(مغسلة سيارات)
ياريت كل واحد عندة خبرة فى المشروع دة من حيث التجهيزات ولادوات والخامات وتكلفة المشروع ودراسة جدوى لة .......يشارك معنا فى الموضوع لتعم الفائدة على جميع الاعضاء
عرض للطباعة
(مغسلة سيارات)
ياريت كل واحد عندة خبرة فى المشروع دة من حيث التجهيزات ولادوات والخامات وتكلفة المشروع ودراسة جدوى لة .......يشارك معنا فى الموضوع لتعم الفائدة على جميع الاعضاء
نفس المشروع كنت بفكر فيه من مده قليله ياريت حد يفيدنا فعلا !!
نفس الفكره وعندي المكان الملائم لان جراج مجمع الابراج الي انا ساكن فيه معروض للايجار
فبصراحه دماغي فيه وعايز معلومات
A.Yakout
ياريت حد يفيدنا؟؟؟؟؟؟؟
انا ماعملتش المشروع بس ابن خالى عاملة فى البلد (سوهاج) وهوة مشروع ناجح ما شاء الله وهاقولكم على شوية حاجات :
1- المكان وهانحدد هاياخد كام سيارة وعلى اساسة هانجيب عمال يعنى لو المكان ياخد 10 سيارات فى وقت واحد هانخلى جزء لسيارتين للغسيل الداخلى وتغيير الزيت وال8 الباقيين للغسيل العادى وعدد العمال هوة 5 لاننا هانعمل فى حسابنا ان لكل عامل عربيتين
ونتفق معاهم على مرتب قليل زى 500 مثلا والباقى هايكون تبس ولو عاوز تمنع التبس هاتزود المرتب ل 750: 950 مثلا
2- ادوات الغسيل اهمها اسطوانة الفوم وبناء على كلام ابن خالى مالهاش اى لازمة وتعب وتكاليف وازعاج على الفاضى والادوات الى هوة شغال بيها للعربية الواحدة فى حدود 80 ج 3 فوط وفرشة تراب وبخاخ _(سبراير زى بتاع المكواة بس اكبر طبعا) و مساحة زجاج و2 جردل (واحد ماء نظيف والتانى ماء بصابون) وفرشة خشنة للجنوط
والادوات دى فترة عملها بتكون سنة وبعدين بيتغيروا ماعدا الفوط بتتغير كل 4 شهور او اكتر على حسب نوعها وطريقة استخدامها تقريبا
3- مواد التنظيف بتفرق على حسب نوع المادة ومكان صناعتها سواء كان مواد تلميع او تنظيف او ازالة خدوش والاسعار كتيير
4- عدد 3 مكنسة كهربائية للتنظيف الداخلى (وبرضة قالى ان البلاور اشتراة على الفاضى )
5- مواد الغسيل والتشحيم وبرضة الاسعار على حسب الخامات
6- اة صحيح هاتجيب واحد يوقف علشان الكاشير بس لو انت وقفت او حد تعرفة احسن
والمكان بتاعة وهوة قطعة ارض فضاء حوالى 500 متر فلفها بسور ارتفاعة حوالى 2 متر تقريبا وعمل مظلة الى لونها اخضر وبتكون بلاستيك دى غطت على المساحة كلها والارضية عملها بلاط مزايكو لانة سهل التنظيف ورخيص وشكلة راقى وعمل شوية مجارى لتصفية المياة وعمل فيها 3 غرف وحمام غرفة للكاشير وواحدة للكافية وواحدة للمخزن
والنظام الى هوة ماشى بية ان العربيات بتدخل وكل صاحب عربية بياخد رقم والموضوع بيمشى بالدور وكل واحد ودورة وبيدفع الفلوس فى الاخر لما ييجى يسلم الرقم
وممكن تزود النشاط شوية وتعمل بوفية صغير او مكان لبيع الاكسسوارات الخفيفة زى الدواسات والمعطرات وكدة
ولو عندكو اى استفسار قولو وانا هاسألة
ده انت قديم بقا يا اوكتو
تخيلوا
.
انا كمان جه في بالي المشروع ده
الشباب كلها هنا شكلهم ان كلهم فكروو في مشروع المغسله
هوا بصراحه
مشروع خفيف ولطيف ..ومربح
ومافيهوش وش ووجع دماغ .وممكن تلعب في الفواتير هههههههههههههههه
شكرا ليك بس افتكر ان اهم التكاليف هيا ال 3 غرف والحمام والمكان طبعا والحاجات الباقية هاتبقى خفيفة بس انت قولنا عاوز تجيب اية او الى فى دماغك واحنا هانساعدك فى الاسعاراقتباس:
الف شكر على رد حضرتك وياريت لو حد عندة معرفة عن تكلفة المعدات وتجهيزات المكان لو فى جراج كبير
A7MED_PHARMA
خالوووووووووو حبيب قلبى انت عامل اية ؟؟
وانا كمان الموضوع كان طاقق فى دماغى ولسة معشش
هههههههه
هو انتو كمان بتفكرو فى المشروووع ده
شكرا يا اوكتو على المعلومات
بس الاجهزه الى زى بخاخ المياه والمكنسه بيتباع فين وبكااام
[QUOTE=eng.octooo;3872249728]هاتبقى خفيفة بس انت قولنا عاوز تجيب اية او الى فى دماغك واحنا هانساعدك فى الاسعار
زى المسدس والطرمبة والكنسة والسيراميك وكل حاجة من الابرة للصاروخ والربح المتوقع
انا عندي استفسار في نفس الموضوع وياريت حد يفديني انا عاوز اعمل بنزينه ايه الحجات والموافقات المطلويه والتكلفه ايه وايه النظام ممكن حد يفيدني
لو حضرتك قصدك بالمسدس والطرمبة الى هما اسطوانة الفوم وموتور الهواء والخراطيم فقريبى كان جايبهم كاملين صناعة المانى ب 3000 ج وشوية والمكنسة الكهربائية الاسعار كتيييييييير من 200ج :1000 ممكن تشوف اسعارهم فى التوحيد والنور ارخص مكاناقتباس:
زى المسدس والطرمبة والكنسة والسيراميك وكل حاجة من الابرة للصاروخ والربح المتوقع
والسيراميك برضة الاسعار هاتختلف والاحسن انك تعمل الارضية بلاط مزايكو والحوائط سيراميك والاسعار كتييير جداااا انزل اى معرض وشوف
وبخصوص الربح المتوقع دة على حسب المكان والزباين بس المشروع ناجح بشكل عام
واى استفسار انا موجود
بسم الله الرحمن الرحيم
احب بعد اذنكم اوضح كام حاجه ممكن تكون غايبه عن حضراتكم وهيا..
1-المشروع ده مش خفيف وسهل زي ما الكل فاكر لا الموضوع تقيل وفيه وجع دماغ كتير...ليه...؟ الجواب العماله
عماله الغسيل متعبين جدا جدا وانت لو مش صحلهم هيكلوك وهيكلو الزبون وممكن تلاقي سمعه مكانك ضاعت من غير ما تحس
طب لو العماله امينه هيبقي شي جميل جدا بس بردو مش هتغلي من وجع الدماغ لان اكيد العامل وهو شغال في مره من المرات هيبوظ حاجه وقابل وانت ونصيبك ممكن تبقي حاجه بسيطه وتتعالج وممكن تكون حاجه مكلفه جدا وسعتها حضرتك اللي هتدفع فلوس وسمعه
ثانيا حضرتك محتاج عماله مدربه لو هتشتغل غسيل كيماوي لو غسيل عادي الموضوع هيكون مقدور عليه
ثالثا عماله امينه ونضيفه وعندهم خبره كويسه في التعامل مع الزباين
رابعا لازم حضرتك تكون اشتغلت بايدك وعارف تفاصيل الشغل عشان العامل لو حس انك مش فاهم هيظبطك وكلامي اكيد واضح
حضراتكم لو لاحظتم كل الملاحظات اللي اتكلمت فيها مركزه علي العمال يعني انا متكلمتش في فلوس ولا تجهيز ولا مكن ولا ترخيص لان بكل بساطه كل ده مقدور عليه
اللي عاوز اوضحه ان المشروع ده مش متوقف علي الفلوس بس
في ناس كتير اتصلت بيا عشان يعرفو تكاليف المشروع وكنت بقولهم يشرفوني في المركز علشان نقدر نتكلم بالورقه والقلم عشان الموضوع ميخلص ابدا علي صفحات المنتدي او من خلال الرسايل او حتي من خلال التليفون
ياجماعه اللي بيفكر في المشروع ده يشرفني وانا مش هاثر معاه في اي حاجه ان شاء الله
وعاوز اقول ان اللي يملك مقومات المشروع ده كويس فهو مشروع جميل جدا وممتع
انا حبيت اتكلم بصراحه بدون اي زواق في الكلام
والله علي ما اقوله شهيد
عموما اللي يحب يشرفني يامرحب بيه
رقم تليفوني
0117999051
0126737488
وشكرا لحضراتكم
اقتباس:
انا عندي استفسار في نفس الموضوع وياريت حد يفديني انا عاوز اعمل بنزينه ايه الحجات والموافقات المطلويه والتكلفه ايه وايه النظام ممكن حد يفيدني
ينهار بنزينه مره واحده انت فاكرها سهله
انا اعرف ان الترخيص بس بيدفعله فلوس عبيطه عشان تاخدو ده غير محتاج ارض فاضيه على اى طريق عمومى وطبع الارض مش حيبقى عليها اى مبانى يعنى مش حتستفيد منها غير فى البنزينه ولوازمها
ده الى اعرفه وطبعا حتاخد توكيل اى شركه تتعامل معاها شيل موبيل مصر امارات كده يعنى
تسلم يا باشا انت جبت المفيد لان انا بعد الدراسه الى انا عملتها رجعت فى كلامى بسبب العمال لانى انا مش حبقى فاضى اقف فيها ده غير العمال دول مبيبقوش اد كده وحيتعبووووووك للصبح وده غير التلفيات الى ممكن يسببوها فى اى عربيه وصاحب العربيه ممكن ميسكتش زى مبشوف ساعات فى البنزينه وانا بغسلاقتباس:
بسم الله الرحمن الرحيم
احب بعد اذنكم اوضح كام حاجه ممكن تكون غايبه عن حضراتكم وهيا..
1-المشروع ده مش خفيف وسهل زي ما الكل فاكر لا الموضوع تقيل وفيه وجع دماغ كتير...ليه...؟ الجواب العماله
عماله الغسيل متعبين جدا جدا وانت لو مش صحلهم هيكلوك وهيكلو الزبون وممكن تلاقي سمعه مكانك ضاعت من غير ما تحس
طب لو العماله امينه هيبقي شي جميل جدا بس بردو مش هتغلي من وجع الدماغ لان اكيد العامل وهو شغال في مره من المرات هيبوظ حاجه وقابل وانت ونصيبك ممكن تبقي حاجه بسيطه وتتعالج وممكن تكون حاجه مكلفه جدا وسعتها حضرتك اللي هتدفع فلوس وسمعه
ثانيا حضرتك محتاج عماله مدربه لو هتشتغل غسيل كيماوي لو غسيل عادي الموضوع هيكون مقدور عليه
ثالثا عماله امينه ونضيفه وعندهم خبره كويسه في التعامل مع الزباين
رابعا لازم حضرتك تكون اشتغلت بايدك وعارف تفاصيل الشغل عشان العامل لو حس انك مش فاهم هيظبطك وكلامي اكيد واضح
حضراتكم لو لاحظتم كل الملاحظات اللي اتكلمت فيها مركزه علي العمال يعني انا متكلمتش في فلوس ولا تجهيز ولا مكن ولا ترخيص لان بكل بساطه كل ده مقدور عليه
اللي عاوز اوضحه ان المشروع ده مش متوقف علي الفلوس بس
في ناس كتير اتصلت بيا عشان يعرفو تكاليف المشروع وكنت بقولهم يشرفوني في المركز علشان نقدر نتكلم بالورقه والقلم عشان الموضوع ميخلص ابدا علي صفحات المنتدي او من خلال الرسايل او حتي من خلال التليفون
ياجماعه اللي بيفكر في المشروع ده يشرفني وانا مش هاثر معاه في اي حاجه ان شاء الله
وعاوز اقول ان اللي يملك مقومات المشروع ده كويس فهو مشروع جميل جدا وممتع
انا حبيت اتكلم بصراحه بدون اي زواق في الكلام
والله علي ما اقوله شهيد
عموما اللي يحب يشرفني يامرحب بيه
رقم تليفوني
0117999051
0126737488
وشكرا لحضراتكم
بس غير كده المشروع جميل وانا شفت اكتر من واحد عامله فى محل على قده بس هو الى مشغله
اشكرك على المعلومات
طيب سؤال رخم من واحد رخم الليلة دى كدة هاتتكلف كلها كام بالمعدات بكل حاجة والعائد الثابت هايكون كام فى المتوسط يعنى :vctry:
بص هو ساعه ما سألت كانت الاجهزه كلها والمعدات من 5 الى 8 او 10 الاف حسب حتجيب كام جهاز وامكانيتهم ايه والمكان عندكاقتباس:
طيب سؤال رخم من واحد رخم الليلة دى كدة هاتتكلف كلها كام بالمعدات بكل حاجة والعائد الثابت هايكون كام فى المتوسط يعنى :vctry:
وبالنسبه للعائد غسيل السياره من 5 الى 15 جنيه لو حضرتك فى مكان متوسط مفهوش حركه اوى حيبقى من 50 الى 150 جنيه يوميا تقريبا لو قولنا 10 سيارات يوميا
بس حتطلع منهم اجور عمال وماء وكهرباء دى مصاريف يوميه
فى مصاريف تانيه زى الضرائب والايجار لو حضرتك فى مكان ايجار
وهما ال 10 سيارات طبعا لو حضرتك فى مكان شغال كويس مش حيقلو عن 20 او 30 سياره ايام الجمعه وخلافه وعلى حسب سمعتك فى المكان
انا اعرف واحد كان اول مفتح تقريبا بيجيله 10 عربيات فى اليوم بعد كده مبقاش بيجيله غير عربيتين تقريبا فى اليوم بسبب العك الى كان بيعمله وبيغسل بالماء فقط واى كلام
وعلى فكره احسن نظام انك تدى العامل مرتب صغير 500 جنيه مثلا والباقى بقشيش عشات تجبرهم يعاملو العميل كويس وميعكوش ولو ان فى منهم معندوش دم بيبقى مبوظلك الحاجه ويطلب القشيش ولو عتييطه قليل يقول مينفعش فعشان كده لازم تكون عنيك علىكل الى واقفين وتشوف بيعملو ايه زبون واحد ممكن يعملك سمعه حلوه وزبون واحد ممكن يعملك سمعه زفت خلى بالك من كل الناس
ربنا معاك وادينا كلنا بنستفيد من اسئله وخبرات بعض
اية هى الاجهزة اللى بتتكلف من 5-10 الاف جنية؟
عندك المسدس والكبيوسر ومكنه الفوم والمكنسه الكبيييييره
وعلى فكره فى مكنه تنظيف بالبخار للفرش والساره بس معرفش نظامها دى ب 8000 جنيه لوحدها
ده غير الفوط والفرش والجاز ومواد التنظيف
انت الى حتحدد انت عاوز ايه فى ناس معندهاش غير المسدس فقط وشغالين وبيكسبو
انت الى حتحدد امكانياتك وامكانيات المكان الى عندك وانزل ودور على الواقع بلاش افكار وورق بس
ارجو من حضرتك تدينى اى معلومات عن مكان شراها انا دايخ عليها ودورت على النت لقيتها ب 2000 دولار وحاولت اجيبها من بره بس ماعرفتش اوصل لشركه بره توردهالى وكان اسمها Optima Steam لو فى فى مصر ارجوك تدلنى عليهااقتباس:
وعلى فكره فى مكنه تنظيف بالبخار للفرش والساره بس معرفش نظامها دى ب 8000 جنيه لوحدها
المكنه دى بتغنى عن اى حاجه تانيه لانها بتغسل العربيه من بره بالبخار السخن مع ضغط الهوا فى ثوانى فتشيل اى بقع او زيوت وليها مكان تعلق فيها ازازة المنظف فيختلط بالبخار الخارج فيديك تركيبه قويه من المنظف والبخار السخن والدفع فتلاقى نتيجه كويسه
ومن مزايا المكنه دى
ازى استخدام اقل للماء والعربيه تكان تكون اتبلت وده بيحافظ عليها من البارومه
غسيل السياره من الداخل بالبخار بينظف الفرش والموكيت وبيقتل نسبة كبيره من الجراثيم الناتجه عن عدم تهوية السياره او تجمعها فى اماكن مابيوصلهاش العامل فى الغسيل العادى
وطبعا مع توفير الوقت والخامات المستخده الاخرى وتجنب اعطال كتير ممكن تسببها الميه خصوصا فى موضوع الحساسات عند غسيل الموتور
ودى ميزات كافيه جدا انك تشتغل بالمكنه دى بس وده يفسر سعرها الغالى
بس مشكلتها فى الصيانه
ارجو من حضرتك تفيدنى فى اماكن بيع هذا الجهاز فى مصر ولك جزيل الشكر
عاوزين راى الاستاذ تامر الغسيل بالبخار افضل ولا الغسيل العادى؟؟
؟؟؟؟؟؟؟؟؟؟؟؟؟؟؟؟؟؟؟؟؟؟
انا والله مشفتهاش بس واحد قالى عليها كان شغال فى الموضوع ده وانا عملت بحث عنها على النت ولاقتها ب 8000 فى موقع من مواقع الالات
بس معرفش اى مكان لبيع هذه الماكينه او انها بتعيش ولالا وعمليه ولالا
يا سلام لو حد جبلنا دراسة جدوى للمشروع دة
تسمحلي اتكلم معاك بصراحه يعني كان اخ بيكلم اخوه
انت مش عاوز تتعب وتلف وتدور وتسئل وده فحد ذاته مشكله كبيره لانك كونك بس تلف وتتعب وتسئل ده هيديك خبره مبدئيه للموضوع وهتعرف تقيمه بشكل افضل
لكن بمنتهي الصراحه باللي انت بتعمله ده لو وقعت في ايد حد معندوش ضمير هيشتغلك ويقلبك علي اعلي مستوي
يارب متتضيقش من كلامي وتفهم انا اقصد ايه
في لينك لقيته
ممكن يفيدكوا في الموضوع ده
و كمان الموقع عليه افكار مشاريع كتير
منتديات نور اسلامنا - مشروع مغسلة سيارات متكاملة بالبخار - أرباحه 10 آلاف شهرياً!!!!راااااائع
ربنا يوفقكم جميعاً
فيديو عن ماكينة الغسيل بالبخار ونوعها اسمه اوبتيما optima
[youtube]http://www.youtube.com/watch?v=xXGwK0Bw7ys[/youtube]
ربنا يوفقك
دراسة جدوى تقديرية لمشروع غسيل وتلميع السيارات بالبخار داخل مصر
عزيزي العميل
هل تحب أن تبدأ حياتك بمشروع صغير ؟ وبدون تكاليف زائدة ؟ وأيضا بفائدة جيدة ؟
إذن إليك دراسة مبسطه لمشروع غسيل وتلميع سيارات بمحل ذو فتحتين ( مساحة تقديرية 60 مترا )
أولا:- لنفرض أن إيجار المحل هو 3000 ألاف جنيهاً شهريا = 36000 جنيهاً سنوياً .
ثانيا:- المشروع يحتاج إلى حوالي أربعة عمال براتب 500 جنيها = 2000 جنيها شهريا.
ثالثا:- كهرباء شهريا 300 جنيهاً في حالة عمل عدد 1 ماكينة بخار لمدة 12ساعة يوميا مستمرة.
رابعا:- مواد تلميع شهريا 600 جنيهاً فقط .
خامسا:- تقوم بجمع المصاريف الشهرية 3000 + 2000 + 300 + 600 = 5900 جنيهاً
مصاريف ثابتة شهريا 5900.00 جنيهاً .
إذن أنت تحتاج يوميا تقريبا مبلغ = 200.00 جنيهاً لتغطية جميع مصاريفك ، أي تحتاج لغسيل حوالي 7 سيارات 30.00 جنيهاً لتغطية مصاريفك اليومية .
النشاط الذي يمكن مزاولته :
1_ غسيل السيارة من الداخل والخارج 30.00 جنيهاً .
2_ غسيل الموتور 20.00 جنيها .
3_ تعقيم المكيف وأزالت الروائح الكريهة 15.00 جنيهاً .
4_ غسيل وتلميع السيارة من الداخل 50.00 جنيهاً .
5_ تشميع السيارة من الخارج لحماية الطلاء 70.00 جنيهاً .
إذا قمت بغسيل عدد 10 سيارات يوميا = 300.00 جنيهاً
غسيل وتلميع سيارة واحد من الداخل يوميا = 50.00 جنيهاً
تشميع سيارة واحدة من الخارج يوميا = 100.00 جنيهاً
الإجمالي : 450.00 جنيها .
قيمــة المعــدات :
قيمة جهاز غسيل البخار =21500.00 جنيهاً
قيمة عدد 2 مكنسة شفط بثلاث محركات = 3700.00 جنيهاًُ
قيمة جهاز التعقيم = 2150.00 جنيهاً
إجمالي قيمة المعدات بالنشاط = 25500.00 جنيهاً فقط
( 25500.00 معدات + 36000.00 إيجار سنة +10000.00 ديكورات + 34800 مرتبات ومواد تلميع = 106300.00 جنيهاً )
( إجمالي المشتريات والمصروفات = 106300.00 جم – إجمالي قيمة الدخل 164250.00 جم =
صافي ربح 57950.00 جم ) .
ملاحظة : هذه الدراسة تعتبر تقديرية طبقاً لموقع النشاط ويمكن تغييرها طبقا للموقع وساعات العمل وأيام العمل والمواسم وعدد العمالة . دراسة جدوى تقديرية لمشروع غسيل وتلميع السيارات بالبخار داخل مصر
عزيزي العميل
هل تحب أن تبدأ حياتك بمشروع صغير ؟ وبدون تكاليف زائدة ؟ وأيضا بفائدة جيدة ؟
إذن إليك دراسة مبسطه لمشروع غسيل وتلميع سيارات بمحل ذو فتحتين ( مساحة تقديرية 60 مترا )
أولا:- لنفرض أن إيجار المحل هو 3000 ألاف جنيهاً شهريا = 36000 جنيهاً سنوياً .
ثانيا:- المشروع يحتاج إلى حوالي أربعة عمال براتب 500 جنيها = 2000 جنيها شهريا.
ثالثا:- كهرباء شهريا 300 جنيهاً في حالة عمل عدد 1 ماكينة بخار لمدة 12ساعة يوميا مستمرة.
رابعا:- مواد تلميع شهريا 600 جنيهاً فقط .
خامسا:- تقوم بجمع المصاريف الشهرية 3000 + 2000 + 300 + 600 = 5900 جنيهاً
مصاريف ثابتة شهريا 5900.00 جنيهاً .
إذن أنت تحتاج يوميا تقريبا مبلغ = 200.00 جنيهاً لتغطية جميع مصاريفك ، أي تحتاج لغسيل حوالي 7 سيارات 30.00 جنيهاً لتغطية مصاريفك اليومية .
النشاط الذي يمكن مزاولته :
1_ غسيل السيارة من الداخل والخارج 30.00 جنيهاً .
2_ غسيل الموتور 20.00 جنيها .
3_ تعقيم المكيف وأزالت الروائح الكريهة 15.00 جنيهاً .
4_ غسيل وتلميع السيارة من الداخل 50.00 جنيهاً .
5_ تشميع السيارة من الخارج لحماية الطلاء 70.00 جنيهاً .
إذا قمت بغسيل عدد 10 سيارات يوميا = 300.00 جنيهاً
غسيل وتلميع سيارة واحد من الداخل يوميا = 50.00 جنيهاً
تشميع سيارة واحدة من الخارج يوميا = 100.00 جنيهاً
الإجمالي : 450.00 جنيها .
قيمــة المعــدات :
قيمة جهاز غسيل البخار =21500.00 جنيهاً
قيمة عدد 2 مكنسة شفط بثلاث محركات = 3700.00 جنيهاًُ
قيمة جهاز التعقيم = 2150.00 جنيهاً
إجمالي قيمة المعدات بالنشاط = 25500.00 جنيهاً فقط
( 25500.00 معدات + 36000.00 إيجار سنة +10000.00 ديكورات + 34800 مرتبات ومواد تلميع = 106300.00 جنيهاً )
( إجمالي المشتريات والمصروفات = 106300.00 جم – إجمالي قيمة الدخل 164250.00 جم =
صافي ربح 57950.00 جم ) .
ملاحظة : هذه الدراسة تعتبر تقديرية طبقاً لموقع النشاط ويمكن تغييرها طبقا للموقع وساعات العمل وأيام العمل والمواسم وعدد العمالة .
معدات العمل متوفرة لدينا ولن تجد مثلها فى الجودة والسعر
0201271610621
0201110097965
منقول للافادة
كبسوله فوم مصرى 950 ج
مكنه ضغط مياه 4500 جنيه
مكنسه 1700 تقريبا
كمبروسر هواء 200 لتر
انا عندي معدات المشروع كامله استخدام سنه ونضيفة
كنت عاوز اعرف سعر المغسلة بالفرش والمميزات والعيوب لانى هاكلف واريد النصيحة واين اجد هذه المغسلة شكر لك
ممكن تشوف الموضوع ده بيشرح المشروع بالتفاصيل مشروع صغير تجارة السيارات في السعودية - مشاريع صغيرة فى الخليج