السلام عليكم
من يومين ابتدت السيارة تطلع دخان أبيض من الخلف ايه معنى ده هو مش قوي بس شوية...
:stink[1]:
عرض للطباعة
السلام عليكم
من يومين ابتدت السيارة تطلع دخان أبيض من الخلف ايه معنى ده هو مش قوي بس شوية...
:stink[1]:
الدخان دة بيطلع فى السلانسية ولا لما تدوس جامد على البنزين
واية نظام الماتور معاك بياكل زيت ولا لأ
وبيسخن ولا لأ
عموما الدخان الابيض لو مستمر ومش فى اول التشغيل فقط يبقى فى مشكله فى دورة الاحتراق ..ربما تكون بسبب ماء التبريد
والموتور يستوجب العرض على ميكانيكى محترم
بس ياريت تذكر نوع السيارة والموديل
عشان نقدر نفيدك
.
متشكر أوي لحضراتكم ....
السيارة هي بيجو 504 مو ديل 1979 وهي بالحالة العامة بتطلع دخان أبيض زي ما تقول نفس شكل ولون البخار بتاع المية... يعني هي مش دخنة بمعنى الدخنة. بس المشكلة ان الحاجة دي من كم يوم مش من زمان...
ممكن يكون تعريق من بخار المياة لما الجو بيكون ساخن
حاول تتابع الزيت وتشوف وبردة تابع خرطوم الفايظ
وحضرتك تعرف
وشوف بردة الاحتراق عندك مظبوط ولا لأ ممكن تكون محتاج تغير بوجيهات او تظبط العربية عموما من كهرباء وكربراتير
هو حضرتك ممكن أوي تكون تعريقة لأني بشوف شوية ميا وزيت بالعادم من ورا...
أنا برده حاعمل اللي قلتلي عليه وأجرب
هو حضرتك عندي استفسار بسيط ممكن يكون هو المشكلة...
من فترة قصيرة كانت السيارة راكنة بالعكس بالشارع وبالغلط سحبت معاي للخلف بدون تشغيل وضرب العادم بالارض... هل اذا كان فيه أي خرم أو أي حاجة بالعادم يعمل المشكلة دي؟؟؟
الدخان الذى يعرفه الشخص غير الخبير على انه "ابيض" قد يكون بخار ماء وفى هذة الحالة يكون بلا رائحة وعند كبسه باليد يخلق تعريق مائى على اليد، وقد يكون زيت محترق وفى هذة الحالة يكون مائلا للزرقة الخفيفة جدا، وله رائحة شياط سيئة وغير مقبولة ،
فى حالة كونه بخار ماء، لو كان ماء التبريد لا ينقص فى السيارة فلا مشكلة اطلاقا لأن هذا الماء هو نتاج طبيعى للحريق ، اما لو كان ماء التبريد ينقص بصورة ملحوظة فسيحتاج الامر مراجعة وش السلندر والجوان الخاص به
اما فى حالة كونة بخار زيت فهنا يحتاج الامر مراجعة حالة كل من كاوتش الصباب والشنبابر والشمايز لدى ميكانيكى مختص
الدخنة زي ما جت فجأة اختفت فجأة