تجربتى مع مركز بريدجستون فى عمارات العبور

امبارح روحت عشان اظبط زوايا فى العربية عندى وبعد حيرة قولت اجرب مركز بريدجستون اللى فى عمارات العبور
روحت وقولتلة عايز اظبط زوايا وفوجئت انهم عندهم ظبط الزوايا بالليزر قولت كويس جدا خير وبركة
فهمتة على الحاجات اللى فى العربية وهو بمجرد ماوصل الاربع عجلات طلع المشكلة على طول على الكمبيوتر راح عاملها ومظبطها وبعد كدة رفع العربية وربط العفشة وظبط العربية تمام فى حوالى ربع ساعة
وتمن الظبط 40 جنية وظبط الطارة على الكاوتش
وبعد ماخلص قولتلة تمام قالى تمام قولتلة طيب اجرب وارجعلك قالى الحمد لله تمام مافيهاش حاجة بكل ثقة ,كانة خرج جربها وفعلا خرجت جربتها الحمد لله كانها لسة خارجة من التوكيل
بجد مركز كويس جدا ومحترم والتعامل محترم جدا بس لازم تكون معاة عشان لو فية ملاحظات على العربية عايز تقولها
انا قولت اقولكم تجربتى للى عايز يظبط زوايا

شكرا ياباشا على الافادة بس ياريت لو تعرف توصفلنا مكان بريدجستون عمارات العبور فين بالضبط ؟

حضرتك ساكن فين ؟

اقتباس:

---

المشاركة الأصلية كتبت بواسطة semsem kane

حضرتك ساكن فين ؟

---

أنا ساكن فى ميدان ابن سندر - مصر الجديدة

اقتباس:

---

المشاركة الأصلية كتبت بواسطة semsem kane

امبارح روحت عشان اظبط زوايا فى العربية عندى وبعد حيرة قولت اجرب مركز بريدجستون اللى فى عمارات العبور
روحت وقولتلة عايز اظبط زوايا وفوجئت انهم عندهم ظبط الزوايا بالليزر قولت كويس جدا خير وبركة
فهمتة على الحاجات اللى فى العربية وهو بمجرد ماوصل الاربع عجلات طلع المشكلة على طول على الكمبيوتر راح عاملها ومظبطها وبعد كدة رفع العربية وربط العفشة وظبط العربية تمام فى حوالى ربع ساعة
وتمن الظبط 40 جنية وظبط الطارة على الكاوتش
وبعد ماخلص قولتلة تمام قالى تمام قولتلة طيب اجرب وارجعلك قالى الحمد لله تمام مافيهاش حاجة بكل ثقة ,كانة خرج جربها وفعلا خرجت جربتها الحمد لله كانها لسة خارجة من التوكيل
بجد مركز كويس جدا ومحترم والتعامل محترم جدا بس لازم تكون معاة عشان لو فية ملاحظات على العربية عايز تقولها
انا قولت اقولكم تجربتى للى عايز يظبط زوايا

---

يا سلام عليك
لسة كنت بفكر اروح اعمل كل ده هناك بس عايز ارصص بردو
ياريت لو تقدر تكتب رقم التليفون هنا هو بيبقى مكتوب على الفاتورة لو كنت خدتها

أنا كنت لسه هناك بسأل عن كاوتش لللينيا وللأسف ملقيتوش بينزل مصر أصلا وهما شكلهم محترم جدا وشغلهم نضيف جدا لما كنت هناك كان فيه بي إم الفئة ال٥ بتظبط زوايا

المركز ده محترم جدا ياجماعه والمدير بتاعه راجل محترم وشغلهم كويس جدا وكل الناس بتشكر فيه وظبط عنده زوايا قبل كده ممتاز فعلا

وياترى ايه الفرق فى ضبط الزوايا بالليزر ده ؟

ده مكانه فين بالظبط في عمارات العبور ؟

شكرا لنقلك التجربه
وفعلا كل الناس بتشكر فى المركز ده

مكان المركز موجود عند عمارات العبور طريق صلاح سالم بجوار معرض جاجوار ,اللى جاى من ابن سندر
الطريق قريب جدا هيمشى فى اتجاة ميدان الحجاز لحد ماتلاقى الدخلة اللى تطلع منها على طريق صلاح سالم هتلاقيها على يمينك امشى الشارع دة للاخر هتلاقى يمين اجبارى ادخلة وبعد كدة خد اخر رصيف او امشى بجوار المحلات لحد ماتلاقى المركز والفاتورة تحت فى العربية هجيبلكوا رقم التليفون
والفرق بين ظبط الزوايا بالليزر انة بيبقى اكثر دقة من الكمبيوتر العادى وبيريح اللى بيشتغل عشان بيبقى عارف العيب فين
وعلى فكرة معاك ضمان اسبوع لو فية اى حاجة ظهرت فى الزوايا والرقم هيكون موجود انهاردة ان شاء الله

العنوان
12 عمارات العبور صلاح سالم
تليفون: 24039501
موبايل: 0164077176
العنوان مذكور فى موقعهم الالكترونى
Nile Projects

تحياتى

انا عملت ترصيص هناك لل i10

علشان كان فى رعشة فى الدريكسيون على سرعة 120

بعدها سافرت و كنت ماشى 130 و 140 مفيش اى حاجه خالص الحمد لله

و شكرا لحضرتك انا عندى حدفة شمال التوكيل هو اللى عملهالى لما لقى العربية سليمة فى الصيانة :M_yes[1]: هبقى اروح اظبطها هناك

أنا بعدى من قدامه كل يوم بس مافكرتش ادخله علشان عربيتى على قد حالها هيا كيا برايد بس بحب اراعيها يا ترى اروحلهم ولا حابقى حاجة كخة جنب اللى هما بيشتغلوا فيه ؟ :ma(30):

اقتباس:

---

المشاركة الأصلية كتبت بواسطة almohake

أنا بعدى من قدامه كل يوم بس مافكرتش ادخله علشان عربيتى على قد حالها هيا كيا برايد بس بحب اراعيها يا ترى اروحلهم ولا حابقى حاجة كخة جنب اللى هما بيشتغلوا فيه ؟ :ma(30):

---

عادي يا باشا أنا ناوي أرحلهم بال١٢٨ :10_1_102v[2]:بعد ما رحتلهم باللينيا وإتبسطت قوي منهم بصراحة

اقتباس:

---

المشاركة الأصلية كتبت بواسطة almohake

أنا بعدى من قدامه كل يوم بس مافكرتش ادخله علشان عربيتى على قد حالها هيا كيا برايد بس بحب اراعيها يا ترى اروحلهم ولا حابقى حاجة كخة جنب اللى هما بيشتغلوا فيه ؟ :ma(30):

---

اقتباس:

---

المشاركة الأصلية كتبت بواسطة yoko

عادي يا باشا أنا ناوي أرحلهم بال١٢٨ :10_1_102v[2]:بعد ما رحتلهم باللينيا وإتبسطت قوي منهم بصراحة

---

الأعضاء الأعزاء .... نحن نرحب بجميع اعضاء المنتدى وهناك اسعار خاصة لحاملى الستيكر الخاص بالمنتدى بجميع فروعنا وذلك مذكور فى الموضوع الخاص بالعروض من شركة بريدجستون
http://www.nilemotors.net/Nile/25336-a-new-post.html

اقتباس:

---

المشاركة الأصلية كتبت بواسطة yoko

عادي يا باشا أنا ناوي أرحلهم بال١٢٨ :10_1_102v[2]:بعد ما رحتلهم باللينيا وإتبسطت قوي منهم بصراحة

---

هم فعلا محترمين و شغلهم نضيف و بيطلع لك الشغل نضيف موت .. بس خلى بالك لو عندك الكاوتش قديم أو مش مضبوط مش هيرضى يشتغل لك فى العربية .. هيقولك روح ضبط حاجتك الأول و بعدين تعالى

و كمان عندهم نيتروجين للى عايز

طيب يا تري ممكن يظبطو زوايا البيتل القديمة ؟؟ يعني عندهم المقاسات ؟؟ و لا مش هيرضوا من اساسو ؟؟

ياريت تقولنا العنوان بالتفصيل لواحد جاى من صلاح سالم وهل فى فروع تانية

اقتباس:

---

المشاركة الأصلية كتبت بواسطة ruicosta

ياريت تقولنا العنوان بالتفصيل لواحد جاى من صلاح سالم وهل فى فروع تانية

---

بص لو جي من ناحيت المطار خليك باصص علي اليمين كده بعد متعدي النفق اللي بيقطع شارع المرغني هيقبلك دار الحرس الجمهوري خليك ماشي فليمين هيقبلك دخله صغيره خش فيها هتلاقي بئي محلات كتير وبنوك وتوكيل جاجوار هوا جمبهم

ألف شكر بس السؤال هل ممكن يعملو زرجينة ولا ضبط زوايا وبس

معلش لو عندك عربية موديل قديم فية لحام وولا تظبط الكلام دة عند سمكرى والزوايا بس عندهم

حلو الموضوع دة نجرب ونشوف النتيجة وشكرا ليك مقدما

شكرا على الموضوع , طيب علشان بس للتاكيد هو انا لو ماشي في شارع الطيران انزل النفق وبعد كده افضل يمين ولا المركز قبل النفق بحيث مش هينفع انزل نفق الطيران ؟؟؟؟؟؟

شكرا ليك يا باشا

اقتباس:

---

المشاركة الأصلية كتبت بواسطة kemoelord

شكرا على الموضوع , طيب علشان بس للتاكيد هو انا لو ماشي في شارع الطيران انزل النفق وبعد كده افضل يمين ولا المركز قبل النفق بحيث مش هينفع انزل نفق الطيران ؟؟؟؟؟؟

---

لأ ماتنزلش النفق خليك من فوق وادخل من صلاح سالم

اقتباس:

---

المشاركة الأصلية كتبت بواسطة heshamzaky

ألف شكر بس السؤال هل ممكن يعملو زرجينة ولا ضبط زوايا وبس

---

ممكن زرجينة وربنا يبعدها عنك

انا لسه متصل بتوكيل بريد جستون قال الكاوتش مقاس 16/205/55 اليابنى ب870 جنيه وفرنساوى بى 800 الصراحه اسعارهم غاليه جدا جدا جدا

انا لسه متصل بتوكيل بريد جستون قال الكاوتش مقاس 16/205/55 اليابنى ب870 جنيه وفرنساوى بى 800 الصراحه اسعارهم غاليه جدا جدا جدا

اقتباس:

---

المشاركة الأصلية كتبت بواسطة ahmed_zamalek7

انا لسه متصل بتوكيل بريد جستون قال الكاوتش مقاس 16/205/55 اليابنى ب870 جنيه وفرنساوى بى 800 الصراحه اسعارهم غاليه جدا جدا جدا

---

أخي الكريم ممكن بعد إذنك تكتبلي رقم تليفون توكيل بريدجستون لأني عايز أشتري 4 فرد كاوتش

لتويوتا يارس مقاس 185/50/15 وعايز أعرف سعره في القاهره بكام وفي شرم الشيخ بكام لأني

هاشتريه من شرم الشيخ بسبب محل إقامتي وهل سيكون هناك فارق في سعر التوكيل الي في القاهرة

عن شرم الشيخ