-
سؤال للأخوة الفيكتراوية
لي صديق عزيز في طريقة لشراء سيارة اوبل فيكترا 2002 اتوماتيك 2000cc
العربية حالتها الخارجية والداخلية ممتازة وليس بها غير عيب واحد انها تحتاج لتغيير طلمبة باور
طبعا هو هاياخد العربية للتوكيل لعمل كشف كامل عليها
بس يا ترى ايه عيوب الموديل ده وهل فيه مشكلة حرارة زي ما بنسمع
وياترى سعر الطلمبة كام وتكلفة الكشف في التوكيل
اسف على الاسئلة الكتير ولكم كل الشكر
-
الف مبروك اولاً مقدماً
تكلفة الكشف 275 جنيه فى مقار
سعر الطرمبة مش رخيص يعنى اسمع اها جديده فوق ال 3000
-
مبرووك مقدما اهم الشباب ح ترد عليك
بس انا شايف سعرها عالي شويه الطلمبه دي دي الاصلي ولا ايه
-
لو العربية دي في العبور ممكن يا ريت نصيحة بس يكشف عليها كويس جدا الراجل ده عامل اعلان من قبل ما اشتري عربيتي من 5 شهور و كل شوية يعمل اعلان تاني و ينزل في السعر انا مش قصدي حاجة ممكن تكون عربيه حلوة بس نصيبها
طرمبة الباور الاستعمال ممكن تعمل 700 جنية بالكتير قوي
-
الف شكر يا شباب على الردود
إحنا شفنا العربية بالامس والعربية نظيفة جدا جدا برة وجوة وكبوت وشنطة
ولكن بالإضافة لمشكلة طلمبة الباور المش محسوسة اوي في الدريكسيون ... الطلعة الاولى للعربية مش المتوقعة من 2000 cc وكمان المفتاح الاساسي ضايع من صاحبها والاحطياطي مش شغال
واعتقد محتاجة تربيط عفشة
فيا ترى سعر المفتاح اصلي بكام في التوكيل او لو في حد مضمون برة
وصلنا لسعر 60 الف وسيتم الكشف في التوكيل عليها ان شاء الله
يا ترى السعر ده كويس ولا ممكن ننزل في السعر كمان
شكرا ليكم جدا
-
ربنا يوفقكو وتاخدها وتنضمو لينا
بس انا شايف السعر عالي ولا ايه يا شباب
-
ممكن تنتزل 1000 أو 2000 عشان المفتاح و الطرمبة
لأن المفتاح أسمع إنه غالى
-
اعتقد ان السعر ده بما يرضي الله ده لو كانت حالتها حلوه جدا زي مابتقول ومامشيتش كتير . ولو عرفت تنزل الف وبلا اتنين يبقي تمام اوي لانك هترجع تصرفهم عليها في تغيير شويه حجات لزوم ركوبك (سيوروفلاتروتيل وزيوت...) - المفتاح المشفر تمنه في التوكيل 1000 ج ريموت وايموبلايزر-انما في مراكز بتعمله بره من غير ريموت ب150ج -خلي بالك للحرص فقط ان صاحب العربيه يبقي معاه مفتاح قديم ليها ويرجع ياخدها تاني بتحصل اللعبه دي .وربنا يوفقك
Content Relevant URLs by
vBSEO 3.6.0 PL2