:M_yes[1]:ترقبوا الليلة ملحق التقييم.
(بعد التجربة والتقييم...... استمتع معنا... بمعرفة مميزات وعيوب الفتيس mmt) في نفس الموضوع.:M_yes[1]:
عرض للطباعة
:M_yes[1]:ترقبوا الليلة ملحق التقييم.
(بعد التجربة والتقييم...... استمتع معنا... بمعرفة مميزات وعيوب الفتيس mmt) في نفس الموضوع.:M_yes[1]:
عاش يا ابو وليد :) .. رفعت راسنا ..
ربنا يباركلك في العربية ان شاء الله ..
شكرا على التقييم المشوق وبانتظار التكملة
ماشاء الله تقييم اكثر من رائع
وربنا يباركلك فيها يا ابو الوليد
عدنا.......
طبعا انتم عارفين انا منزلتش الملحق بتاع التقييم الليلة اللى فاتت ليه.....علشان برده نعست رحت نايم.
نتكلم الأول عن المميزات:
سحب رائع قريب جدا من المانيوال العادي وافضل بكثير من الأوتوماتيك العادي والنقطة دي غير مسموح بالأختلاف فيها لأن تركيب الفتيس زي ماقلنا في الأول انه فتيس مانيوال بدون دواسة دبرياج .
تحكم جيد جدا في سحب وقوة العربية .
جميييل جدا...لأ ده فظيع جدا في المناورات والغرز يعني نقدر نقول انه بيعطي اداء رياضي جيد.
العيوب:
العيوب دي انا واكثر ملاك العربية نتفق فيها
احساس طفيف بالنقلات.
صوت موتور اعلي.
وانا اقول ان هذه العيوب نسبية يعني اذا قورنت بالأوتوماتيك تصبح عيوب اما اذا قورنت بغير ذلك(رايي الشخصي) ليست عيوب وانما صفات بالفتيس.
عيب اخر من وجهة نظر غير ملاك العربية وهو السوفت وير او البرمجة او التكنولوجيا الخاصة بالفتيس.
اقول ان التكنولوجيا الموجودة بالسيارة ليست كلها مختزلة بالفتيس وانما السوفت وير جزء من هذه التكنولوجيا فكل شيء فالعربية له برمجة من مشغل الراديو الى موتور السيارة وكلها معرضة للتلف او العطل.
كده اظن اني خلاص خلصت تقييم ويفتح الباب للمناقشة.
وارجو عدم التحيز او التعصب.
الفتيس ممتاز في الاداء لانه اصلا معتمد في فكرته على اسطوانة دبرياج ..
و لكن فكرة ان الكمبيوتر يتحكم في اسطوانة دبرياج واحدة هي دي البتدي احساس في النقلات غير ان النقلات بتتأخر ..
مش عارف ليه مخلهوش عامل زاي الdsg .. الdsg فكرته ثورية ..
انه يبقى في اسطوانتين دبرياج .. فلما تبقى انت على الغيار الاول بيكون الغيار التاني متحضر ..
و دة بيخلي مفيش احساس بالنقلات تماما دة غير انه بينقل اسرع مانت بتنقل في المانيوال العادي ..
فهنلاقي ان الmmt يأما تكنولوجيا قديمة و الdsg هو التطور .. يأما تويوتا اتجهت لتقليل التكلفة و مظنش ان دة السبب ..
و لكن هذا طبعا لا يمنع ان الmmt يقدم اداء رياضي ممتع خصوصا مع عدم وجود دواسة دبرياج .. و مع التعود ستبدأ العيوب في التلاشي و مش هيبقى ليها تأثير ..
شكرا مرة أخرى
كان عندي سؤال هل بالامكان تسقيط نقله زي المانيول بالريش بتاعت الشيفتات ولا لا
خد بالك انا بقول زي المانيول
شكراً على كم المعلومات الهائل و التقرير الرائع ده...
'طبعا ينفع تسقط نقلة بس خلي بالك لو حبيت تسقط نقلة علي سرعة اعلي من الغيار الأقل الفتيس مش هيسقط النقلة دي .
مثال :لو انت ماشي علي سرعة 140 والفتيس علي الغيار الرابع وعايز تسقط للغيار الثالث مهما تحرك الشيفتات مش هيسقط نقلة لأن الغيار الثالث اخره سرعة 138تقريبا وده عامل الأمان في الفتيس.
تقرير رائع يا أبو وليد
أحب أضيف معلومة مهمة أن تعديل اللى فى السوفت وير كان لموديلات 2008 فقط لكن من أول موديلات 2009 كانت نازلة بالسوفت وير الجديد علشان كدة اللى معاهم 2009 مش حاسين بالموضوع ده
وأنا كنت قابلت أبو وليد من شهر كدة وجرب عربيتى 2009 وقالى زى بتاعته تقريباً بعد ما نزل السوفت وير بتاعها
شكرا على التقرير الاكثر من رائع يا أبو وليد
مع اسلوبك الشيق جدا في الكتابة
اعتقد انك تنفع كاتب قصة قصيرة وهاتبقي ناجح جدا ان شاء الله
انا حاجز العربية في التوكيل وفي انتظار الاستلام ان شاء الله
طبعا انت وقعت قلبي طبعا في بداية تقريرك
بس الحمد لله طمنتني في النهاية
وطبعا هاحتاجلك لما استلم العربية ان شاء الله في الاستشارات الفنية وكمان فاروق حافظ
انتوا دلوقتي من اهل الخبرة في التويوتا mmt
شكرا جزيلا مرة ثانية
بعد اذنك انا عندي استفسار
ماذا لو ظهر عيب جديد او عادي زي موضوع البوش ده و كان ضمان العربية خلص
حوار البرمجة ده يتكلف كام
انا قلت لن تقل عن هذا المبلغ بس برمجة الفتيس ممكن تخش في 200-300ج بالكتير اوي وكمان الصيانة دي مش كل الناس هتعملها هي بتتعمل ساعة الحاجة بس او عند الشكوي وممكن تكون ناتجة عن الأستخدام الشاق يعني انا والعضو ابو سمرة الناس الوحيدة حتي الأن اللى عملوا الصيانة دي وده ان طبيعة سواقتنا كلها جري وشد وحرق علي الغيار وتسقيط نقلة مش قيادة متزنة.
التظبيط ده مش اجباري يبقي كل 20000ك ممكن اكتر وممكن متظهرش مشكلة من الأصل ومش السوفت وير كله بيتغير ده مجرد ان الكلتش بيتربط وممكن يفقد التكويد بتاعه اثناء العملية دي فبيتم برمجة الكلتش بس.
يعني مثلا لما يكون عندك في الكمبيوتر كارت من الكروت مش شغال بتنزل ويندوز من اول وجديد ولا بتعرف الكارت بس اكيد بتعرف الكارت بس وكذلك الفتيس.
شكرا على التقيم الرائع
بصراحة حرام الواحد يدفع 150 ألف جندي في عربية تقرفه و فتيس كل شوية عايزله سوفت وير تحيا السيفيك ملكة الفئة دي
انا اتفق معاك فى هذة الجملة بس من غير مادخل السيفيك فى الموضوع احنا دلوقتى بناقش موضوع عن عربية واحدة مش مقارنة ,وخصوصا ان دلوقتى التوكيلات بقت بتكسب بالغش والفهلوة بالعبيط ربنا يحمينا من شرهم
على فكرة التويوتا اكثر سيارة عجبتنى فى خاماتها بجد تسلم ايد اليابانيين اللى عملوها ماستخسروش حاجة فى الخامات الداخلية :Ta_clap[1]:
موضوع رائع و تقييم اكثر من روعة ...
معلشي عايز اسال سؤال
هو الفتيس ال mmt لازم تنقل النقلات ولا في وضع زي الأوتوماتك ينقل هو لوحده و لو حبيت انت تنقل بدخل عصا الفتيس في مجري تاني"زي الستيبترونك"
شكرا للتقييم..
بس انا بصراحة زعلان من تويوتا
تويوتا نزلت موضوع جديد وتكنولوجيا عاليه فى وقت التقفيل فيه اصبح فى جنوب افريقيا ... ده خلى الناس تقلق ...
الناس متعوده على مستوى راحة ونعومه معين للتويوتا ... لما تنزل عن كدا الناس من حقهم يزعلوا .. وده اللى حصل
معايا كورولا 2008 بروفيشنال وعامل بيها 78000 كم بالنسبه للفتيس بجد هو رائع والي يعرف يتعامل معاه بيقدر يطلع البور بتاع العربيه انا عن نفسي بسوق دايما علي e ومستحيل حد قاعد معايا في العربيه يحس بزكه او نتشه هو عاوز تدريب وفهم طبيعه الفتيس بس وانت عن طرق دواسه البنزين بتقدر تتحكم في كل حاجه تسقط نقله تحرق علي الغيار تنقل بدري كله من دواسه البنزين فقط ممكن تعمله بالنسبه للسوفت وير ده عباره عن اعاده تغيرر قيم الخلوصات بتاعت الفتيس لان نتيجه الاستخدام اسطوانه الدبرياش بتتاكل والكلاتشات فلازم بيدخلو للكمبوتر المسؤل عن عمليه النقل بتاع الفتيس المسافات و القيم الجديده بس مش اكتر ودي بتم مع كل صيانه دوريه عادي مبتعمل اختلاف محسوس كبير المشكله بقي في الفتيس ده انه عاوز معامله خاصه شويه ومحافظه ويكون الواحد بيتعامل معاه بحساسيه لان بيجيب عيوب و العيوب دي نتيجه عده عوامل التعامل الغلط مثل حد رجله ثقيله او مش عارف يتعامل مع الفتيس والزحمه في مصر من اسباب عيوب الفتيس ده لان الفتيس فيه نظام حمايه اي حاجه تحصل غلي في الفتيس الكمبيوتر بيفصل الحركه ويخلي الفتي علي N وميعشقش للمحافظه علي الفتيس وعدم احداث ضرر به ويسمي ب (N Error) يعني لو الاسطوانه الدبرياج سخنت بيفصل او اي حاجه باظت في الفتيس بمجرد انك تطفي العربيه وتسيبها دقائق وتشغلها تاني بيشتغل الفتيس عادي مده الدقائق المنتظره تعتمد علي العيب الي في الفتيس نتيجه سخونه او ايه يجب مراعاه اثاء القياده عند النقلات تخف رجلك من علي الدواسه شويه عشان الاسطوانه متسخنش لانها مش اوتوماتك يعني بتاخد جزء من الوقت للنقل لما انت بتفضل دايس بنزين بتحمل علي الاسطوانه ومع التكرار بتسخن طبعا الكلام ده انا مش جايبه من عندي انا عرفته بعد مناقشات وابحاث مع المدير الفني لتوكيل ابو رواش انا جيه معايا n error ده مرتين اول مره كانت عند 20000 كم تقريبا والعربيه دخلت التوكيل وقعدت 4 ايام واتغير فيها جزء اسمه اكتويتور وهو عبار عن ماتورين المسؤلين عن عملي النقل طبعا دزل تقريبا ثمنهم حوالي 800 جنيه غير المصنعيه بس التوكيل غيرهم ببلاش بس انا سئلت علي سعرهم العربيه بقت زي الفل وتمام مشيت بيها لحد 45000 كم اخويا كان في الفتره دي بيسوقها ورجليه تقيله شويه و مش فاهم كيفيه التعامل مع العربيه جابن ان ايرور تاني وديتها التوكيل ودخلت 4 ايام وقالو المره دي هنغير طقم دبرياج كامل وغيروه فعلا والعربيه بقت تمام سئلت برضو علي ثمنه :) من باب العلم لقيته 3000 جنيه العرفبيه مشيت تمام لحد 70000 كم لقيت ان في صوت بيجي تكه بين الغيار التانى و الاول وتحديد و هي بتنزل من ال 2 للاول هي مكنتش عامل معايا عيب و الصوت ده كان بيروح ويجي بس لما اسوق بطريقه رياضيه قولت اروح اشوف ايه ده قبل ما اطلع من الضمان قالو الخوايش بتاع الفتيس :) وفعلا دخلت التوكيل للمره الثالثه وغيروها وقعدت 4 ايام الحمد لله العربيه كويسه جدا دلوقت و لسه مستلمها من التوكيل و هي عامله 78000 كم بجد الفتيس ده احلي من الاتوماتيك والمانيوال بس للاسف العيوب دي بتظهر لانه مش ماشي مع الزحمه هنا والوقوف و الطلوع كتير وتيوتا اليابان علي علم بالمشكله دي لان نسبه العربيات الي بتدخل التوكيل صيانه في الفتيس كبيره عشان كده وقفو نزولها مصر المشكله بقي مش عارف التوكيل هيعمل معانا ايه بعد خروجنا من الضمان يعني بعد ما نعدي 100000 كم اكيد اي عيب هيعملو الفتيس هندفع فيه دم قلبنا :) يا ريت كل واحد له تجربه مع التوكيل و لسه في الضمان يقولها ونتجمع ونشوف التوكيل ده هيعمل معانا ايه
السلام عليكم انا قريت الموضوع ده وانا باحاول جاهدة انى الاقى حد اشترى المودبل الكارثة ده لانى بجد مش لاقية حل العربية مليانة عيوب بخلاف ان الشركة كانت عاملة اعلانات صفحات كاملة بتأكد فيها ان العربية فيها وضع الاتوماتيك و طبعا دى مش اول مرة اشترى تويوتا و لثقتى فى الكورولا عموما اشتريتها بناء على الاعلانات الوهمية اللى الشركة كانت عاملاها انا العربية دلوقتى عاملة 33000 كم شوفت فيها الموت مرتين بسبب الفتيس الغريب و المشكلة الكبيرة انى اصلا مش باعرف اسوق مانيوال و صدمت صدمة عمرى لما قالولى فى التوكيل انها مانيوال بس سهل بخلاف كده دايما العدادات تدينى انذارات غريبة و اروح التوكيل و طبعا تفضل عندهم مدد و فى مرة ماكملتش 500 متر و رجعت نفس التنبيهات فى العدادات بخلاف كده انى اشتريتها ب 165000 جنيه و دلوقتى الشركة نزلت سعرها ل 133000 جنيه و البيع ب 95000 بصراحة الموضوع مستفزنى و مش عارفه اعمل ايه اتمنى اىى حد عنده نفس المشكلة نتجمع و نحاول نطالب الشركة بأى تعويض لان من الواضح كده انهم بيحاولوا يمشوا العربيات بالعافية لغاية الضمان ما يخلص رجاءا اللى مستعد يبعتلى رساله و شكرا جزيلا