ازيكو يا احلى شباب ...
بعد حادثه الكلب ...
و الموتوسيكل
و تكسير زجاج الاوكتافيا
ووقوع الفيكترا فى بلاعه ..
و ركوب النص نقل فوق بير كبير ...
و انفجار كاوتش الاوكتافيا ....
و بعد ما عربيه خبطتنى و انا واقف مستنى تاكسى ....
اليكم الجديد ...
انفجار كاوتش الفيكترا على سرعه 100 ...
النهارده راجع من الكليه ...
ماشى هادى جدا ...
100
فى حالى
واخد شمالى ...
ورايا فيرنا كاااااااابس عليا ...
و على يمينى مقطوره ...
زمرت للمقطوره و دخلت جمبه و المكان واسع جدا ...
بعد ما عديت المقطوره ووصلت للعربيه نفسها (الى بتشد المقطوره)..
طلع ايده من الشباك عشان يعرفنى انه هيدخل عليا ...
و هووووووووب
رمى عليا بغباء مشفتش زيه فى حياتى ...
طبعا وقتى بدون تفكير ...
حطيت رجلى على الفرامل ...
لقيت الفيرنا هيلبس فيا ...
نزلت بجمب العربيه الشمال فى التراب ...
و الاسفلت اعلى من التراب بكتييييييييير
يعنى العربيه يعتبر وقعت من على الاسفلت بنصها الشمال ...
و مجرد ما نزلت كان فى طوبه حلوه طالعه من التراب و ليها بوز ملوش حل ...
حسيت انها بتقولى تعالى يا حلو .......
بوووووووم
لبست فى الطوبه ...
مخدتش بالى ان العجله نامت ...
غير لما طلعت من التراب ...
لقيت العربيه بنحدف ...
ركنت ...
العجله على الارض !!!
مقطوعه ...من الجنب ...
بتاع الفيرنا جه ركن ادامى يقولى اى خدمه يا باشا ؟؟؟
شكرته و قلتله متشكر يا معلم اتكل على الله ....
كان معايا اصحابى ...
رفعنا العربيه و نزلت الاستين و روحت لبتاع كاوتش ..
قالى ملهاش حل غير شنبر !!!
عملها شنبر و حطيتها استبن و امرى الى الله ...
و بجد انا مش طايق نفسى ...
و بجد خلالالالالالالالالالاص
انا كل مره بقول مش هركبها تانى و برجع فى كلامى و اركبها ...
بس المرادى خلاص ...
جيبت اخرى يا جدعان ,,,
انا النهارده نزلت باليل من غيرها ...
ماله التاكسى ؟؟؟؟
زى الفل ...
العربيه دى تعمل كام لو بعتها ؟؟؟
المفضلات