الحمد لله.. برسوناوي اخيرا... وأول انطباع
السلام عليكم
أولاً جزاكم الله خيرا جميعا لكل اللي في المنتدى لأن اي حد كان مشارك من شهر يوليو انا كنت متابع جيد ليه ولكل اللي بيكتبه وللآراء وحتى المشاكل .. وده كان ليه دور كبير في اختيار لبروتون.
ثانيا: شكرا كبييييييييييييييييييييير لأيمن الجامد وتخفيضه والازعاج اللي عملته ليه. وكمان لمحسن في التوكيل لحد ما ربنا كرمني.
اه انا نسيت اقول :shyy: اني استلمت امبارح الحمد لله برسونا 2010 جراي اتوماتيك. وبصراحة مش قادر اقولكم مبسوط قد ايه بالعربية وحاسس انها فخمة جدا.
بالنسبة لأول انطباع هي جميلة وسحبها كويس وهادية على الطريق وخصوصا اني اخدتها من الصحراوي على اكتوبر .. والحمد لله كانت تمام.
طب الحلو ما يكملش من حاجة صغيرة وهي اني بعد ما ركنتها شميت ريحة شياط من الموتور.. وكان معايا اخويا وقال لي دي غالبا عشان اول استخدام وبسبب الشحم اللي بيكون على الموتور ومفروض انها تروح بالاستخدام.
المهم مش هاطول عليكم قول طول :M_yes[1]: انا ان شاء الله معاكم في اول خروج للبروتوناوية.
وشكرا ليكم كلكم .
أحمد سليم