حصلت لك حدثة قبل كده ؟؟!!!!

**د.محمود صلاح** · 05-01-2010 03:28 PM

المشاركة الأصلية كتبت بواسطة abogogo

تقريبا العمبوكة ده العمبر في المستشفى

الحجز , بيت ليلة انا والطرف الآخر للعرض على النيابة ووكلت محامى وطلعت براءة برغم من انى اللى خبطت من الخلف ودايما اللى فى الخلف مخطئ , والسبب ان العربية ربع نقل اللى أمامى كان محمل خشب أثاث ومركب ناس واقفة على الإكصدام , واحد منهم رجله اتكسرت

**romeo_6887** · 29-01-2010 01:21 AM

هحكي علي ايه و لا ايه

ماشي في شارع محمد علي و ........ سايقه هوندا (( هو انا بكره العربيه دي من قليل )) و انا وراها بالفيرنا (( الله يرحم ايامها كانت ايام عسل و الناس تعد تشاور ما هو كان تاكسي لونه نبيتي و لا تعليق )) و داخلين علي اشاره و اللمبه الصفرا بتبربش و الحمرا خلاص هتنور فالمفروض كانت تقايس و تعديلا الاحترام اشتغل
و قامت ضاربه فرامل و هايه كانت طايره و انا طاير وراها و طاخ لبست فيها من ورا يعني كده روحت في ابو نكله و المشكله انها وقفت في عرض الشارع و العربيات اللي المفروض تعدي مش عارفه تعدي و قمت نزلت و هي نزلت و الحمد لله النمر بتاعتها اتطبقت و اكصدامي اتجرح يعني بسيطه الحمد لله

ماشي علي الطرح بتفسح بمشمشه (( ربنا يهديها )) و طبعا اللي بيعدي ال 40 بيبقي بيجري المهم ماشي في امان الله و قدامي ........ سايقه افيو سوده و انا قاعد اديها كلاكسات عشان تيجي يمين و تعديني و لا هي هنا بتتكلم في الموبايل قمت مديي اشاره يمين و بعدي اتلاقيتها كسرت يمين قام الرفرف الوراني بتاعها حك في الاكصدام و عمل شرخ في الفانوس قمت واقف و نازلها و هي بتبص بمنتهي القرف و البرود اتلاقيتها بتركب و تمشي فقلت عوضي علي الله و عمار يا اوكرانيا

ماشي في نفس الشارع في يوم تاني و الجو حلو الساعه 9 الصبح (( محدش يسأل ليه ماشي الساعه دي بدل ما اكون في الشغل او نايم )) و طبعا طاير و واحد سايق هوندا ماشي في النص قمت رازعه كلاكس عشان يجي يمين قام جيه شمال قدامي قمت ضارب فرامل و الحمد لله محصلش احتكاك عشان ده كان شكله ظابط

ماشي في شارع محمد علي و ........ سايقه لانوس جايه من ورايا و عايزه تعدي عافيه مع اني في الحاره اليمين (( ما الشارع فاضي )) المهم كنت ماشي بطئ و مشغل الكاسيت و هي جايه طايره (( هو في حد بيجري في الحاره اليمين دي ولا ايه ؟ )) قامت فاتحه الزينون قمت رامي العربيه شمال (( و الله تلقائيه كده )) و كنت هخيش في مرسيدس s500 باين يعني كنت هبيع بيتنا عشان اصلحله العربيه بس الحمد لله هو كان رد فعله سريع و رمي نفسه معايا شمال بس بصلي بصه وحشه فاكرني برازي فيه

كفايه عليكوا كده

**rockana9112007** · 29-01-2010 01:46 AM

المشاركة الأصلية كتبت بواسطة romeo_6887

هحكي علي ايه و لا ايه

ماشي في شارع محمد علي و ........ سايقه هوندا (( هو انا بكره العربيه دي من قليل )) و انا وراها بالفيرنا (( الله يرحم ايامها كانت ايام عسل و الناس تعد تشاور ما هو كان تاكسي لونه نبيتي و لا تعليق )) و داخلين علي اشاره و اللمبه الصفرا بتبربش و الحمرا خلاص هتنور فالمفروض كانت تقايس و تعديلا الاحترام اشتغل
و قامت ضاربه فرامل و هايه كانت طايره و انا طاير وراها و طاخ لبست فيها من ورا يعني كده روحت في ابو نكله و المشكله انها وقفت في عرض الشارع و العربيات اللي المفروض تعدي مش عارفه تعدي و قمت نزلت و هي نزلت و الحمد لله النمر بتاعتها اتطبقت و اكصدامي اتجرح يعني بسيطه الحمد لله

ماشي علي الطرح بتفسح بمشمشه (( ربنا يهديها )) و طبعا اللي بيعدي ال 40 بيبقي بيجري المهم ماشي في امان الله و قدامي ........ سايقه افيو سوده و انا قاعد اديها كلاكسات عشان تيجي يمين و تعديني و لا هي هنا بتتكلم في الموبايل قمت مديي اشاره يمين و بعدي اتلاقيتها كسرت يمين قام الرفرف الوراني بتاعها حك في الاكصدام و عمل شرخ في الفانوس قمت واقف و نازلها و هي بتبص بمنتهي القرف و البرود اتلاقيتها بتركب و تمشي فقلت عوضي علي الله و عمار يا اوكرانيا

ماشي في نفس الشارع في يوم تاني و الجو حلو الساعه 9 الصبح (( محدش يسأل ليه ماشي الساعه دي بدل ما اكون في الشغل او نايم )) و طبعا طاير و واحد سايق هوندا ماشي في النص قمت رازعه كلاكس عشان يجي يمين قام جيه شمال قدامي قمت ضارب فرامل و الحمد لله محصلش احتكاك عشان ده كان شكله ظابط

ماشي في شارع محمد علي و ........ سايقه لانوس جايه من ورايا و عايزه تعدي عافيه مع اني في الحاره اليمين (( ما الشارع فاضي )) المهم كنت ماشي بطئ و مشغل الكاسيت و هي جايه طايره (( هو في حد بيجري في الحاره اليمين دي ولا ايه ؟ )) قامت فاتحه الزينون قمت رامي العربيه شمال (( و الله تلقائيه كده )) و كنت هخيش في مرسيدس s500 باين يعني كنت هبيع بيتنا عشان اصلحله العربيه بس الحمد لله هو كان رد فعله سريع و رمي نفسه معايا شمال بس بصلي بصه وحشه فاكرني برازي فيه

كفايه عليكوا كده

دة على كدة الستات مستقصدينك عندكم فى بور سعيد

**rockana9112007** · 29-01-2010 02:20 AM

بس بصراحة حوادث تشيب دة انا على كدة معاكم ولا حاجة
انا الحادثة بتاعتى كنت ماشى فى كريق سريع حارتين وتقريبااا ماشى على 80 كيلو ولقيت على اليمين تريللة مقطورة راكنة فى الحارة اليمين وشاغلة الحارة طبعااا بديهى خدت الحارة الشمال اللى فاضلة وماشى بسرعتى وانا لسة بعدى من المقطورة لقيت الباشا طالع ببوز المقطورة وعاوز يلف بدون مايدى اشارة او اى حاجة .... انا قمت دايس فرامل على الاخر وحدفت على الشمال ناحية الرصيف الخرسانة وقلت خلاص وش العربية ضاع المهم ربنا ستر والخبطة كلهااا جت فى الجنط الحديد اللى قدام شمال والعجلة رجعت لورا ولزقت فى الصاج ....
ناس كتير اتلمت على صوت الفرملة ولما نزلت من العربية اشوف العربية لقيت الباشا بتاع المقطورة لف وجرى
من يوميهاااا اجى جنب اى مقطورة او تريلااا اهدى على الاخر

**romeo_6887** · 29-01-2010 02:22 AM

المشاركة الأصلية كتبت بواسطة rockana9112007

دة على كدة الستات مستقصدينك عندكم فى بور سعيد :c_laugh[1]::c_laugh[1]::c_laugh[1]:

اه و الله
كل واحده سايقه لازم تعملها مصيبه معايا
او علي الاقل تشد معايا
انا مش عارف ايه الحكايه دي

**Eslam_moustafa** · 29-01-2010 04:38 AM

انا حصلي حادثة غريبة كنت رايح الكلية و كان عندي امتحان فاينال 11:30 و انا ماشي في شارع 45 و كانت 11:10 (مستعجل بقى) فا الشارع 4 حارات..حارة على اليمين ناس واقفة فيها قفلينها و الحارة اللي بعديها فيها صندوق أونيكس كبير زي الفل كدة و التالتة واقف فيها مشروع بيحمل و الرابعة اللي ماشية المفروض (تخيلوا المنظر) و انا بجري على 70 ولا حاجة و فجأة لقيت تاكسي حموت واعرف طلع منين قفلي الحارة اللي ماشية فلمحت الحارة اليمين فاضية فكسرت يمين جامد عشان اعدي منها لقيت راجل عجوز بيعدي مش باصص فا قلت أرشق فالأونيكس و تبقى اقل خساير عشان العربية مكاتش عايزة تقف و كان لازم البس في حاجة المهم لاقيت الصندوق طار بتاع مترين كدة و اخد واحد كان بيركب المشروع اياه سوبلكس..الخلاصة:الكابوت بقى ملاهي و فانوس اتكسر و اكصدام اتخربش و الراجل دخلته اقرب مستشفى و عملوله اشعة بس الحمد لله طلع كله كدمات و خدوش و خرج علطول و دخلت الامتحان متأخر تلت ساعة بعد ما قريب الراجل سابنا بالعافية و دي كانت الحادثة الوحيدة اللي عملتها و الحمد لله على كل شيء...
شكرا و اسف على الاطالة

**ahmedsamir79** · 29-01-2010 07:56 AM

العربيه الريتمو بتاعتي سابقا...كنت ماشي علي الدولي الساحلي وفجأة الجنط الشمال قدام طار!!!!!!!!!!

كنت ماشي علي 110 ...الحمد لله الواحد فضل عايش

**shaddadfalcon1** · 29-01-2010 10:42 AM

انا مره وانا طالع من ميدان فيكتور عمانويل في اسكندريه وكان زحمه قوي ويادوب طلعت منه ناحيه المديريه وكان قدامي اوبتر ونا باللانوس ووقف مره واحده فلبست فيه بس الحمد لله مكنش فيه خساير تاني مره كان فيه شبوه جامدة قوي وكان طريق اتجاهين وقدامي نص نقل واقف فوق مطب وطبعا لا اشاره ولاأنتظار ولا اي حاجه ده غير اني نسيت ان كان في مطب اصلا المهم لبست فيه من وره لاني مكنش قدامي حاجه تانيه ويوميها حسيت قد ايه فرامل اللأنوس وحشه لاني مجرد اني دست فرامل العربيه ذحفت جامد لحد مالبست الخساير كان الأكصدام اتشرخ والرفرف اتعوج والكبوت اخر حاجه كنت ماشي في نفس الطريق وكان ورايه اوبترا (مش عارف حكاية اوبترا معايا ايه) و لمسافة 3 كيلو بعديها انا شديت لحد ماجيت عند مطب ويادوب لسه بعدي من عليه واسمع صوت فرامل جامده قوي ببص في المرايه لقيت صاحبنا ده جاي طاير قمت واقف علي البنزين طلعت منه بس جابني برده مع اني نزلت من علي الطريق وهو كان قدامه يهرب من جنبي بس جات كده كبعا فضل يتاسف ويقولي معايا عيل تعبان رايح اكشف عليه فسبته مع اني كان معايا واحد صاحبي وفي ناس تانيه يعرفوني وقفو كانو عايزين يهرسوه

**ahmed el-sawy** · 29-01-2010 11:30 AM

بمناسبة عمود النور انا حادثتيه باه على طريق المحله المنصوره عند بلد اسمها ميت عساس العجله الشمال الى تحتى فرقعهة وكنت على 160 كورولا 2006 العربيه لفت ودخلت بالباب اليمين الخلفى فى عامود طبعا العامود وجب عليها والتنى ولف العربيه ودخلت وش فى وش الاتجاه المقابل بس الحمد الله الايرباج طلع ليها لزمه والعربيه طبعا جابت نص خلفى بس الاهم ان كلمت صديق طبعا نيابه يجيلى بسرعه اقبل الشرطه علشان طلع ان المحضر لو مش اتكوس هيبعدوه لجنة من وزارة الكهرباء تعاين العامود ولجنة من هيئة الطرق تعاين الرصيف وطبعا هيروقه عليك فلوس اما صحبى وصل اتغيرت الدنيا وبدل ما اتبهدل خدونى القسم يقفلولى المحضر وجابولى شاىء ههههههههه مصر ام الدنيا