اخيرا- الحمد لله- استلمت النيو سيراتو sx- تجربتى مع كيا فرع روكسى !!!!
و بعد مدة انتظار دامت 122 يوم بالتمام و الكمال - ا صلى حجزت يوم 1 سبتمبر- استلمت النهاردة نيو سيراتو SX spicy red من فرع روكسى :biggrin2: و بصراحة العربية لسه مقدرش احكم عليها علشان يادوب مشيت بيها 100 كم بس الانطباع الاولى ان العربية ماشاء الله ممتعة و انا مش هقدر اضيف حاجة زيادة عن اعضاء المنتدى الكرام اللى جربوا العربية و استلموها قبلى بكتييييييييييييير .
الحاجة الاهم بقى : افراد المبيعات فى فرع روكسى اللى انا حجزت و استلمت منه , انا اللى قعدت معاه لما حجزت كان رامى سالم الراجل ده ياشباب اقل ما يقال عنه انه محترم و خدوم لأبعد درجة من الاخر زى مبنقول " ابن ناس اوى" و بصراحة بطريقة معاملته مع العملاء ان شاء الله الرجل ده هيبقى حاجة جامدة فى مبيعات السيارات فى مصر . عارف يعنى ايه يكسب العميل بكل ذوق و ادب بدون لف و دوران و لما تكون عايز منه حاجة لو فى ايده مبيتأخرش ابدا - يعنى انا فى الاول كنت هستلم من ابورواش و حصلت ظروف خلتنى استنى لمدة اسبوع و قبل الاسبوع بيوم لقيته بيكلمنى بيقولى تعال بكره روكسى و استلم من هناك انا عندى واحدة تعالى خدها بكره و متروحش ابو رواش .
ربنا يبارك فى الراجل ده و فعلا يجازيه خيرا وزى ما سمعت من الاعضاء هنا اللى بيعمله رامى ده مش مع ناس و ناس لكن مع كل المحظوظين من العملاء اللى بتعاملوا معاه . شكرا رامى سالم :Ta_clap[1]: .