انا لسة جاى من فيلم بالالوان الطبيعية .... فيلم ممتاز عكس الى اتكتب عنة ...
انا هادخل على طول بس لو حد عاوز يشتم ويتكلم فى الفيلم وهوة ماشفهوش اصلا ويقولك اصل صاحب ابن خالى من بعيد بعد عمة جدتى شافة ومش عارف اية ....بلاش يرد لان احنا بنتناقش مش بنتخانق وكل واحد لية الحق فى انة يقول كلامة بس بدون مايجرح حد
المهم
كان عندنا كورس واتلغى فققرنا ندخل فيلم بالالوان الطبيعية
وهاتكلم عنة فى كام نقطة
1- الفيلم اخد سمعة زيادة عن اللزوم بس هوة عادى جداااااا واكتر حاجة ممكن تحصل تكون قبلة ساخنة (بس مهما حصل مش هاتوصل لسفالة افلام الموسم الى فات زى عمر حرب ولا كابارية مثلا )
2- الفيلم وضح كمية الكوسة فى تعيين المعيدين والطلبات الى الدكاترة بيطلبوها منهم علشان يعينوهم
3- بين الكوسة فى الحكم على مشاريع التخرج وتعذيب الدكاترة والمعيدين للطلبة
4- تدخل فى السياسة والدين بشكل غير صريح لانة ما اتكلمش عن الدين هوة اتكلم عن احساس الطلبة المذبذبين تجاة الدين ياريت نفرق بينهم ودخلنا من ناحيتهم علشان يخلى نفسة من المسؤلية واتكلم عن موضوع النقاب بشكل خفيف بس اكييد كان يقصد بية حد (طبعا عارفين)
5- الفيلم يعاب علية انة وضح ان كلية الفنون دى حاجة قذرة مع انها العكس تمامااااااااااااا بس ركزوا فى النقطة الجاية
6- الحلو في النقطة رقم 5 انة كان جايب الموضوع على كلية الفنون بس لو ركزنا ورا الكلام هانلاقية بيتكلم عن كل الكليات والمعاهد الخاصة بكل تخصاصاتها
7- بين الطرق الى الكليات بياخدوا بيها فلوس زيادة من الطلبة
8- وضح علاقة الطلبة بالمعيدين وعلاقة المعيدين بالدكاترة وعلاقة الدكاترة بالطلبة وعلاقة كل ماسبق ب العميد
وعلاقة كل ماسبق بالدولة
9- وضح ازاى ان طموح الشباب بيقف مع ظهور نتيجة التنسيق وضغط الاسرة على الطالب المصرى وان المصريين شهادتهم مالهاش اى لازمة غير الجواز
10 - من ناحية الانتاج الفيلم كان انتاجة اى كلام بس الاخراج كان متميز بالنسبة للانتاج بتاعة
بس الفيلم جرىء جدااااااااااااااااااا وفتح مواضيع السينما المصرية او الشرقية عموما بتخاف تفتحها بس كويس انة اتكلم فيها
وفى الاخر كل واحد بيشوف الفيلم من منظورة الشخصى وعاوزين التعليقات بس بشرط الحيادية لتفادى المشاكل