شبورة جامده خلو بالكم يا شباب
واللي مسافر باليل او الصبح بدري يأجل سفره يسافر بالنهار
امبارح سافرت حوالي الساعه 8 ونص طنطا الطريق وانا رايح كان كويس مافيهوش مشكله غير شويه زحمة على اول الزراعي
وانا راجع اتحركت من هناك حوالي الساعه 11 ونص
شوفت الويل والله قبل بنها كده مسافه لا تقل عن 5 او 6 كيلو وزيها كمان مره بس في مكان تاني مش فاكر فين على الطريق الشبوره كانت بشعه فعلا ما كنتش شايف قدامي 2 متر مورت النور الوطي وانتظار وفوج لايت خلفي عقبال ما اجيب الأمامي ان شاء الله
العربيات كلها ماشيه باحترام شديد نقل ميكروباص نص نقل السرعه لا تزيد عن 40
ربنا سترها ووصلت الحمد لله
نصيحه لأي حد مسافر على الزراعي او اي طريق سفر ممكن يكون عليه شبوره يأجل سفره ويسافر بالنهار
ولو مضطر يسافر نورك شغال اطمن عليه شغل انتظار شغل الفوج لايت اساسي حاول تمسك شمالك او الحاره الوسطى اوعى تمسك اليمين ممكن عربيه تكون واقفه التركيز الجامد جدا في الطريق ذكر الله انا كان دليلي هو الخط الأبيض اللي في الأرض
ربنا يستر طريقنا جميعا