ما هو استهلاك عربيتك المازدا داخل وخلرج البلد ؟
؟ بالتكييف ومن غير
عرض للطباعة
ما هو استهلاك عربيتك المازدا داخل وخلرج البلد ؟
؟ بالتكييف ومن غير
السيارة : مازدا 3 2008 اوتوماتيك
بعد حسابات كتيرة وبعد 15.000 كم
المتوسط 200 كم لكل 20 لتر داخل البلد بدون تكييف سواقة معتدلة
متوسط 250 كم لكل 20 لتر طرق سريعة بالتكييف سرعة 110-120
اعلى حاجة عملتها 320 كم لكل 20 لتر طريق سريع على سرعة 100 بدون تكييف
اقل حاجة عملتها 160 كم لكل 20 لتر داخل البلد بالتكييف و سواقة رياضية
تمام يا باشا
بالنسية لى :
السيارة : مازدا 3 2009 اوتوماتيك
المتوسط 200 كم لكل 20 لتر داخل البلد بالتكييف سواقة معتدلة
متوسط 240 كم لكل 20 لتر طرق سريعة بالتكييف
متوسط 280 كم لكل 20 لتر طرق سريعة بدون التكييف
اقل حاجة عملتها 150 كم لكل 20 لتر داخل البلد- سواقة رياضية
السيارة : مازدا 3 2007 اوتوماتيك
المتوسط 160 كم لكل 20 لتر داخل البلد بدون التكييف سواقة معتدلة كتييييييير على شوية رياضية
بجد استهلاك البنزين مش عجبنى خالص :(((
العربة مازدا 323 1980
ما فيش تكيف
متوسط داخل البلد 10-11 كم\لتر
200 كم للصفيحة.
I thought new mazda were better. Quite astonishing eh
يا باشا دى 1300 و دى 1600 و ده فرق كبير بالنسبة للمازدا ال 323
و كمان هى بتعتمد على حاجات كتير اوى اوى زى :
--------------------------------------
1- سعة الموتور و قوته
2-تقل دوسة البنزين و التدريج فى زيادة السرعة
3-التدريج فى الفرامل او بمعنى اصح الفرملة على مسافات اطول
4-الزحمة فى الطرق
5-المطبات
6-السرعات القصوى و الصغرى
7-الوقوف لفترات طويلة اثناء تشغيل المحرك او فى اشارات لزمن كبير زى عندنا فى مصر الحمد لله
8-الحفاظ على الموتور و عمل جميع الصيانات الدورية اللازمة و تصليح اى عطل مهما كان تاثيره يبان انو ضعيف
(حالة الموتور يعنى)
9-ظبط ضغط الهواء او النيتروجين فى جميع الاطارات الاربعة
10-كفاءة و نضافة البنزين المستخدم فى الموتور
11-كفاءة و نضافة الزيت المستخدم فى الموتور
12-وزن الحمل فى العربية من افراد او امتعة فى الشنطة
13-استخدام التكييف و درجة الحرارة الخارجية فى الوقت ده
14-عدد الناس المختلفين اللى بيسوقو العربية
15-طريقة السواقة عموما هادية و لا , انا بسميها السواقة الشيك
يا باشا انا من الشغل للبيت و من البيت للشغل :b4_048:
بعمل فى اليوم 20 كيلو، و 100 كيلو فى الاسبوع
رايح جاى مش اكتر من 1 ساعة و ربع، و طبعا مفيش مكان الواحد يجرى و يقرص فيه و دوستى على البنزين خفيفة جدااااا
و بعمل الصيانات الدورية بتعتها على طول، و نوع البنزين المستخدم اكيد 92 و كل ده من غير ما اشغل التكييف
بس حاسيس انها بتسحب بنزين جامد
انا فعلا شاكك فى البوجيهات لان هما فى "امير و جوزيف" غياروها لما كانت بتعمل صيانة 45،000 و مش عارف ايه نوع البوجيهات الى راكبوها
و كمان الى اعرفوا انهم غيرو فلتر البنزين و ركبو واحد مش اوريجينال
انا ناقص 2000 كيلو على صيانة ال 55،000 و بفكر انى اعملها فى سمارت و افضل معاهم على طول
سؤال كده يا ابراهيم باشا، هو ايه نوع الزيت الى انت بتغيرو؟
انا بفكر احط موبيل 1 ال Sync ، بس لاقيت ناس كتير بتشكر فى الشل الاترا، انت ايه رأيك؟ و بكلفك كام الزيت و الفلتر؟
جزاك الله خيرا
فعلا اكشف كمان على فلتر البنزين وحاول تركب كل حاجة مازدا يابانى
كمان تاكد انك متسيبشى تانك البنزين اقل من الربع عشان تحافظ على الفلتر اكتر
محمد باشا : انا بستخدم زيت شل الاترا سواء من سمارت او محطة شل تمنه ٢٣٠ جنيه
فلتر الزيت االيابانى مازدا ب ٧٥ من سمارت
وانا رايئ ورائ ناس كتير منهم سمارت ان الشل الترا احسن من موبيل ١ وده لان الزيوت بتختلف من مكان لاخر على حسب ظروف الجو من حرارة ورطوبة ,, وشل ااترا مناسب لظروف جو مصر اكتر من موبيل ١
بس تقصد ايه ب Sync ده ؟ ده جديد ولا ده موبيل ١ عادى