الواحد مش عارف يبدأ بحديثه يقول ايه.... آه ، حسبي الله ونعم الوكيل في البلد دي.
كنت ماشي في التحرير (شارع التحرير) عادي خالص وعايز أركن في أي حتة ومش لاقي مكان خالص. نص ساعة عمال ألف ومش لاقي مكان ، رحت داخل في شارع جانبي وسبحان الله مش عارف ليه أنا حاسس إن في الشارع الجانبي ده أنا ماشي عكسي. قعدت أبص على أي يفط بتقول ممنوع الدخول علشان أطمن نفسي ملقيتش خالص ، رحت داخل وخلاص وبعد مادخلت بشوية لقيت يافطة صغيرة مقلوبة وقفت علشان اشوف مكتوب عليها ايه .... لقيت مكتوب ممنوع الوقوف... رحت مكمل في الشارع لقيت عربية شرطة وأمين وقفلي قدام العربية وهو مبتسم وبيقوللي ماشي عكسي ليه؟؟؟ افتكرته بيهزر قلتله أنا بدور على مكان اركن فيه ومش لاقي خالص، قال لي رخصك: اديتله الرخص (افتكرته بيطمن وهيرجعها تاني).. لقيته خدها ومشي وقال لي اركن على جتب ، قلت الموضوع بجد.. لقيت ناس بتقوللي اديله عشرة جنيه علشان تخلص نفسك.
ركنت على جنب وكان معايا واحد أجنبي صديق (شغال في وزارة الصحة العالمية التابعة للأمم المتحدة) رحنا للأمين أنا وهو وقعد يكلم الأمين بالإنجليزي ووراله الكارنيه بتاعه ، بعدها الأمين قعد يتكلم معايا بكل احترام وقال لي بس أنا لازم أوري الظابط الرخص قلت له مفيش أي يافطة بتقول الاتجاه الصحيح فين؟؟؟ (كان فيه كام زبون واقفين معايا :b4_556:) قال لي معروفه يعني (بيستهبل) رحت مريح دماغي وخدته على جنب واديتله 10 جنيه واداني الرخص.
الناس اللي زي دي بتسوأ سمعة مصر والإسلام والإنسانية كلها. حسبي الله ونعم الوكيل.
المفضلات