الموضوع: حصلت لك حدثة قبل كده ؟؟!!!!

هو انا بسوق بقالي سنة تقريبا بإنتظام

الحادثة الجوهرية كانت من خمس شهور مثلا

كنت في شارع السودان ناحية الجامعة القاهرة و كنت وقتها من الناس المؤدبة اللي مش بتولع النور العالي طالما الطريق باين يعني

فجأة أكتشف ان قدامي عربية تاكسي شاهين مش باين منة أي حاجة و مرة واحدة اضطريت افرمل لأني فعلا كنت علي سرعة 90 مثلا ولا حاجة

المهم وقفت تقريبا قبلة بتلاتة اربعة متر و بمجرد ما وقفت قام لبس فيا من ورا لانسر 2003 طااااااااااخ لولا الحزام كان زماني خبطت في القزاز و اخدت الدركسوين في صدري لأن العربية زحفت بتاع 3 متر قدام

الغريب اني نزلت ابص ملاقتش حتي فانوس اتشرخ ولا اكصدام اتفك

لكن بعدها بربع ساعة اكتشفت الشنطة مش بتقفل او تفتح بسهولة و الباب الشمال اللي ورا مش بيفتح اصلا لأن الخبطة سمعت في الباب ( طبعا لو العربية كانت هيونداي مثلا و لا بتاع كان زمانها شيست)

بعدها بشهرين عملتها بزرجينة مكلفتنيش 100 جنية يعني بس فعلا كان رعب و كمان و انت جوة العربية بتسمع اصوات مرعبة و كأن العربية إتدغدغت

المشاركة الأصلية كتبت بواسطة gomangy

انا في 2006 كنت مندوب مبيعات في لافاش كيري وكنت سايق سياره شيفورليه ربع صندوق وكنت مودي طلبيه اسوان من سوهاج حوالي 500 كم والمهم وعند قنا بحوالي 20 كيلو قبلها لقيت حاجه ضربت والعربيه لقيتها بتحدف لمين وشمال علي الطريق
وهب راحت قلبه 3 قلبات والحمد لله رسيت علي ضفاف الترعه وربنا سلم
وطلعت سليم شويه تعاوير خفيفه كده والحمد لله كنت رابط الحزام وكل ده من الفرده لما انفجرت
والحمد لله ربنا ستر وسيبت الشركه بعدها بشهرين وربنا رزقني بشغل احسن من كده بكتير والحمدلله

الله يخرب بيت الدبابة

دية بتتقلب اسهل من الصراصير

لو قولتلك لسة شايف واحدة من اسبوع مقلوبة في وسط البلد و اللي قلبها تاكسي شاهين ! و الشاهين قلبها و جري و الله !!!!!!!

انا في سنه 98 كان والدي لسه جايب شاهين زيرو ولسه ماركبتش نمر المهم انا نزلت اخدت العربيه من وراه وماكنتش لسه طلعت رخصه وطلعت بالعربيه علي الدائري كان معايا واحد صاحبي في نفس سني وكان هدفنا الوحيد اننا نقفل امبير بيها وعلي فكره وقتها كان الدائري لسه كله مش شغال يعني في تحويلات زي الصحراوي كده المهم فضلت ماشي واسرع لحد ما جبت 160 دي اخر سرعه شوفتها وبعدين لاقيت لودر بيعدي الطريق بالعرض اقسم بالله ماشي علي الدائري بالعرض المهم حاولت افاديه لاقيت صاحبي شد الهاند علشان العربيه كانت بتعوم ولاقيت العربيه يمين وشمال وعدين ربنا الهمني نزلت الهاند ومادوستش فرامل بس العربيه كانت طلعت الرصيف اللي في النص ورجعت تاني وعديت الناحيه التانيه المهم استقريت فوق الجزيره والخسائر العفشه كلها اتدمرت والله كنا بندق علي الصليبه علشان تدخل للمسامير لان الجنط كان اتدمر وبالنسبه لي حرمان من قياده السياره لمده تيجي 5 سنوات بس كنت بسوق عربيات غير بتاعه والدي

خاالي بالك من ولادك وماتديش لحد فيهم يسوق وهو صغير ودي نصيحه عن تجربه