هل تركيب البطارية ال70 امبير للانوس صح أم خطأ

**szrateb** · 08-12-2007 08:12 AM

هل تركيب البطارية ال70 امبير للانوس صح أم خطأ علما بأن البطارية الأصلية 55 أمبير وايه رأيكو في بطارية Ac Delco الأمريكية الجافة وهل يعرف أحد سعرها

**tutankhamoun** · 08-12-2007 08:36 AM

غلط جدا أنك تحط بطارية أقوى من الأصلية
بس هو غلط ليه أنا مش متأكد ............ و لكن لا يجوز ....... لا يجوز ......... لا يجوز
و أعتقد علشان قوة تحمل السلوك و ضفاير الكهرباء و اللمبات و المعدات الكهربائية الأخرى اللي راكبة في السيارة و التي تم تصميمها على أخذ تيار 55 أمبير
و الله أعلم

**mina_ramsis** · 08-12-2007 08:47 AM

لا مفيش مشكله خالص قدام فى الامبير زود براحتك انما يبقى خطر لو زودت الفولت و طبعا كل البطاريات 12 فولت

**HESHAM AMIN** · 08-12-2007 09:03 AM

غلط لان الدينامو الخاص بالسيارة مصمم لشحن البطارية 55 امبير
وعند وضع بطارية اعلى بتحمل حمل زائد على الدينامو ولن يعمل بالكفائة المطلوبة
وممكن يعطل كمان
لان الدينامو لية قدرة زى البطارية مثلا 55 امبير وهكذا

**tutankhamoun** · 08-12-2007 09:35 AM

المشاركة الأصلية كتبت بواسطة hoko_mosha

لا مفيش مشكله خالص قدام فى الامبير زود براحتك انما يبقى خطر لو زودت الفولت و طبعا كل البطاريات 12 فولت

كهربائيا و عمليا .......... كلام حضرتك غلط
لأن كل جهاز كهربي في السيارة له حمل معين و له تيار معين تم تصميمه على أن يستقبله
و الله أعلم

**ahmed1981** · 08-12-2007 10:00 AM

توجد مشكلة بسيطة كما قال الإخوة الزملاء
المشكلة أن المدة الزمنية لشحن البطارية الأكبر من الدنمو ستكون أكبر بفترة بسيطة
أي أن هناك خلل ولكنه غير مؤثر وغير محسوس

ولكن هناك جانب إيجابي أكبر وهو أن هذه البطارية تصبح طويلة النفس في حالة الحاجة لها لو تأخرت السيارة في الدوارة مثلا أو إحتجت إضاءة مصباح والسيارة مطفأة
ستجد أن البطارية ستصمد مدة زمنية أطول حتى تفرغ شحنتها
أي أنها ستصمد معك لفترة أطول وهذا مفيد جداً

إذن في النهاية لا مانع بإذن الله

**mina_ramsis** · 08-12-2007 12:38 PM

المشاركة الأصلية كتبت بواسطة tutankhamoun

كهربائيا و عمليا .......... كلام حضرتك غلط
لأن كل جهاز كهربي في السيارة له حمل معين و له تيار معين تم تصميمه على أن يستقبله
و الله أعلم

لا يا سيدى حضرتك متلخبط فى فرق بين فرق الجهد و التيار فرق الجهد اذا زاد هو اللى يحرق مكونات العربية انما لو لو التيار زاد الجهاز بياخد اللى هو محتاجه بس و لما يجيب امبير اعلى بيبقى احسن لو عنده كهرباء كتيره فى العربية زى زجاج كهرباء و سنتر و الكاسيت طبعا و المرايات علشان اذا فرض و شغلهم مع بعض مايأثرش على اضاءة العربية و الكلام ده ممكن حضرتك تلاحظه بنفسك بليل يعنى انزل شغل الكاسيت و نور النور العالى و الفوج مثلا و بعديين شغل الزجاج الكهرباء هتلاقى ان الاضاءة بتاعت النور العالى قلت شويه
على فكرة انا كان عندى لانوس 1 و كانت نازله ببطارية 55 لما غيرتلها البطارية جبتلها 70
لو الدينمو عندك كويس جيب ال 70 انما لو الدينومو نص عمر هات ال 55

**noble911** · 08-12-2007 01:34 PM

نقلا عن الميكانيكي
ان البطارية الزيادة عن حاجة السيارة لن تظهر لها اهمية الا اذا حصل مشكلة في الشحن و انت مسافر مثلا
فالبطارية ذات السعة الاكبر ستسمح لك بالسير مسافة اطول بدون الحاجة لاعادة الشحن من الدينامو حتي تجد مركز صيانة يصلح عطل الشحن

و ليس لها تاثير اخر علي السيارة بالسلب او الايجاب
و الله اعلم

**yanorany** · 23-12-2007 10:05 AM

فعلا انا معايه النترا 2006 وكان فيها بطارية 45

غيرتها بكلوريد 70 وشغاله عشرة على عشرة

وناس كتير نصحوني بال 70

**egawady** · 23-12-2007 10:18 AM

طالما العربية خارجة من مصنعها ببطارية 55 أمبير يبقى مفروض الواحد مايخرجش عن النص وأما ييجى يغيرها .. يغيرها برضو ببطارية 55 أمبير .......
يجيب الكبيرة ليه ؟؟؟

لو الكبيرة أحسن ... ما كان المصنع بتاعها حاطلها الكبيرة من الأول ....
ولا يعنى المصنع مش عارف ؟؟!!!!