عرض للطباعة
هل من الممكن ان واحد يجيب عربية زيرو و يعمل بيها فى السنة 50,000 كم يعنى فى العشر سنين 500,000 كم فهل ممكن الواحد يحافظ على موتور عربيته 500,000 كم؟
و لو ممكن ما هى الخطوات التى يتبعها الواحد للحفاظ على الموتور علما بأن الواحد مش متهور و بيمشى على مهله و ما بيقرصش على الموتور الا فى الطوارئ فقط؟
رجاء الإهتمام بالموضوع و شكرا :shyy:
اه ممكن
انا عامل 40000 فى السنة الى فاتت
وزيرو ومش بجرى
عادى جدا ....المهم الاهتمام والمتابعه والصيانات الدوريه وتغيير قطع الغيار بالاصليه
اكيد العربيات البيجو 7 راكب اللى شغاله محافظات من السبعينات عملت اضعاف المسافه دى
كان عندنا فى المكتب عربيه بومه 1300 مانوال عامله 240 الف كيلو فى سنتين ونص ومازال العداد بيعد وبيفكر صاحبها دلوقتى يعمل لها عمره بقى وهاينها على الاخر ومبتقلش لا
ربنا يبارك له فيها
وعلى فكره معظم العربيات اللى معانا عامله من 100الف الى 144 الف فى سنتين وشغاله تمام وكلها بومه
ولما جه واحد يامن فيهم من شهر قالوا له-كل شركات التامين- العداد عالى (150 الف) وملكش تامين فدفع 100 جنيه عند واحد بيصفر عدادات ونزله العداد ل 41 الف وامن وتمام التمام!!!!!!!!!!!
-------------
المهم المحافظه ونوع العربيه ويتهيالى البومه ملهاش مثيل فى العمليه حتى لو اتف....* معاك
500 الف مش حاجه
تعاله أوريك عربيه داخله عال 900 الف موديل 2006
هو فعلا الصيانه الدوريه والوقائيه لها تأثير فعال فى طول عمر العربيه والموتور يعنى كل ماتدى العربيه اللى هيا محتاجاه وتبقى مراعيها اول بأول بتبقى حالتها ممتازه .. انا الحمدلله كان معايا شاهين موديل 96 تركى بفضل الله عملت بيها 350 الف كم وقعدت معايا 6سنين والموتور بتاعها ماتفتحش ولااتعمله عمره كل اللى غيرته فيه كان طبه المياه اللى فى الموتور من تحت علشان كانت بتسرب
انا والدى عامل فى سنة واحدة بس 60 الف كيلو
انا اعرف واحد صاحبي معاه بيجو 405 موديل 91
عامله 1180000 كيلو و لسه العربيه متعملهاش عمره
و غيرت طقم شنبر 3 مرات بس ايه رأيكوا بقه ؟
انا اعارف ان في ناس كتير مش هتصدق بس دي الحقيقه
انا عامل بالعربية 14000 من 4 / 2008 حتى الان
عربيتي موديل 99 و عاملة 560,000 كيلو.... (عملت عمرة مرة واحدة من سنة)
و الحمد لله آدائها ممتاز و أحسن من الجديد....
اقتباس:
المشاركة الأصلية كتبت بواسطة ahmed_h_g
متهيقلي دى عايزة موضوع وحكايه 900 الف في سنتين او تلاته ...
احــــــكــــــــــــى بالتفــــصـــــــيـــــــ ـــــل إزاااااى
فعلا غريبة، ياريت تفاصيل اكتر عن العربية ونوعها.اقتباس:
المشاركة الأصلية كتبت بواسطة ahmed_h_g
معاك في حكاية موضوع منفصل.اقتباس:
المشاركة الأصلية كتبت بواسطة haitham10
عربيه دايو لانوس شغاله سفريات ركاب يعنى زى البيجو بس الراجل محافظ عليها وعاملها صيانه دوريهاقتباس:
المشاركة الأصلية كتبت بواسطة Haitham10
عندنا فى بلدنا مبنبصش على العداد علشان أقل عداد عندنا 200 الف كيلو للسياره الأستعمال العائلى وبتبقى فبريكا كمان زى ديه .
http://www.nilemotors.net/Nile/112061-2008.html
وللأسف الناس متعرفش المسافات الطويله
أنا ملاحظ ان كل واحد يشوف العداد بييجى فى دماغه ان العربيه متبهدله مش عارف ليه !!!.
العربيات التيوتا الي بتسافر محافظات اغلبها معدي 500.000 كيلو وساعات بتعدي ارقام مش ممكن تتخيلها بلمحافظة علي الصيانة والاستخدام الجيد ممكن تحقق اقصي استفادة من المتور
محرك البنزين لا يمكن يعمل نص مليون كيلو من غير عمرة أو نص عمرة مرة على الأقل.
العمر الافتراضى لمحرك البنزين من 100-250 الف و فى بعض الأحيان 300 مع القيادة الهادئة و تكون عربية نضيفة!
محرك الديزل يمتد عمره الى مليون كم.
اقتباس:
المشاركة الأصلية كتبت بواسطة romeo_6887
فى دبي عملوا احتفال لكامري كدعاية قطعت مليون كيلو
أعتقد ممكن فعلا لو زي ما بتقول مشي هادي و صيانة مستمرة
و على فكرة احنا بنعمل بالعربية 8000 في السنة بس
تقصد المصريين بشكل عام، ولا تقصد نفسك.اقتباس:
المشاركة الأصلية كتبت بواسطة camaro
لأن بشكل عام العربيات في مصر ممكن تعمل اكتر من كده بكتير، 20 الف و انت طالع في السنة الواحدة.
فى القاهروة أقل مشوار رايح جى يومى هو 70 كم!!!اقتباس:
المشاركة الأصلية كتبت بواسطة egyegy
مسألة العمر الذى يتحمله المحرك تعتمد على عدة عوامل:
1- طراز السيارة: هناك سيارات اشتهرت بأعمار محركاتها الطويلة جدا وانها محركات لا تحتاج للعمرة لمسافات وأعمار قد تتخطى عمر صاحب السيارة نفسه، وتقف على رأسها بالطبع المرسيدس وتليها مباشرة ماركات البى ام دبليو والفولكس فاجن وبالقرب منهم نجد ماركات البيجو والتويوتا وخلفهم فى الصف مباشرة نجد العديد من الماركات اليابانية مثل ميتسوبيشى ونيسان بالاضافة الى دايو (شيفروليه كوريا) وفيات، جميع هذة الماركات تتميز بالعمر الطويل لمحركاتها بشكل يتفاوت من شركة لأخرى ولكن فىالنهاية هذة الماركات تفوقت على منافساتها فى هذة المسألة
2- شكل الرحلة: كلما كانت الرحلات مسافات طوالى بسرعات ثابتة كلما عاش المحرك عمرا اطول
3- اسلوب القيادة: كلما كان اسلوب القيادة اقتصاديا دون تحامل علىالمحرك عاش المحرك اكثر
4- نوعية الزيوت المستخدمة: كلما كان اختيار الزيوت من نوعيات جيدة مصنعة تحت مستوى عالى من ضبط الجودة وفى نفس الوقت من نوعية مناسبة لاحتياج المحرك كلما عاش المحرك اكثر، ولدينا فى مصر مصانع ذات مستوى عالمى من ضبط الجودة لخلط الزيوت مثل موبيل وشل وكالتكس وتوتال، كما ان زيوت امارات مصر ايضا مصنعة مصنعة بمستوى جودة مرتفع
5- الالتزام بأداء الصيانات فى المواعيد المحددة من قبل الصانع واستخدام قطع غيار اصلية ، خاصة الزيوت والفلاتر والسيور وشمعات الاحتراق وسائل التبريد، كل هذا يحافظ على عمر المحرك
6- عدم تعرض المحرك لقصورات ميكانيكية قاسية: مثلا عدم تعرض المحرك للسخونة المفرطة، الأمر الذى قد يؤدى الى سكتة قلبية للمحرك او فى افضل الظروف يقصر من عمر المحرك لدرجة ملحوظة، ومثل ذلك تعرض المحرك لتسرب مفرط للزيت يؤدى الى نقصان مستواه بشدة ، او سيولة الزيت وفقده للزوجته بسبب استعمال نوع زيت ردىء مما يؤدى الى حدوث تآكلات سابقة لأوانها premature wearبالمحرك او قفش المحرك
7- عدم تحويل المحرك للعمل بالغاز الطبيعى لأن الاحراق منخفض الحرارة للغاز الطبيعى يسبب تكاثف بخار الماء الناتج من الاشتعال واتحاده مع اكاسيد الكبريت والفوسفور الموجودة كشوائب فى الغاز الطبيعى مكونا احماض الكبريتيك والفوسفوريك التى تلتهم اجزاء المحرك مما يقصر عمره بدرجة ملحوظة
فى النهاية فان رقم النصف مليون كيلومتر رقم يسهل الوصول اليه بسيارة من ماركة جيدة لو تم التزام بالمسائل المذكورة اعلاه، هناك ماركات اخرى اشتهرت بأن محركاتها قصيرة العمر لكنى لن اذكر اسمائها لأن الكثير من ملاك هذة الماركات يعتبرون هذا اهانة شخصية لهم ،لكنى على استعداد للرد على هذا السؤال بشكل شخصى لمن يهمه الأمر
والدي معاه عربية موديل 93 عامل بيها من الزيرو حتى الآن حوالي 200 ألف كم ..
اقتباس:
المشاركة الأصلية كتبت بواسطة romeo_6887
هى البيجو الـ91 فيها سبع خانات للكيلو متر ؟؟؟؟؟؟؟؟؟؟؟؟؟؟؟
او اى عربيه تانى غير البيجو حتى لو ديجتال ؟؟؟؟؟؟؟؟؟؟؟؟؟؟