حد يعرف الزرار ASR off الموجود فى الجيتا على يسار الأتوماتيك جير بتاع ايه؟

حد يعرف الزرار ASR off الموجود فى الجيتا على يسار الأتوماتيك جير بتاع ايه؟
أنا دورت و عرفت أنه بتاع حاجة أسمها
Anti-Slip Regulation و أنه عند الضغط عليه يوقف traction control بتاع العربية.
و قرأت بعض المناقشات فى المنتديات الأجنبية عن الفرق بينه و بين ESP
و بعض المنتديات الأجنبية الخاصة بفولكس كاتبة أن
esp-extra sensory perception
asr- automated system response.
و أن ASR هو أحد مكونات ESP
فهل يمكن لأحد الأعضاء الفاهمين للموضوع شرح كلا النظامين ببساطة خصوصا أن التوكيل كاتب أن الجيتا فيها الESP بينما الزرار الموجود بتاع ASR

متابع..........

الفيديو ده بيوضح الفرق بين ASR & ESP

شكرا للزميل blackknight اللي كان حطه في قسم kia

http://www.nilemotors.net/Nile/11237...post3872205375

ال ASR نظام الكترونى بيتابع العجلات اللى فيها الدفع وبتشتغل فى حاله التسارع علشان يضمن لك ان العجل ميلفش على الفاضى من شده العزم , مثلا لو انت دوست جامد فى الطلعه فى العادى العجل هيلف شويه الاول وبعدين العربيه هتمشى لكن النظام ده هيقلل دوستك للبنزين الكترونيا بمجرد ما العجل يفقد التماسك لحد ما العربيه تبدأ تتحرك فعلا فيرجع القوه كلها تدريجيا تانى للعجل

نفس الموقف هيتدخل فيه النظام لو انت فى ملف بسرعه ودوست بنزين فى عربيه خلفى العادى ساعتها ان العجل يلف على الفاضى كأنك هتعمل دريفت لكن لو النظام شغال هيخلى العزم اللى رايح للعجله مناسب للسرعه الحاليه ومش زياده بحيث انها تلف على الفاضى

طبعا هو نظام شخصيا انا شايف ان ملوش اى لزمه فى المواتير الصغيره زى ال 1.6 بتاع الجيتا والنظام ده برده بيتقال عليه فى بعض الماركات TCS او التراكشن كونترول ( Traction control )

ويختلف كليا عن ال ESP

ال ASR (antislip regulation)
او ال TCS (Traction Control System)
هو نظام التحكم فى الجر او منع الدواران الحر للعجل "الانزلاق" (Traction Control System)
والفرق بين الاتنين بسيط ال ASR يعتمد على نظام مانع انغلاق الفرامل ال ABS
فبعكس استخدام ال ABS فى الفرامل فى هذه الحاله بيتعرف ال ASR على اى عجله بتلف اسرع من الاخرى و يقوم بفرملتها
ونظام ال ASR يمكنك من السير فى الطرق الزلقه ولكن لايجعل السياره تسير فى خط مستقيم يعنى العربيه هتمشى لكن ممكن تلف حول نفسها

لكن ال ESP برنامج التحكم بالثبات ( Electronic Stabilization Program) جزء بسيط منه ال ASR ويتكون اساسا من مجموعه كامله من

1. anti-lock braking system (ABS)
2. , electronic brake-force distribution (EBD)
3. , the electronic differential lock (EDL)
4. traction control (ASR)

يعنى العربيه هتمشى فى الطرق الزلقه وفى خط مستقيم وهو ده الفرق البسيط الكبير و المعقد
وهذا تعريف مبسط للنظام وهو من تصميم وانتاج شركه بوش BOSCH
يقوم البرنامج بكشف أوضاع القيادة الحرجة ، حيث يكون هناك خطر من انزلاق السيارة على سبيل المثال ، واتخاذ تدابير وقرارات فعالة لمنع السيارة من الخروج عن الطريق.

http://i63.photobucket.com/albums/h1...r/3e00d80b.jpghttp://i63.photobucket.com/albums/h1...r/ede6850a.jpg

لتمكين ال ESP من التجاوب مع مثل هذه الحالات الحرجة ، يجب على النظام أن يكون مغذى باستمرار بالبيانات : على سبيل المثال ، ما هو الاتجاه الذي يحاول السائق التوجيه فيه وما هو الاتجاه الذي تسير فيه السيارة والجواب عن السؤال الأول من هذه الأسئلة هي حساس عجله القياده وحساس سرعه ال ABS فى العجلات بالاضافه الى مجموعه اخرى من الحساسات
هذه المصادر من المعلومات تسمح لوحدة التحكم باحتساب اتجاه التوجيه وسلوك واتجاه السياره .كذلك بيانات إضافية رئيسية تشمل معدل الازاحه او الانحراف الأفقي و تسارع السيارة. وحدة التحكم تستخدم هذه المعلومات لحساب الوضع الفعلي للسياره.

http://i63.photobucket.com/albums/h1...r/6525a29c.png

والESP يمنع السيارة من انعدام الاستقرار عند المنعطفات نتيجة السرعة الزائدة أو أى تغيير غير متوقع على سطح الطريق (الماء والثلج والتراباو خليط منهم) أو ااضطرار السائق إلى إجراء مناورة مفاجئة لتفادى شىء على الطريق ويأخذ نظام ESP الإجراءات التصحيحية بغض النظر عما إذا كان عدم الاستقرار فى التوجيه عندما تنزلق السيارة نحو خارج منحنى الطريق على الرغم من العجلات يجري توجيهها في الاتجاه المعاكس بطريقه بطيئه أو عنيفه ، وفى هذه الحاله زيل السياره ياخذها خارج الطريق .

http://i63.photobucket.com/albums/h1...r/5c6cc972.jpg

وحدة الكمبيوتر فى ال ESP تستخدم البيانات التى تقدم البه من شبكة كبيره من الحساسات لتحديد طبيعة عدم الاستقرار فى السياره ويتحكم فى استجابة تصحيحية اتوماتيكيه من خلال التدخل في نظام الفرامل وأنظمة إدارة المحرك.
إذا كانت المركبة فى حاله القياده فى المنحنيات ، فأن برنامج ESP بتقليل السرعه (وتصل الى غلق كامل لحظى للفرامل فى المنحنيات الحاده ) فى العجلة الخلفية في داخل المنحنى

http://i63.photobucket.com/albums/h1...r/1ac78cf5.jpghttp://i63.photobucket.com/albums/h1...r/96ac1c8b.jpg

و في الوقت نفسه ، فإنه يقلل من قوة المحرك حتى تتم استعادة ثبات وأستقرار السياره.

ونظام ال ESP يقوم بالتعرف على حالات التوجيه الحاد لعجله القياده وفى هذه الحاله يقوم النظام بعمل فرمله حذره للعجله الاماميه خارج منحنى التوجيه وبدعم وتحكم فى سرعه الموتور وكذا نظام اداره مجموعه ناقل الحركه

. هذا النظام المعقد يتم تحديثه باستمرار مع استمرار زياده الخبره وزياده الحساسات وحساسيتها
والصوره بالاسفل تشير الى عدد السيارات المجهزه بهذا النظام خلال عام 2006 و 2007

http://i63.photobucket.com/albums/h1...r/f7574a77.jpg

ملاحظة : إن النظام الكتروني لتثبيت السياره غير قادر على تجاوز الحدود التي تفرضها قوانين الفيزياء. إذا كان السائق يدفع كلا من جسم السيارة وال ESP متجاوزا الحد الأقصى لتحمل كل منهم ، ولا حتى ال ESP ستكون قادرة على منع وقوع حادث لا فدر الله.

http://i63.photobucket.com/albums/h1...r/b025ad44.jpg

عاما بان النظامين ال ASR و الESP يدل على وجودهم فى اى سياره من اى ماركه من اى بلد صنع هو زرار وضع كلا النظامين فى حاله سالبيه (توقيف النظام عن العمل )OFF لان النظامين بيعملوا مع فتح الكونتاكت

لكن esp-extra sensory perception
asr- automated system response.
ده كلام ليس صحيح على الاطلاق

الموضوع بالكامل من قرائتى الخاصه بالموضوع وترجمه لبعض المواضيع وهذا الفيديو يوضح بعض الشىء هذا النظام ويوجد العديد من ملفات الفيديو على اليوتيوب تتناول هذا الموضوع لمن اراد الاستزاده

الموضوع الاصلى هنـــــــــا

YouTube - Volkswagen Electronic Stabilization Program (ESP)
YouTube - Bosch ESP 1

على فكره ال asr بيعتمد بشكل كلى على تقليل العزم المرسل للعجل عن طريق التحكم فى سرعه الموتور من وحده التحكم الالكترونيه او حتى التحكم فى كميه الهواء الداخل له او وقت الاشعال لكن تدخله لفرمله عجله او العجل ده وظيفه مكمله لكن مش هى الاجراء الرئيسى للتحكم فى العجل والا كان استخدامه فى مرتفع زلق مثلا يرفع درجه حراره الفرامل جدا ويسبب تاكل سريع جدا

اقتباس:

---

المشاركة الأصلية كتبت بواسطة ahmed0nouh

على فكره ال asr بيعتمد بشكل كلى على تقليل العزم المرسل للعجل عن طريق التحكم فى سرعه الموتور من وحده التحكم الالكترونيه او حتى التحكم فى كميه الهواء الداخل له او وقت الاشعال لكن تدخله لفرمله عجله او العجل ده وظيفه مكمله لكن مش هى الاجراء الرئيسى للتحكم فى العجل والا كان استخدامه فى مرتفع زلق مثلا يرفع درجه حراره الفرامل جدا ويسبب تاكل سريع جدا

---

مع أحترامى لكلامك لكن الاساس فى ال esp و ال asr هو التحكم الكامل فى الفرامل لكل عجله على حدا فى ال asr والتحكم الكامل فى فرامل ال 4 عجلات وهو ال esp
لو حدث تقليل فى العزم او البنزين و خلافه العربيه مش هتتحرك
الحاله الوحيده هى فى ال esp فى حاله الدوران الخطر بيقوم بتقليل العزم للحفاظ على ثبات العربيه لان وحده الكونترول لديه الامكانيه للتدخل
ال esp نظام غالى جدا و مكلف

ال esp يختلف كليا عن ال asr وده ليه وظيفه وطريقه عمل وده ليه وظيفه وطريقه عمل تانيه خالص

ال asr ما هو الا نظام يضمن لك عدم انزلاق العجلات فى حاله التسارع العنيف او فى حاله السير على اسطح زلقه بالتالى احنا بنتكلم على نظام بيحسن التسارع بالفرامل وبيتحكم فى فرمله عجله على طريق ممكن حضرتك تستعمله مثلا ساعه بالفرامل وهل يعقل ان الفرامل تتحمل كل الضغط ده فى ظروف التشغيل العاديه ده بعيدا عن انها اساسا هتقتل فكره تحسين السحب لو اشتغلت فى حاله التسارع

النظام اه بيستعمل الفرامل لكن فى حالات قليله لتقليل سرعه عجله بتتزحلق حتى بدون وجود اى قوه للموتور رايحه ليها لكن التعامل الرئيسى مع تقليل سرعه العجل بيكون بتقليل القوه اللى رايحه من الموتور , حضرتك لو جربت عربيه بموتور كبير فيها تراكشن كنترول ودوست بنزين للأخر وانت طالع هتلاقى صوت الموتور بقا عالى والعربيه فركت سنه بسيطه وبعدين صوت الموتور نزل تانى وبدأ يتسارع بهدوء لحين تحرك العربيه وبعدين زاد صوته تانى

شكرا ياجماعة على التوضيح

الاتركشن يا معلم وببساطة جدا وبيعمل على وضع العجل فى السرعة المناسبة للعجلة

اقتباس:

---

المشاركة الأصلية كتبت بواسطة Ahmed0Nouh

ال esp يختلف كليا عن ال asr وده ليه وظيفه وطريقه عمل وده ليه وظيفه وطريقه عمل تانيه خالص
ال asr ما هو الا نظام يضمن لك عدم انزلاق العجلات فى حاله التسارع العنيف او فى حاله السير على اسطح زلقه بالتالى احنا بنتكلم على نظام بيحسن التسارع بالفرامل وبيتحكم فى فرمله عجله على طريق ممكن حضرتك تستعمله مثلا ساعه بالفرامل وهل يعقل ان الفرامل تتحمل كل الضغط ده فى ظروف التشغيل العاديه ده بعيدا عن انها اساسا هتقتل فكره تحسين السحب لو اشتغلت فى حاله التسارع
النظام اه بيستعمل الفرامل لكن فى حالات قليله لتقليل سرعه عجله بتتزحلق حتى بدون وجود اى قوه للموتور رايحه ليها لكن التعامل الرئيسى مع تقليل سرعه العجل بيكون بتقليل القوه اللى رايحه من الموتور ,

---

انا مش هتكلم ايه اللى يعقل لحضرتك و ايه غير معقول بالنسبه لك ، ياريت تقرا الموضوع ده عن ال ASR و لو فى حاجه وقفت معاك انا تحت امرك ممكن نكمل مناقشه

اقتباس:

---

, حضرتك لو جربت عربيه بموتور كبير فيها تراكشن كنترول ودوست بنزين للأخر وانت طالع هتلاقى صوت الموتور بقا عالى والعربيه فركت سنه بسيطه وبعدين صوت الموتور نزل تانى وبدأ يتسارع بهدوء لحين تحرك العربيه وبعدين زاد صوته تانى

---

ممكن اعرف ايه هى العربيه الكبيره اللى حضرتك جربتها فيها ASR علشان ابقى عارف بتتكلم على ايه و سوقتها لمده قد ايه ,يمكن اقدر اجربها و استفاد

اقتباس:

---

المشاركة الأصلية كتبت بواسطة tamertamer

الاتركشن يا معلم وببساطة جدا وبيعمل على وضع العجل فى السرعة المناسبة للعجلة

---

LOL جامد يامعلم؟

متشكره جدا لجميع من شارك و لا تتخيلوا قد أيه استفدت من جميع الأراء .
شكرى الخاص ل SAiF3S لأن الرسومات التوضيحية رائعة و الفيديو رائع جدا جدا و أسعدنى غاية السعادة لأنى شوفت عربيتى الجيتا فى الفيديو و تأكدت من و جود ESP فيها زى ما قالوا لى فى التوكيل و شفته و هو يعمل (و ماذا يحدث لو أغلقته) و هذا هو موضوع سؤالى بالضبط.
على فكرة حدث معى ما هو فى الفيديو (مرة و أنا كنت سايقة فوق المائة و فوجئت بعائق و تفاديته بسرعة و العربية رجعت بمنتهى الثبات لمسارها السابق). أنا كنت مبسوطة جدا وقتها من آداء العربية و عرفت أنها صححت نفسها بنفسها و منعت الأنزلاق و لكنى وقتها لم أدرك ما الذى حدث بالضبط----الآن عرفت أن ESP هو اللى جعلنى أتحكم جيدا و منع حدوث كلرثة (لا قدر الله)----شكرا لفولكس فاجن ---الواحد كل شوية بيحب عربيته أكتر :8_8_13: و بيدرك يعنى أيه راكب عربية فولكس فاجن (أو ألمانى عموما). أشكرك يا رب.

يعني ممكن الواحد يلغي دماغه ويسيب العربية تتصرف (بفلوسي يا كلاب)علي رأي محمد صبحي ونرجع لنكتة العربية اللي بتصلح نفسها بنفسها وفي الاخر( يأيتها النفس المطمئنة ارجعي الي ربك راضية مرضية) العنصر البشري (المستخدم وليس المصمم طبعا) دوره بيقل حتي اللي خطه وحش ممكن يكتب غلط علي الkey board مع خالص تحياتي واحترامي للfiat 128:F_eyeb1[1]::F_eyeb1[1]::F_eyeb1[1]:

اقتباس:

---

المشاركة الأصلية كتبت بواسطة SAiF3S

انا مش هتكلم ايه اللى يعقل لحضرتك و ايه غير معقول بالنسبه لك ، ياريت تقرا الموضوع ده عن ال ASR و لو فى حاجه وقفت معاك انا تحت امرك ممكن نكمل مناقشه

ممكن اعرف ايه هى العربيه الكبيره اللى حضرتك جربتها فيها ASR علشان ابقى عارف بتتكلم على ايه و سوقتها لمده قد ايه ,يمكن اقدر اجربها و استفاد





LOL جامد يامعلم؟

---

على فكره الرابط اللي حضرتك حاطه من ويكيبيديا بيؤكد كلام العضو Ahmed0Nouh

ده جزء من الموضوع:
The intervention can consist of one or more of the following:

• Retard or suppress the spark to one or more cylinders
• Reduce fuel supply to one or more cylinders
• Brake one or more wheels
• Close the throttle, if the vehicle is fitted with drive by wire throttle
• In turbo-charged vehicles, the boost control solenoid can be actuated to reduce boost and therefore engine power.

و الترجمه كما يلي:
التدخل (مقصود تدخل نظام asr في حالة فقد العجل للتماسك بالطريق) يكون بطريقه او اكثر مما يلي:
- قطع شراره شمعات الاحتراق في في اسطوانه او اكثر من اسطوانات المحرك.
- تقليل الوقود الواصل الى اسطوانه او اكثر من اسطوانات التحرك.
- فرملة عجلة او اكثر.
- اغلاق صمام الخانق (البوابه) في السيارات ذات البوابه الكهربائيه (يعني مش اللي بتفتح و تقفل بواير بنزين).

يعني ٣/٤ النظام معتمد على تقليل القوه الواصله للعجل من الموتور عن طريق تقليل القوه الخارجه من الموتور.

يبقى كده اعتقد حضرتك الي محتاج تقرى الموضوع اللي حضرتك اخترته مره اخرى.

اقتباس:

---

المشاركة الأصلية كتبت بواسطة Ahmed Hassan

على فكره الرابط اللي حضرتك حاطه من ويكيبيديا بيؤكد كلام العضو Ahmed0Nouh

ده جزء من الموضوع:
The intervention can consist of one or more of the following:

• Retard or suppress the spark to one or more cylinders
• Reduce fuel supply to one or more cylinders
• Brake one or more wheels
• Close the throttle, if the vehicle is fitted with drive by wire throttle
• In turbo-charged vehicles, the boost control solenoid can be actuated to reduce boost and therefore engine power.

و الترجمه كما يلي:
التدخل (مقصود تدخل نظام asr في حالة فقد العجل للتماسك بالطريق) يكون بطريقه او اكثر مما يلي:
- قطع شراره شمعات الاحتراق في في اسطوانه او اكثر من اسطوانات المحرك.
- تقليل الوقود الواصل الى اسطوانه او اكثر من اسطوانات التحرك.
- فرملة عجلة او اكثر.
- اغلاق صمام الخانق (البوابه) في السيارات ذات البوابه الكهربائيه (يعني مش اللي بتفتح و تقفل بواير بنزين).

يعني ٣/٤ النظام معتمد على تقليل القوه الواصله للعجل من الموتور عن طريق تقليل القوه الخارجه من الموتور.

يبقى كده اعتقد حضرتك الي محتاج تقرى الموضوع اللي حضرتك اخترته مره اخرى.

---

شكرا لك أخى الفاضل على قراءتك للموضوع و مشاركتك الايجابيه بقراءه اللينك على الويكيبديا اللى انا واضعه علشان اللى عاوز يتناقش
وايضا اشكرك على دفاعك عن الاخ Ahmed0Nouh اللى ما فيش بينه وبينه اى شىء!
ولا انا بثبت انى صح ولا انا بأستعرض عضلات , ولا قاصد اثبت انه غلط او حتى حضرتك غلط.
لكن كنت باحط اساس نقدر نتشارك بيه معلوماتنا انا حاولت اوضح وجه نظرى فى مشاركه سابقه فى الموضوع للاخ احمد لكن قوبلت بنفس الرد و نفس الاصرار على وجه النظر
نرجع لموضوع اللينك وانا بشكرك انك نبهتنى انى اقرا ودى دعوه محموده منك.
حضرتك نقيت(اخترت) من الموضوع على غرار ولا تقربو الصلاه ياريت تقرا السطر اللى قبله

اقتباس:

---

Although similar to electronic stability control (ESC) systems, traction control systems do not have the same goal. The intervention can consist of one or more of the following

---

وترجمتها كالتالى


وهو شبيه بال ESC(على ان الاثنين يتشاركون فى التحكم بالجر ASR ) ,(علامه فاصله) نظام التحكم بالجر ليس لديه نفس الهدف (او الادوات)

ويسطرد التدخل (عائده على ال ESP او ESC ) يمكن ان يكون بواحد او اكثر من الاتى (واستعين بترجمتك)

اقتباس:

---

- قطع شراره شمعات الاحتراق في في اسطوانه او اكثر من اسطوانات المحرك.
- تقليل الوقود الواصل الى اسطوانه او اكثر من اسطوانات التحرك.
- فرملة عجلة او اكثر.
- اغلاق صمام الخانق (البوابه) في السيارات ذات البوابه الكهربائيه (يعني مش اللي بتفتح و تقفل بواير بنزين).

يعني ٣/٤ النظام معتمد على تقليل القوه الواصله للعجل من الموتور عن طريق تقليل القوه الخارجه من الموتور.

---

وبعد ذلك يستكمل

اقتباس:

---

Typically, the traction control system shares the electro-hydraulic brake actuator (but does not use the conventional master cylinder and servo), and the wheel speed sensors with the anti-lock braking system

---

.

الاساسى (العمل الاساسى)
نظام التحكم بالجر بيتشارك فى نظام الفرامل الهيدروكهربى (لكن لايستخدم مساتر و سيرفو الفرامل التقليديه) وكذا يستخدم حساسات سرعه العجلات مع نظام الفرامل الغير قابل للانغلاق (ABS )

يبقى حضرتك لما تقرا الموضوع بتمعن هتلاقى انه قارنه بنظام ال ESP ونفى ان ال ASR بالتطور الكافى انه يعمل تدخل ميكانيكى و رجع قال بعد كده بيعتمد على ABS 100%
وده اللى كنت بحاول اوضحه
سعيد جدا بمشاركتك ومناقشتك الهادفه المبنيه على القراءه
واحب حضرتك تشوف نوعيه الحوار لنفس الموضوع فى المنتدى المحترم منتدى الفولكس هنـــــــــــا
تحياتى لك

على فكره انا قبل قرائي للموضوع دع مكنتش اعرف فرق بين النظامين... و مشاركتي اللي فاتت مش عايز اثبت بيها ان فيه نظام منهم احسن و اشمل من التاني.

انا مخدتش جزء من الاقتباس لاثبات حاجه... و لكن الللي باكد عليه مره تانيه ان حضرتك قلت ان النظام بعتمد كليا على الفرامل في حين العضو احمد نوح قال لا و ان الاعتماد الاساسي على تقليل القوه الواصله للعجلات و ان الاعتماد على الفرامل ممكن يكون حاجه من كذا حاجه و ده اتضح انه صحيح لان فعلا الفرامل واحده من اربع حاجات النظام بيعملها و فيه تلاته تانيين في اتجاه تقليل القوه الواصله للعجل. الجزء اللي انا اخترته بيوصف ايه؟ لو بيوصف حاجه غير ال asr يبقى انا فعلا فاهم غلط. يا ريت حضرتك توضح النقطه دي.

الحوار اللي في غرفه vw جميل باستثناء وصف حضرتك لكلام العضو "بالفتي" في حين انه طلع كلامه هوه اللي صح. عموما انا بطلب من حضرتك تبص للموضوع كله من بعيد و لو طلع كلامه صح تعتذر ليه لانك الحقيقه ظلمته.

اخى الفاضل اسمح لى أجزء مشاركتك ,لان فى ناس كتير مش بتحب الموضوع ده لكن انا ارى انه من المهم تقسيم الرد الى نقاط علشان الواحد منا مايقعدش يلف فى الاجابه ويرجع لنفس النقطه

اقتباس:

---

المشاركة الأصلية كتبت بواسطة Ahmed Hassan

على فكره انا قبل قرائي للموضوع دع مكنتش اعرف فرق بين النظامين... و مشاركتي اللي فاتت مش عايز اثبت بيها ان فيه نظام منهم احسن و اشمل من التاني.

---

احنا كلنا بتعلم وبنكمل بعضنا ,لكن مشاركتك اللى فاتت مش بتحاول تثبت اى نظام (ASR or EPS ) افضل من الاخر. انما كانت المشاركه عن ال ASR و اثبات وجه نظر مخالفه بالاستدلال برابط انا وضعته امعانا فى احراجى

اقتباس:

---

انا مخدتش جزء من الاقتباس لاثبات حاجه... و لكن الللي باكد عليه مره تانيه ان حضرتك قلت ان النظام بعتمد كليا على الفرامل في حين العضو احمد نوح قال لا و ان الاعتماد الاساسي على تقليل القوه الواصله للعجلات و ان الاعتماد على الفرامل ممكن يكون حاجه من كذا حاجه و ده اتضح انه صحيح لان فعلا الفرامل واحده من اربع حاجات النظام بيعملها و فيه تلاته تانيين في اتجاه تقليل القوه الواصله للعجل.

---

اقتباس:

---

الجزء اللي انا اخترته بيوصف ايه؟ لو بيوصف حاجه غير ال asr يبقى انا فعلا فاهم غلط. يا ريت حضرتك توضح النقطه دي.

---

للاسف اخى الفاضل نفس الجدال مع انى ترجمت لك ترجمه حرفيه الموضوع كامل وليس جزء مبتسر من موضوع كامل و ياريت تقرا الموضوع مره اخرى باللغه الانجليزيه بنيه خالصه للمعرفه وليس التصيد للغير وستجد ترجمتى للموضوع كامل الاقرب

اقتباس:

---

الحوار اللي في غرفه vw جميل باستثناء وصف حضرتك لكلام العضو "بالفتي" في حين انه طلع كلامه هوه اللي صح.

---

حضرتك كررت تانى جمله "في حين انه طلع كلامه هوه اللي صح" التى نسبتها للاخ احمد , وعاوز انى اظهر انى برميه بالفتى , لكن كلامى فى الفولكس ان كله بيفتى وفى اكتر من واحد شارك غير استاذ احمد. ده رابط على منتدى فولكس(VWvortex Forum) هنـــــــا
واحد شارك مشاركه قال فيها زى بعض الاخوه

اقتباس:

---

ASR = anti slip regulation systems:
-brake intervention at the rear wheels
-engine torque control

---

عضو تانى رد عليه

اقتباس:

---

Quote, originally posted by Attack.:Rabbit »torque
what's that http://www.vwvortex.com/vwbb/confused.gif
online sarcasm ftl

---

يعنى رد متهكما ايه ده اللى بتقوله دى مهزله الانترنت

وانا لم اتهكم او اخصص أحد بهذه الطريقه لكن صاحب الموضوع طلب لو فيه حد بيفم يرد عليه , وانا لا ادعى الفهم والعلم لكن لى موضوع فى المنتدى من 3 شهور عن نفس الموضوع عملته بعد دراسه مستفيضه لنفى قبل ان يكون للمنتدى
ولاخ الفاضل اللى كان بيقولى لو جربت عربيه كبيره شويه فيها تراكشن كنترول , احب اقوله ان عربيتى المتواضعه بها ASR وايضا ESP وايضا الكثير الكثير من فضل الله على . واعتقد انه غير متوفر لكثير من الاعضاء وهذا فضل من الله و نعمه يؤتيها من يشاء من عباده.

اقتباس:

---

عموما انا بطلب من حضرتك تبص للموضوع كله من بعيد و لو طلع كلامه صح تعتذر ليه لانك الحقيقه ظلمته.

---

انا فعلا ببص على الموضوع من بعيد وشايف انى كلامى صح (والعلم كله لله) , وعلى فرض ان كلامى غلط مالظلم الذى ظلمته له وليه اصلا الاعتذار علشان قلت له فى لينك اقرءه ونتناقش.
او انى سالته ايه العربيه الكبيره اللى هو جربها بالتراكشن وانا لم اجربها

المفروض الاعتذار يكون من الطرف الاخر.
لكن وانا ببص من بعيد مش شايف الخيار الثانى فى طلبك ولو طلع كلامه غلط ايه اللى يحصل :,:

ارجو من الساده أداره المنتدى اغلاق الموضوع منعا لمزيد من الجدال فالموضوع انتفى الغرض منه

[quoteارجو من الساده أداره المنتدى اغلاق الموضوع منعا لمزيد من الجدال فالموضوع انتفى الغرض منه [/quote]

موافق حضرتك

انا مكنتش ناوى ارد بصراحه تانى بس لسه واخد بالى من رد الاستاذ احمد , شكرا جزيلا لتدخلك الكريم وربنا يبارك فيك


استاذ سيف معلش لا داعى اننا نتناقش فى ردك لأن اسلوب التهكم فيه واضح قوى ويؤكد كدا ردك فى منتدى فولكس والله اعلم بنيتك وعلى هذا الاساس انا بطلت ارد فى الموضوع , حضرتك ببساطه كنت بترد على مشاركه تفصيليه ليا بكلمه اقرا الموضوع ده وكأن كل الكلام اللى انا قولته ملوش لزمه وانا ابتدعته وانا قاعد بتفرج على الموضوع ولما انا كنت بقولك لو جربت عربيه بموتور كبير ده كان مجرد تعبير مجازى اقصد بيه ان النظام بيبقى شغال بوضوح قوى مع المواتير اللى عزمها بيبقى صعب تقدر تسيطر عليه بنفسك وانا عارف ان حضرتك معاك 1.4 tsi بس مازال انا اقصد مواتير اكبر

المهم علشان مطلعش فى الاخر انا اللى بفتى هقولك على وجهه نظرى لعل المره دى نتناقش فيها بهدوء , كل نقطه خلافنا دلوقتى ان حضرتك بتقول ان النظام غير مجهز انه يتحكم فى سرعه المحرك ويعدلها وان الفرامل هى الاجراء الرئيسى للتحكم فى انزلاق العجلات على الاسطح الزلقه وفى التسارع

مظبوط كدا ولا حضرتك تقصد حاجه تانيه , ياريت تقولى على اللى حضرتك تقصده لو مش هو ده فى نقط بحيث نتناقش فيه تفصيلا

شكرا على المعلومات القيمة

عندي لمبه ال asr مانع التزحلق منوره لالون الاصفر جيتا 2008 والزرار مش بيستجيب انه يطفيها ممكن تكون ايه المشكله

الف شكر ياجماعه ع المعلومات القيمه دي
بس مش عارف ليه بحس ان الضغط عندي بيرتفع لما اقرا عن الحاجات دي
سؤال هو الزرار ده فين في اللانوس بتاعتي!!!!!!!