يا جماعه ما هي انسب سرعه للحفاظ علي نفسك وعلي اللي معاك
سواء صحراوي اوسريع او طريق عادي
عرض للطباعة
يا جماعه ما هي انسب سرعه للحفاظ علي نفسك وعلي اللي معاك
سواء صحراوي اوسريع او طريق عادي
130 وكل ده بستر ربنا الحمد لله ويار احفظنا
أنسب سرعه هى السرعه المقرره
المهندسين الى صمموا الطريق لم يضعوا السرعه المقرره علشان يخنقوا على البشر
ولكن حسب التصميم
امشى زى الليمتس ما ماكتوبه على الطريق
هم الى صمموا و هما الى ادرى بالسرعه المناسبه
تحت ال 100 كم /ساعة ممكن تسيطر على العربية
بعدها عوامل تانية تتحكم في السير
صح حتي داخل المدينة السرعة 60 كم علشان زحمة المدينة و الناس اللي بتعدي
يعنى 150 كويس
هو الناس الى صمموا الطريق ماشين بمبدأ (القبيلة بتمشى على ابطئها ) فعملين الطرق على العربيات العادية والسواقين الى مهارتهم فى القيادة عادية و السواق الشاطر الى يقدر قدرتة فى السواقة وقدرة عربيتة صح (اى كانت قدرتة وقدرة عربيتة اية ) ويمشى على سرعة تناسبة و طبعا يستحسن الالتزام بالسرعة المقررة مع ان احيانا مبتبقاش منطقية ذى مثلا 60 على الاتوستراد
السرعه ده مقرره لعده عوامل منطقه سكنيه
اعتقد 90 - 100 بالكتير هى السرعه المناسبه للحفاظ على السائق واللى معاه
ويمكن التحكم فى العربيه الى حد ما
اكتر من كدا خطر
دى الحوادث اللى على سرعة 100 كتير مابالك فوق ال 100
السرعه اللى تحس ان العربيه فيها تحت سيطرتك الكامله
يعنى على السرعه دى تقدر تفادى حاجه قدامك بسرعه بمقدار حاره بدون ما العربيه تتزحلق او تعوم منك , وفى حاله لو شوفت حاجه على بعد مثلا من 60 ل 100 متر تقدر تقف قبلها واى سرعه متقدرش تعمل عليها الحاجات دى تبقى سرعه خطر
حسب عوامل كتير
طبيعه الطريق
العربيه فيها abs و عوامل امان و لا لأ
تحميل العربيه معاك
طبيعه المنطقه اللي بتسوق فيها
الالتزام قدر الامكان بالسرعه المقررة اللي في احيان كتير بتبقي تهريج
قدرتك علي التركيز في الطريق و سرعه الاستجابه و التصرف
يا جماعة اختبارات التصادم الاوروبية Euro NCAP بتتعمل على سرعة 64 كم / ساعة
Euro NCAP - For safer cars | Frontal impact
والعربية بتتبهدل - شوف انت بقى فوق كدة تبقى عاملة ايه
ربنا الستار والله
64 كيلو ولا ميل؟
اعتقد 90 - 100 بالكتير هى السرعه المناسبه للحفاظ على السائق واللى معاه
افضل حاجه تعملها فعلا انك تتبع السرعه المقرره
لاناا لو قولنا 90/100 هل معنى كده انى همشى بالسرعه دى على كورنيش النيل مثلا يبقى مافيش امان ابدا
فعلا زى ماقال العضو الكريم ان خبراء الطرق هما اللى وضعو
السرعات دى واتبنى عليها حاجات كتير
وسع الطريق وسهولته وضغط السيارات عليه
وكمان وجود مناطق سكنيه ومدارس وقطارات وعربات نقل
انا على حد علمى اكثر طريق مسموح بيه بسرعة 120/ك
هو طريق العين السخنه والغردقه
والله ياباشا دا يرجع لنوع العربيه ايه
المتوسط لازم يكون 120 كويس بس مش ح ينفع ع كل العربيات دا
اقصى سرعه انت الى بتحددها بعد ما تلاقى الطريق واقف ويتفك بعد ما تشوف الحادثه وتتفرج عليها بعدين بتمسك نفسك شويه لكن بعد كام كيلو بتنسى وبتجرى
ربنا يحفظنا جميعا الواحد بيشوف حوادث ما بيصدقش الحاجات دى اتعملت كده ازاى ربنا يحفظنا جميعا
فى التانى السلامه ولو ان التانى ده ساعات بينقط الى وراك
ممكن والله تلاقي طريق واسع وزي الفل والمهندسين كاتبين عليه 50 ولا 60 ولا حاجة, ده الواحد لما ياخد المحور ولا الدائري على 90 بيبقى في قمة الكآبة.
مش حيخسروا حاجة لو حطوا عالطرق كلها اقصى سرعة 20 وبعدها تحذير التزم بالسرعة الطريق مراقب بالرادار :unhappy:
عامةً في رأيي أأمن سرعة مابين 60-120 على حسب قدرتك وحالة الطريق.
160+ ده بيهرج بأمانة بالذات لما الطريق ضيق أساسا
والناس اللي بتمشي 60 في الشمال تجيب السكر.
متاابع معااااااااكو
90 كيلو فقط لا غير الطوالى و 60 للداخلية تسلم من غرامة الرادار
مع د صلاح +1 وفيه حاجة كمان زمان كانوبيقولو السواقة فن وذوق وأخلاق والحمد لله الله يرحم أيام زمان وحاجة صغيرة كمان المفروض أن اللي بيسوق عربية يبقي مقدر ومدرك أن هو المفروض اللي بيتحكم في العربية والسلامة أولا ولا يتغر بقوة عربيته لإنها سلاح ذو حدين له ولغيره والمفروض البني آدم بيتطور من خبرات متراكمة مش ضروري نمسك سلك كهربا حي علشان نعرف إن الكهربا بتموت وغيره كتير
أعتقد من 40 : 60 داخل المدينة و 90 على الطريق السريع و على السرعات دى يمكن التحكم فى العربية فى المواقف الخطرة و برضة سرعة مش قليلة .
كله على حسب العربية الانت سايقها ..
100 كويس اكتر من كده مش هتعرف تلم عربيتك لو حصلت اى مفاجأة فى الطريق وانت مش متوقعها
شوف انا قلت كلامى على اساس ان مهندس درست فى يوم من الايام كيفيه تحديد سرعه الطريق
الى بتعتمد على حاجات كتيره منها الكباستى الى اتصمم عليها الطريق
وعدد اليوترنات + المخارج و المداخل
ميول الطريق وطبيعته ومساحات الرؤيه + العوامل الجويه اذا كانت ثابته على الطريق (مثلا زراعى عاما فيه شبوره)
أضف الى ذلك حداثه الطريق
يعنى لو الطريق جديد مش زى ميكون قديم
لانه لو جديد السواقين هيمشوا عليه بحزر لانه مش عارف فيه حاجه
على عكس لو قديم بتبقى حافظه وكذلك عارف هنا فى يوترن طيب اخد يمين لانى مش هاخده وكل ده بيزود السرعه المتوسطه للطريق
اخيرا
متأسف بس كونك تقول الى صمموا الطريق مش فاهمين حاجه
كلمه زعلتنى " ان كان دا شىء يهمك"
لانهم اولا زميلى "مهندسين" واكيد مرضاش حد يشتمهم
+ تصور حضرتك بتشتغل ايه
اى كان
محاسب مثلا ترضى اقول عنك او عن محاسبى مصر مفيفهموش؟!
مش اعلى من 80
معظم كتالوجات السيارات اللى هنا في مصر لما بتقيس استهلاك البنزين بيكون ما بين 90 لـ 100 كيلو متر في الساعة لأن هي دي بتكون السرعة المناسبة للسيارة
غير كده
انت امشي براحتك
بس خلى بالك ان مهاراتك في السواقة قد لا تجاري اخطاء الغير
ممكن و انت بتجري تلاقي واحد بيهبل قدامك و متعرفش تعمل معاه حاجة
احسبها صح و التزم بالسرعة المقررة
و ربنا يسلم طريقنا كلنا