فرش الابواب عندى بيرزع واظاهر انه مفيهوش كلبسات فيا ترى حد يعرف البديل ايه
عرض للطباعة
فرش الابواب عندى بيرزع واظاهر انه مفيهوش كلبسات فيا ترى حد يعرف البديل ايه
البديل هو :-
1- تغيير فرش الأبواب بأخر استيراد = تقريبا 300 جنيه
2- شراء كليبسات لتثبيت الفرش جديدة ودي انا كنت لقيتها مرة عند محل الشيخ حسن في الحرفيين و سعر الواحد = 5 جنيه
3- حاول تثبت الكليبسات اللي عندك لأن اللي بيفكها ما بيعرفش يضغطها زي ما كانت كويس فحاول الأول تثبتها كويس
طيب ومين الى بيقوم بتغيير فرش الابواب ده وفين وبياخد مصنعيه قد اية ؟
واية القصد بتاع فرش الابواب حضرتك تقصد كل الغطاء الى بيكون فى الباب ولا اية بالضبط ؟
فيه ناس متخصصة لاصلاح الأبواب ممكن تظبطلك الموضوع او سمكري برضه بيعمل القصة دي والموضوع مش مكلف يعني أخره 20 جنيه مثلا يظبطلك القصة او ممكن انت تظبطه الموضوع بسيط ان شاء الله بيحتاج فقط مفك صليبة وكليبسات للتثبيت وبس
فرش الأبواب هو الجزء الداخلي من باب السيارة واللي بيحتوي المقابض وأماكن التخزين في الباب وكل ما يغطي باب السيارة داخليا
الله يخليك يا باشا على المتابعه الدقيقة من حضرتك
وهو ده بالضبط الى كنت بسال عنه لانى عندى فى الابواب الخلفيه مركب زجاج كهرباء ومكان مقابض الزجاج اليديوى مش موجود مفتوح كده فاهمنى يا باشا فكنت بفكر انى اغير فرش الابواب بس 300 جنية علشان حتيتن ضغييرن بتوع مقابض الزجاج المانيوال يبقى حرام اانا لو لزقتها بحتيتين جلد على قدهم وسيليكون هيبكونوا تمام ولا اية رايك ؟
الف شكر ليك يا باشا
طيب اجيبهم منين ولما اجيبهم اقول للراجل ايا بالبلدى كده علشان يفهمنى وهما بكام وحجمهم قد ايه هى الفتحات ده حوالى 6* 3 سنتى يا ترى هى هداريهم ؟
الف شكر ليك يا باشا وربنا يكرمك
زي الفل الناس ردو بمافيه الكفاية
الله يخليكو يا رجالة اصل انا عملت قبل كدة زجاج كهرباء فى ال 127 علشان كدة عرفت اقولك
الكلبسات بتتباع فى التوفيقية بكذا لون كمان
وفيه واحد على عربية سوزوكى فى شارع رمسيس كانك رايح على احمد عرابى
عنده تشكيلة كبيرة
بس يا باشا , أنا لسا شاري طاقم فرش داخلي للأبواب 127 من التوفيقية و ثمنة 50 جنية و بيجي مفهوش فتحات في الجلد خالص والسروجي هوا إلي بيخرم الفتحات حسب أماكن الأوكر , أما عن التركيب فالسروجي عملي فكرة جيدة جداً و إن كانت غالية شوية عمالي باكتات صاج شكل المسطرة بطول الفرش من فوق بتتثبت ببرشام في الباب فوق الفرش و هيدخل فيها الفرش ’ و تتثبت بمسمارين من تحت في الباب ’ علشان الكلبسات البلستك دية فشلة تماماً
الف الف الف شكر ليكم يا رجالة