ايه رأيكم معروض عليا تويوتا 1990 ب 31000 جنية والعربية ديه كويسة؟؟؟؟؟؟؟؟
ايه رأيكم معروض عليا تويوتا 1990 ب 31000 جنية والعربية ديه كويسة؟؟؟؟؟؟؟؟
على قد الفلوس كويسة , بس افحصها جيدا قبل الشراء
أصل المشكله انى معروض عليا فى نفس الوقت هيونداى اكسل 1997 1500 سىسى كاملة تكييف وباور وسنتر على 29000
والتويوتا ديه برده فيها تكييف وسنتر بس ب 31000 بس موديل 1990
انا محتار التويوتا ماركة كبيرة بس برده 7 سنين فرق موديل مش شوية
وعلى فكره انا اول مرة حركب عربية
السلام عليكم افحص السيارتين جيداً فى محطة بنزين من ناحية الخوارج والداوخل و كفاءة الموتور والأصلح فيهم توكل على الله واشتريها
سلام عليكم
التويوتا سعرها كويس اوى بالنسبة للموديل ده
خد معاك ميكانيكى يعاين العربية وكفاءتها
شوف لو العربية حالتها كويسة ومعقولة ومحتاجة اصلاحات بسيطة وحاول تضغط على نفسك لو احتاجت زيادة علشان معاها هتكسب وتوكل على الله
بس الاكسيل موتور عزمه مش قوى بالنسبة للامكانيات اللى عليه ومش هيستحمل (تكييف) ممكن تسخن خاصة لو عداد الكيلومتر عالى..
وبعدين الموتور لم تزيد الاوبشن كل ما نسبة الاعطال بتزيد
يعنى الباور ممكن تلاقى الطلمبة عايزة تتغير او خراطيم او رشح زيوت وهو مش ضرورى لان الsteering بتاع التويوتا خفيف وفى نفس الوقت العربية ثابتة على الطريق لكن الباور يخلى العربية خفيفة على السرعات العالية وخاصة الهونداى خفيفة
وابقى طمًنى :vctry:
طبعا التيوتا عربيه فوق الممتازه
التيوتا أحسن وطالما بنشترى مستعمل بنبص على الحالة العامة للعربية قبل سنة الموديل وربنا يوفق للاحس
للأسف التويوتا طلعت تعبانه واما روحت علشان أشوفها واكشف عليها لقيت العربية متبهدله خالص ورشة برة وجوة والبرومة فيها كتير ، وبصراحه الميكانيكى اللى كان معايا اول اما شافها قالى انها تعبانه ومهلوكه حتى من غير اما يدورها
ودلوقتى فاضل الهيونداى انا لسه مشفتهاش وادعولى متطلعش زى التويوتا
أن شاء الله تطلع حلوة بس تريس فى الشراء السوق مليان عربيات جيدة وربنا يوفقك لعربية ممتازة
اوعة تستعجل فلوسك فى جيبك ومادم ناوى على الشراء اتفرج مرة واثنين وكل ما تتفرج اكتر هتلاقى الاحسن ان شاء الله