السلام عليكم ورحمة الله
كل سنة وانتم طيبين وعام هجرى وميلادى سعيد على كل الناس ان شاء الله
هدخل فى الموضوع على طول
من كام يوم كان فيه صديق ليا مسافر القاهرة من اسكندرية وكله تمام ووصل لغاية مدخل المحور ومفيش اى مشاكل .... لكن القدر ... رجع تانى علشان يدخل دخلة مدينة 6 اكتوبر من الصحراوى .... وهو راجع اخد يوترن وماشى على 100 او 110 وبعد حوالى 500 متر من مخرج اليوترن كان فيه حفرة كبيرة على شمال الطريق ... جاه يفاديها معرفش يسطر على العربية مع انها مش على اكتر من 100 كم ... المهم العربية قدعدت يمين شمال ... يمين شمال ... لغاية لما خبطت فى الرصيف واتقلبت 6 مرات !!!!!!!!!!
قبل اى شيئ الحمد لله صديقى بخير ولم يصاب غير بشويه ردود وخدوش فى وشه
انما الغريب فى الموضوع ان العربية فيها اربعة ايرباجز ولم يفتح اى منهم
ودلوقتى مش عارفين نعمل ايه
- هل نبيع العربية على حالتها زى ماهي
- ولا نصلحها فى الحرفيين
كلمت اخى وصديقى كريم منير وقالى نشوف العربية الأول هل الحوض بتاعها سليم ومجموعة الفتيس سليمة يبقى ان شاء الله نصلحها
انما لو لاقدر الله فيهم حاجة يبقى نستعوض ربنا فيها ونبعها على حالها
العربية دلوقتى مركونة عند صديق لينا فى القاهرة وبكره ان شاء الله كريم منير "مشكورا" حيقابل صديقى وحيشوف معاه العربية وحيقولنا حنعمل ايه "
(انا عارف انى تقلت عليك ياكريم بس ده من عشمى)
[info]
العربية تويوتا كورلا 2008 هاى لاين خليجى من الأمارات - صنع وتقفيل اليابان
وصاحبى منزلها معاه من هناك
موضوع الأير باجز اللى مفتحتش هلى ده ممكن يبقى عادى ولا ايـــــــــــــــــــــــ ـــــه
مع العلم انه كان رابط حزام الأمان
[/info]
المفضلات