أسوء سواقين في تاريخ البشرية بالصور

**mhm2007** · 15-09-2008 05:04 AM

با امانه شديده انا عايش فى قطر بقالى 7 سنين قمه الاحترام قانون المرور وقمه احترام شرطى المرور للسائق عارفين بيستازنو الناس لو مخالفين بيقله بعد ازنك تخيلو وبيقفو فى الشمس فى عز درجه الحراره وينظمو المرور احنا مفتقدين ثقافه الشعوب دى لازم نتعلم نكون احسن منهم

**tutankhamoun** · 15-09-2008 09:24 AM

المشاركة الأصلية كتبت بواسطة mountofgem

يا استاذ tutankhamoun

انا خايف عليك بجد انا ملاحظ انك واخد بالك جامد من اقرف اللي احنا عايشينه
حتي توقيعك السابق كان بيتكلم عن الازمه المصريه

بمناسبه السيارات
انا خايف علي العمر الافتراضي بتاعك

وخلي بالك من نفسك
انت حسستني انك جالك الضغط بيعد الشر عنك

والف شكر علي موضوعك

شكرا ياباشا على التعليق

بس أنت مش متصور أد أيه الموضوع ده مأثر عليا نفسيا

الشعب المصري ........... شعب يجيب الضغط
و أنا فعلا و أنا في العربية ببقى مضغوط جدا و أعصابي على أخرها و دمي فاير

بس مش عارف أعمل أيه ؟؟؟؟؟؟
لأني مش قادر اطنش و أكبر دماغي
و ده عيب فيه و عايز أتخلص منه

أحسن حاجة إن الواحد لما يكون عايش في مكان
يبقى زي الناس اللي في المكان

يعني تعيش في وسط ناس محترمة ........ لازم هاتبقى محترم و منظم زيهم

تعيش في وسط ناس همج و متخلفين لا يعرفون أدنى متطلبات الأدب و النظام
يا إما تعيش زيهم
يا إما تموت بالضغط

و شكرا

**Asadek** · 15-09-2008 10:46 AM

طيب اية رايكم في الموقف اللي حصلي دة!!!
كنت رايح استقبل ناس في المطار القديم صالة 3 الخديدة المهم دخلت البارك الصغير اللي امام الصالة لقيت كل الاماكن مشغولة ما عدا مكان واحد متخطط والباقي اماكن لو ركنت فيها هقفل علي ناس تاني بس المكان دة انا كنت قلقان منة احسن حد يجي يقفل عليا خصوصاً انة مزنوق ما بين الرصيق الخارجي للبارك وعامود نور وفعلاً اللي حسبته لقيته ركنت ودخلت اشوف الطيارة خرجت بعد ربع ساعة لقيت 5 عربيات قافلين عليا وشادين الفرامل رحت لظابط المرور قالي انا معنديش مشكلة ممكن ادخل الونش يشيل العربيات المخالفة بس البارك ضيق جداً يرضيك اني ابهدل عربيات الناس التانية المهم ربنا الهمني اعدي من فوق الرصيف اللي كان علي شمالي والحمد لله العربية اللي كانت معايا بيجو 406 كانت مرتفعة عن الارض وبعد معاناه خرجت من الفخ دة

**tutankhamoun** · 15-09-2008 10:51 AM

المشاركة الأصلية كتبت بواسطة Asadek

طيب اية رايكم في الموقف اللي حصلي دة!!!
كنت رايح استقبل ناس في المطار القديم صالة 3 الخديدة المهم دخلت البارك الصغير اللي امام الصالة لقيت كل الاماكن مشغولة ما عدا مكان واحد متخطط والباقي اماكن لو ركنت فيها هقفل علي ناس تاني بس المكان دة انا كنت قلقان منة احسن حد يجي يقفل عليا خصوصاً انة مزنوق ما بين الرصيق الخارجي للبارك وعامود نور وفعلاً اللي حسبته لقيته ركنت ودخلت اشوف الطيارة خرجت بعد ربع ساعة لقيت 5 عربيات قافلين عليا وشادين الفرامل رحت لظابط المرور قالي انا معنديش مشكلة ممكن ادخل الونش يشيل العربيات المخالفة بس البارك ضيق جداً يرضيك اني ابهدل عربيات الناس التانية المهم ربنا الهمني اعدي من فوق الرصيف اللي كان علي شمالي والحمد لله العربية اللي كانت معايا بيجو 406 كانت مرتفعة عن الارض وبعد معاناه خرجت من الفخ دة

هما دول المصريين .........
المصريين أهما .......... *********** و *********** و *********
و بلاش علشان الرقابة

ناس تقرف و تجيب الضغط

**Ghamrawy** · 15-09-2008 12:05 PM

طيب ايه الحل ؟!!!
الواحد يعمل ايه ؟
نلم نفسنا و نروح نطلب اللجوء السياسى فى سفارة اى بلد شعبها محترم ؟؟؟
انا خلاص مخزون البرود و الصبر اللى عندى نفذ مع انى بطلت اسوق خلاص من شهر و نص

**lada kalina** · 15-09-2008 09:11 PM

والله عنا بسوريا ألعن و أدق رقبة

**Chicco** · 15-09-2008 09:26 PM

المشاركة الأصلية كتبت بواسطة lada kalina

والله عنا بسوريا ألعن و أدق رقبة

كلنا في الهم شرق يا سيدي الفاضل

**ahmad--ezzat** · 18-12-2008 03:02 AM

الاستاذ توت بيكرة البلد جدا على فكرة هههههه
هو بيحب الجين 2 بس هههه

**itsonlyme** · 18-12-2008 04:08 AM

http://iparklikeanidiot.com

**tutankhamoun** · 18-12-2008 09:40 AM

المشاركة الأصلية كتبت بواسطة ahmed21015

الاستاذ توت بيكرة البلد جدا على فكرة هههههه
هو بيحب الجين 2 بس هههه

مين قال يا باشا أني بكره البلد ؟؟؟؟؟
أنا بكره الغباء بس ........ إنما مصر دي بلدي و هاتفضل بلدي لحد ما أموت
حتى لو مت مخنوق من شعبها اللي هو أهلي .... بس في الأخر أنا بحب مصر جدا :k8:
و نفسي في يوم من الأيام الناس تتعلم النظام و نقب بقى على وش الدنيا و تبقى مصر دولة متحضرة متقدمة ..... ده اللي أنا نفسي أشوفه قبل ما أموت
بس زي ما أنت عارف ...... أحتمال حدوث حاجة زي كدا في القريب العاجل ....... شبه مستحيلة ....للآسف الشديد
لأني أكتشفت حاجة مهمة
أن أغلب المصريين للآسف
فاهمين أن ده هو الصح ..... و محدش عنده ثقافة الانصياع للنظام و القواعد للتسهيل على أنفسهم
كله فاكر ان الفهلوة و النصاحة هي دي اللي هاتمشي حاله
مع أنه العكس تماما
الفهلوة و النصاحة مضييعين المصريين برة مصر و جوه مصر
( أخوك توت على فكرة أغلب ما يشتري من الصناعة المصرية و أبحث عنها ..... آه و الله أبحث عن المصري لأشتريه و أفضله عن الأجنبي )
و ربنا يرحمنا

أنا بالنسبة للجين 2
أنا بحب العربية دي جدا لأسباب كتيرة
أولا مريحاني
ثانيا كان نفسي تكون مصر هي المنتجة للجين 2 اللي تم انتاجها و تصميمها في دولة صديقة و شقيقة اللي هي ماليزيا
ماليزيا اللي بنت مصنعها سنة 1981 و بدأ الانتاج سنة 1983
و أحنا مصنعنا ( النصر ) تم بناؤه سنة 1960 و حتى هذه اللحظة يقوم المصنع المغوار بتجميع سيارات قديمة و لا يصنع شئ
حتى بعض المصانع الجديدة اللي بتجمع في مصر نسبة تصنيعها أعلى من مصنع النصر برغم امكانيات مصنع النصر اللي مملوك للحكومة و اللي ممكن تخلي منه مصنع محترم و تعمل أبحاث و لا حتى تشتري تكنولوجيا تصنيع موتور قديم و بعدين تبقى تصنع موتور حديث عليه

بس نرجع و نقول ..... أحنا المصريين واخدين كل حاجة فهلوة و نصاحة ..... و مفيش تخطيط و لا تفكير في البلد أو المجتمع ...كله يلا نفسي ...يلا نفسي و ده اللي مضيعنا و مخلي أخلاقنا زفت و بيبان قوي في السواقة
و كفاية كدا علشان مش بحب العيش و الحلاوة

و لو جرالي حاجة أنت أول واحد لازم تيجي تزورني بعيش و حلاوة