-
تركيب فانوس في السقف؟
انا عارف اني بسأل سؤال سهل ومعظم الناس عرفاه بس فوق كل ذي علم عليم
كنت عاوز اعرف ازاي اقدر اوصل فانوس للسقف شامل كل الخطوات بالتفصيل من مرور السلك وازاي اجيب السلك من جوة حوض العريية وبيتوصل بايه بالضبط جوة العربية و كل المعلومات المطلوبة
انا عارف اني بتقل عليكم بس مفيش غيركم يفيدوني
-
على فكرة
هوة فكرته حلوة
واللى هيفيدك فيه
سواق تاكس لان التاكسيات فيها اللمبة اللى بتتحط فوق
واكيد معمولة بنفس الطريقة
وده هيتوصل على ارضى
وسلك من البطارية
وهتعمل مفتاح
لو الاماكن
ممكن تعديه من الحوض للقايم الامامى
وتعديه من الفرش
بس كدة هتخرم فى السقف
-
مشكور A.Saad علي الرد السريع بس انا كنت عاوز اعرف دة يتوصل بالبطاريه علطول مش مفروض يتوصل بالدينمو او علبة الفيوزات ولا ايه
ارجو الافادة ممن لديه خبرة سابقة
-
انا معنديش خبرة سابقة
بس ليه ارضى هيتوصل بجسم العربية
ومش شرط يدخل علبة الفيوزات
بس لازم يكون فى السلك متركب فيوز
-
ممكن توضح لي A.Saad ازاي الارضي بيتوصل بجسم العربية يعني في اي حتة كدة ولا له مكان معين ؟ وازاي السلك اركب له فيوز؟ وهوصله ازاي بالموجب؟ وشكرا
-
انا هاقولك بناء على تجربة تركيب الانذار والفوج لايت
الارضى بيتوصل باى مكان فى جسم العربية فى الحوض
بيشوف مسمار ويهويه شوية ويوصل سلك عليه من اسلاك الدائرة اللى بتعملها
فايدة الفيوز
ان لو حصل قفلة او مشكلة الفيوز بيضرب ويمنع سريان الكهربا فى السلوك
انا عندى كان متركب فى الضفيرة لانى اشتريت ضفيرة جاهزة للفوجات
بس هوة ليه قاعدة داخل عليها السلك ومحطوط فى القاعدة الفيوز
وخد بالك ان الفيوز يكون امبير ه مناسب مش عالى لان العالى لو حصل حاجة الفيوز مش هيسيح
الموجب
بيتوصل من البطارية
جزئية توصيله من الدينامو مش عارف عنها حاجة
-
يا باشا انت الاول لو عندك مفتاح نور فى الباب يبقى المشكلة تقريبا اتحلت
الخطوات بسيطة
1- هتجيب الفانوس اللى نفسك فيه
2- هتدور على مكان لتثبيته ممكن قدام او وراء او فى النص
3- هيبقى عندك سلكين , اى سلك منهم هتوصله لاقرب مسمار مربوط فى جسم العربية - لان العربية كلها متارضة -
و التانى هتربطه فى سلكة مفتاح الباب
4- لو هتعمله بمفتاح منفصل يبقى الطرف التانى توصله بالمفتاح اللى عاوزه والمفتاح توصله بالكونتاكت مش البطارية
و طبعا فى الحالة دى تشوف الفانوس كام امبير و تشترى اقرب فيوز ليه وتوصله ما بين المفتاح والكونتاكت
الصور دى هتبقى شكل توصيل الدايرة
http://www14.0zz0.com/2010/01/06/07/238632597.png
الكشاف ازرق و الفيوز بنى و المفتاح اصفر و السلوك احمر
-
مشكور A.Saad علي المعلومة المفيدة
-
الله ينور عليك maka انا تقريبا فهمت 90 % من الموضوع بس المشكلة اني معرفش طرف موجب ممكن يبقي في العربيه من جوة
طب سؤال تاني هو الفيوز لما اجي اوصله اربط كل طرف من السلك الموجب في سن معين ولا ايه قصدك
وياتري ممكن اخد اكتر من وصله من سلك واحد فقط يعني مثلا سلك السماعة ممكن اخد منة للكشاف ولاجهزة تانية ولا كدة يبقي غلط
-
ركبته مرة فى ال 132 وكاش شكله بايخ جدا ولا أنصح الا بالفابريقة
Content Relevant URLs by
vBSEO 3.6.0 PL2