ألو ألو ألو تيستينج وان تو سامعنى يا اسلام :) الحمد لله رجعت بالسلامه و بطنى أه مش قادر أنا كنت طماع جدا النهارده ماقدرتش أمسك نفسى كلت أكل أسبوع قدام :) الطمع وحش.
أنا يمكن ما أكلتش كتير برده: أرز بالخلطه باذنجان باللحمه المفرومه ورق عنب سامبوسك باللحمه المفرومه لحمه بارده فراخ مشوية محاشى و مكرونه فرن بس.
الحلو بقى يا اسلام :) كريم كراميل بلح الشام و تورتة فواكه و الحمد لله على كده , مش عارف ليه عندى كارشة نفس أنا مش عايز أشوف أكل قدامى النهارده تانى بس بكره الصبح ممكن :)
حمد الله على سلامتكم جميعا و تحيه خاصة و حارة الى أحبابنا فى الأسكندرية , الحمد لله كان يوم جميل جدا و الجو الحمد لله كان رائع و القاعده حلوه و الصحبة أحلى و مبسوط أنى شوفت أعضاء أول مرة أشوفهم , فرصة سعيدة يا جماعة. المره الجايه نتجمع بدرى عن كده ان شاء الله و أسف جدا أنى أضطريت أمشى بدرى بس غصب عنى , و أنا مروح بصيت عليكم ملقيتش أى عربية راكنه كانت الساعة 7:30 .
بخصوص موضوع الصور يا محمد كان كريم طلب أن صور الاجتماعات و المقابلات الشهرية تنزل كلها على ال Face Book و مش فى أى مكان تانى , أعذرنى يا حبيبى بس الصور اللى معايا هنزلهم هناك و ممكن أحط اللينك بتاعهم فى الموضوع بتاع كريم , أتباعا للتعليمات و حفاظا على النظام , ممكن أبعتهملك على الخاص لو حبيت.
السلام عليكم و رحمة الله و بركاته