الموضوع: حصلت لك حدثة قبل كده ؟؟!!!!

عملت حادث ونا داخل ارخص العربيه في المرور
العسكري الغبي ونا داخل كان فاتح نص الباب الحديد كان يادوب يدخل العربيه مش اكتر ومش هاين عليه يفتح الباب التاني
المهم معلقتش وطبعا مش هنزل افتح الباب التاني
المهم دخلت بالعربيه من الباب الحديد بتاع المرور الخارجي واثناء منا داخل جه العسكري المتخلف داخل بين الباب ولعربيه معرفش عمل كدة ازي وليه عمل كدة المهم اتزنق زنقه سودة بين العربيه والباب الحديد المهم خرج بدون اصابات
لكن السيارة المصونه اتبق الباب بتعها من جسم العسكري
المهم حمدة ربنا انه محصلوش حاجة وكويس انها جت في العربيه
المهم مش عارف هو عمل كدة ازاي المهم النصيب
--------------------
ونا علي الاوتوستوراد طرق المعادي كانت ماشيه سيارة محمله طوب ادامي طبعا انا جي من ورا وهي ادامي وفجئه لقيت الطوب بينزل من العربيه وبيدحرج علي كانه سوريخ موجهه المهم هديت وبعدت بس الطوب طير جزء من الاكصدام

المشاركة الأصلية كتبت بواسطة د.محمود صلاح

بال 132 وانا فى رابعة طب بسبب السرعة وعدم وجود اضاءة قوية للكشافات لبست فى العربية اللى قدامى وبيت ليلة فى العمبوكة

ايه [gdwl]العمبوكة[/gdwl] ديه اوعي يكون الحجز
وعملت ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟
:b4_039::b4_039::b4_039:

لسة من يومين أول 'حادثة' ممكن تقول عليها كده.

شارع اتجاهين, 4 حارات بس هما فعليا 2 عشان انتظار صف أول فـمن الاخر حارة رايحة وحارة جاية.
المهم إنه فاااضي..كنت ماشي صح وقدامي أتوبيس الاخضر ده وهاريني وقوف
اتفصلت منه وقلت حعديه كده فـلا شعوري مرايات, فاضية واحدة واحدة ببص فالحارة اللي جاية, فاضية..قمت داخل.

واسمعلك من بعيد واحد بينده "إنت ياسطي" بصوت طبعا مش واصل أساسا.
فـهديت قوي عشان مش عارف ده مين لاين مفيش حد أدامي ولا وراية.
كلها ثانية مثلا ولقيتلكو الفيسبا دي امت رشقة في الرفرف وعليها 2.

طبعا تقول ل مين ..ولا ظاهر في مراية صالون ولا جنب ولا يحزنون و ولا عنده نور ولا حتى كلاكس.
والالعن إنه داخل جامد مافرملش فاكر إني شفته مثلا وحعديه.

نزلت بطمن عليهم بكل أدب عشان بأمانة تربنت وكنت خايف عليهم..أنا محصليش أي حاجة غير رفرف متني إنما أنا شفت السواق رجله خبطت في العربية جامد فـطبعا قلقت عليه.

لقيته هو واللي راكب وراه عمالين يشتموا ويسيبوا فـا الواحد كان بيحسب الموقف عشان يقول الكلمتين اللي عليه عشان طبعا لو أنا غلطان فـهو غلطان زي, لقيت إنهم شايلين حِتِّة لحمة مابينهم وجمبها سكاكين في كيس, اظاهر جزارين ده غير طبعا فرق الحجم فـخدتها من اصرها وقلت مش حياكل. لقيت الناس اتجمعت وكله بيشتم فالإتنين وملبسنهم الغلط وواحد كده أعد يحسبن ويقولك تيييت تييت الموتسيكلات. قلت في بالي الواحد يسامحهم ولا حيعرف ياخد منهم تمن الرفرف ولا نيلة وكويس إنها جت سليمة. الناس قعدِت تهمسلي اطلع ولا تاخد فبالك قمت طالع عشان بأمانة كنت مش عارف أعمل إيه.

الخلاصة بأمانة أنا زهقت, العربية واخدة خدوش وخبطات ولا كأنها حاربت في الحرب العالمية..تقولي خدتهم امتى اقولك وانا راكن, وانا واقف في إشارة, خبطة زي دي على سرعة 5 كم/ساعة مثلا وده نحمد ربنا عليه طبعا.

طبعا أنا كرهي للموتسكلات زاد عن الأول جدا.

نفسي في يوم يمنعوا المشاه والموتوسيكلات من المشي وتعدية الطريق عشان الواحد تعب منهم خلاص. أو يعملولهم مكان يمشوا فيه.

حصلت لعربية اخويا سنة 98كانت بونتو 98 برده وموتوسيكل سلم علي الجنب الشمال للعربية اتكلفت حوال 2000 جنيه في التوكيل سنتها وربنا يحفظنا جميعا