاء الافادة .. وشكرا :vctry:
عايز معلومات عن فيات تايبو tipo وهل هي احسن من الاونو ؟
برجاء الافادة .. وشكرا :vctry:
هى من ناحية احسن من الاونو فهى احسن من الاونو ( و الاونو عربية جميلة جدا )
حضرتك عايز تعرف ايه بالضبط ؟؟؟
متشكر لمدخلتك .
انا كنت عايز اشتري عربية وكانت عجبانى الاونو وكنت عند الميكانيكي وقالي ان فيه فيات اسمها تايبو ودى احسن من الاونو ولقيت اعلان بيع للتيبو على النت فحبيت اعرف مميزات العربية دى وامكانيتها وقطع غيارها وهى احسن من الاونو في ايه خصوصا ان سعرهم متقارب ومتشكر جدا ..
اولا هى اسمها تيبو مش تايبو :)
هى شكلها زى الاونو بس على كبير ( الصورة اللى فى توقيعى )
قطع الغيار : ميكانيكا و عفشة متوفرة و من بلاد مختلفة و هى هى التمبرا وكل حاجة موجودة
الحاجة الوحيدة اللى ناقصة شوية الفوانيس و الصدامات بس مرميين فى الاستيراد و اسعارهم معقولة جدا
الامكانيات : 1400 و 1600 و بمستويات مختلفة من الكماليات ( زجاج كهربائى امامى - سنترال لوك - باور ستيرنج - تكييف - فتحة سقف - مرايات كهربا - تابلوه ديجيتال ) بس مش شرط تلاقى كل حاجة , ممكن كمالية او اتنين او تلاته حسب الموديل
الموديلات : من 1988-1995 و فى منها كاربراتير عادى او هاف انجكشن Single Point Injection
من الاخر : العربية جميلة جدا و بتجرى و موفرة و مش تاعبانى فى اى حاجة و الحمد لله - بس خد بالك انك بتتكلم فى عربية مستعملة عمرها حوالى 15 سنة
http://img14.imageshack.us/img14/2800/img1601t.jpg
http://img25.imageshack.us/img25/9319/img1603p.jpg
http://img175.imageshack.us/img175/3383/img1624bl6.jpg
متشكر يا مستر جاليليو .
في عربية قدامي م 94 بيقول صاحبها انه مركب لها ماتور استيراد 1400 .عايز اعرف ده شئ كويس ولا لا ؟ وبيقول سعرها 30500 جم ده كده مش يبقي سعر عالي شويه والمفروض سعرها يبقي كام ؟
وعلى فكرة العربية الي في توقيعك حلوة ولو عربيتك وعايز تبيعها ياريت تقولي وشكرا وارجو الرد السريع يا باشا ..:satelite:
يا ريت يا باشا اللى فى التوقيع دى تبقى بتاعتى :)))
عربيتى الحمرا ال 5 باب اللى فى الصور , و معلش مفيش نية للبيع حاليا خالص
سعر العربية اللى حضرتك بتتكلم فيه , لو العربية دى سليمة و مش راشه بره و لا جوه و مكيفة و فيها شوية كماليات تانية ممكن يكون معقول او زيادة شوية ( انا شخصيا لو حابيع حاطلب رقم قريب قوى من ده )
قصة الموتور الاستيراد مقلقة شوية , لازم تشوف حالة العربية كويس جدا و تتأكد ان الموتور مثبوت على الرخصة
القصد , عادة اللى بيغير الموتور بيكون طاحن العربية و مهمل فى الصيانة او عمر الموتور انتهى و فى الحالتين حالة العربية العامة بتبقى وحشة
و ممكن يكون الموتور باظ بسبب نقص زيت او ميه ( اهمال برضو ) بس العربية نفسها حالتها كويسة , عشان كده باقولك الفيصل فى الموضوع الكشف الدقيق على العربية
و ربنا يوفقك و تلاقى حاجة كويسة , و لو تحب حضرتك تقابلنى و تشوف العربية على الطبيعة انا تحت امرك
متشكرا جدا يا سيد جليليو على دعوتك الكريمة .
انا نزلت شوفت العربية وعاينتها ودي ملاحظاتي وياريت تقولي رايك ايه :-
1- العربية كلها استيراد ايطاليا موديل 94والماتور متغيرش انا كنت فاهم غلط صاحبها يقصد استيراد يعنى العربية كلها وصاحبها معاه الموافقة الاستيرادية بتاعتها .
2- العربية دواخل فبريكة والسقف ولونها كحلي ولكنها رشة باقي الخوارج اقصد الجناب والكبوت والشنطة .
3- صالون العربية بفرش الفبريكة وحالته محترمة .
4- عدادات العربية شغاله فيما عدا عداد كمبيوتر الاعطال وقالي دة بيبقى شغال فى العربيات الـ 1600 وهي 1400 فمش شغال فيها.
5- الكماليات / جنوط اسبور - سنترال لوك - تكييف ( محتاج شحن )- زجاج كهربائي امامي شغال كويس - كاسيت بايونير ولكنه شايل السماعات الى في الشنطة عشان بتعمل ازعاج لركاب الكنبة عشان البيس بتعها .
6- صوت الماتور كويس وطلعنا بيها لفة وكانت شغاله كويس .
7- في خبطة خفيفة في الجنب اليمين وقالي انه مرداش يردها على البارد عشان السمكري قالو حتحتاج رش بعد الرد .
8- العربية حالتها العامة حلوة ومريحة في الركوب خاصة انى من اصحاب الاجسام المليانة وصاحب العربية كانت معاملته معاية ممتازة .
9- مرضيش ينزل فى تمنها غير 500جم فقط .
10- لكنه رضي اني ابقيله مبلغ 2500جم لحد شهر 5 الجاي ولكن دة حيكون عن طريق ورقة حكتبهاله ( ايصال امانة يعنى ) وهو حياخد ال27500 جم وحنسجل العربية وننقل ملكيتها في الشهر العقاري وفي المرور وحستلمها منه وحيكون الى فاضل بينها هي ورقة الفلوس الى حدفعهاله ان شاء الله في الميعاد المحدد .
11- هل التساهل دة معناهة حاجة وحشة ولا هو توفيق من ربنا فى شخص كويس .
عموما انا حاخد الميكانيكى يشوفها للتاكد وربنا يسهل بس عايز ردك عليا يكون في اقرب وقت للاستفادة منه ... وشكرا يا جاليليو باشا:S_thum1[1]:
والله كنت لسا هقولك فعلا اللي يقدر يفيدك هنا هو جاليليو باشا :) هيفيدك اكتر من اي حد عن التيبو و من الناس بردو المحترمة جدااااااااااا
اسمحولى اشاركم ببعض الصور للتيبو
http://www.tuningcars.us/uploads/Fia...ipo-tuning.jpg
http://www.tuningfever.fr/pics-max-6...-fiat-tipo.jpg
http://upload.wikimedia.org/wikipedi...Tipo-%2792.jpg
http://img87.imageshack.us/img87/3281/tipo10ca.jpg
http://img87.imageshack.us/img87/913/tipo26kz.jpg
http://img104.imageshack.us/img104/2203/tipo62gq.jpg
http://img80.imageshack.us/img80/9172/tipo198gj.jpg
http://img87.imageshack.us/img87/5705/tipo203ff.jpg
http://img228.imageshack.us/img228/8781/tipo3hu6.jpg
http://img80.imageshack.us/img80/6161/78365604zc6.jpg
http://img228.imageshack.us/img228/4206/tipo1mj3.jpg
http://img228.imageshack.us/img228/9166/tipo2rv3.jpg
http://www.dakotaparts.com.br/dakota...ipo/foto04.jpg
الله ينور يا باشا صور تحفة و اجمل من اللي عندي :))اقتباس:
المشاركة الأصلية كتبت بواسطة moshaks
بس اللي لونها ابيض تقريبا بونتو
بس بجد 100 100 و شكرا عالصور :)