الموضوع: المقصات مقلقانى

المشاركة الأصلية كتبت بواسطة TOOLA

مصمم السيارة أعتقد لن يكون له ذنب أو سينتقص من سمعته ظهور أى مشاكل فى السيارة فهو مجرد مصمم لشكل و خطوط السيارة, و مرحلة التصميم أعتقد تسبق كثيرا التفاصيل الخاصة بالعفشة أو الموتور أو الكماليات لأنها أساسا تختلف من بلد لأخرى و طبقا للسعر, و يبقى التصميم وحده موحدا فى جميع الحالات.

أسف جداً الكلام دة خاطئ و غير دقيق بالمرة

تصميم السيارة بالذات يجب أن يتوفر فيه عنصر مهم جداً هو ال-integration

بمعنى إن مفيش حاجة اسمها دة صمم الشكل الخارجي و ملوش دعوة بباقي العربية و دة عمل العفشة و مايعرفش حتركب على أنهي عربية و دة صمم الموتور و خلصت على كدة

أولاً peter shrayer هو chief designer ل kia بمعني مبسط هو مدير إدارة التصميم في kia و كلمة design دي بتشمل حاجات كتير من ضمنها الشكل الخارجي

نرجع تاني لل-integration دة موضوع ممكن نتكلم فيه كتير بس بردو ببساطة من المعروف إن مثلاً من العوامل إلي بتأثر على ثبات أي عربية aerodynamics بتاعة شكلها الخارجي و دة ليه علاقة مباشرة بارتفاع العربية عن الأرض و نظم التعليق و ليه علاقة مباشرة بردو بشكل توزيع وزن العربية على جسم العربية و حاجات تانية كتير

الملخص إن الشكل الخارجي مش شيء منفصل عن تصميم السيارة ككل و إلا كنا لقينا الصين و الهند بتعمل عربيات شكلها من برة جبار و هي من جوة سيئة الموضوع مش بالسهولة دي

غير كدة لم يحدث في أي مكان في العالم إن تم سحب العربية لإكتشاف عيوب فيها

المشاركة الأصلية كتبت بواسطة mostafa3000

الاخوة المهتمين بالسيراتو
اسمحو لي اقول تعليق بسيظ علي الموضوع
اولا انا لا معايا سيراتو ولا ناو اشتري سيراتو
لاني معايا اوكتافيا ومبسوط منها والحمد للة
بس اللي لاحظتة ان هناك فعلا تركيز غير عادى علي السيراتو وعلي اي عيب يظهر في العربية ومحاولة اظهارة انة عيب عام مش خاص
لاحظو انة لو كان ظهرت اية عيوب بالسيارة كما يقال كانت شركة كيا سحبتها من الاسواق واعلنت ذلك
والامثلة كثيرة علي اللي بقولة يعني كل شوية بنسمع ان مرسيدس او تويتا وغيرها من الشركات عن سحب السيارة لو كانت هناك عيوب ظهرت فيها( لاحظو انة دة عمرة ما بيحصلش في مصر من اي وكيل محلي )
فازاي يبقي احنا في مصر بنقول ان فية عيب في السيراتو وبقية العالم اللي ما بيفوتش حاجة لم يعلن ذلك ؟؟؟؟؟؟؟
الخلاصة انا حاسس انهاحالات فردية تم استغلالها من بعض المنافسين للسيارة للتقليل من شانها خاصة بعد المبيعات والانتشار السريع للسيارة
ربنايبارك لكل من اقتناها وربنا يهدي الجميع

الله ينور عليك

و الله يا جماعة انا اقولكوا تصورى للموضوع هى كيا فى السابق و قبل انضمامها لهونداى كانت بتعانى من سوء تصميم شكل عربياتها و مع احترامى لمعظم عربيات الكيا القديمة ماكنش فى عربية كيا ليها شكل مميز و على كده كانت مبيعاتها بالنسبة للشركات الاخرى طبعا مش على نفس المستوى فعملت ايه لما انضمت لهيونداى بقى فيه فكر جديد فاستوردت الراجل العبقرى بيتر شراير مصمم اودى و ما ادراك ما تصميمات اودى حدث و لا حرج طبعا علشان يعمل ايه يصمم شكل العربية عاملة زى ماكون هابنى فيلا فاول حاجة باوديها لمهندس معمارى الراجل هيعمللى ماكيت للفيلا و هنا بيتر شراير عمل الماكيت لشركة كيا الراجل مش هيصمم و ينفذ و الا ايه دور شركة كيا هو عمل الماكيت بس و اما مهندس التنفيذ هو المهندس المدنى اللى ممكن ياخد تصميم رائع يبوظه فى لتنفيذ و يخلليه مش تمام او يحافظ عليه
و نيجى لموضوع المقصات و قبل ما اقول احب اقول ان كل حاجة ليها سر الصنعة يعنى سر الصنعة الالمانى مختلف عن اليابانى مختلف عن الكورى و كل الناس ممكن تعرف تركيبة مقص ايه انما السبيكة اللى تستحمل العمل الشاق هى دى السر و الفرق الحقيقى و الشطارة بين المنتجين فطبعا مرسيدس لما تعمل مقصات غير تويوتا غير كيا
و بالنسبة للمقصات تحديدا فواضح ان الجماعة الكوريين دايما عندهم المشكلة دى بدليل شركة هونداى الغت تماما انتاج احد موديلات الاكسنت و هو الموديل اللى احنا بنسنيه فيرنا نتيجة عيب فى المقصات بيجعل العربية ممكن تقلب عند الدوران (و طبعا احنا عندنا هنا بننتجها لسه الله ينور)
و كمان فى شركة دايو كانت النوبيرا برضه بتعانى من المقصات فالموضوع بيبقى خبرة شعبية بتتناقلها الشركات يعنى مثلا لما تلاقى شركة بيبسى اخترعت البيبسى تلاقى منافستها ماطلعتش من بلد تانية بل من نفس البلد كوكا كولا ليه دى ثقافة مشتركة يعنى الشعب ده بيعرف فى الحاجة دى او لا
لكن مافيش خلاف ان اللى عمله شراير فى تصميم شكل السيراتو كان خرافى صراحة و بصوا لباقى تصميمات عربيات الكيا زى الكارينز و السول هى تصميمات جديدة و مميزة كشكل فقط طبعا و دى حقيقة لا يمكن انكارها و خلت الناس تتجن على شراء عربية الكيا و ده طبيعى
انما هو السؤال ايه غير الشكل و الكماليات اللى اتغير من اساسيات العربية ؟ هل الموتور (اللى هو بتاع الالانترا) و الا الفتيس (هل فيه حاجة جديدة تكنولوجيا يعنى؟ (و الا الفرامل ايه الجديد و محدش يقوللى فيها abs النظام ده لمنع الانزلاق عند الفرملة و ارضنا فى مصر معظمها مش مزحلقة و بالتالى ماهواش يعنى التاثير الفظيع و الا فى قوة استحمال العفشة ايه تانى
و انا عارف دلوقتى فىاللى بيقول ما ده كويس قوى بكمالياتها قصاد السعر ايه طب سؤال الوكيل بتاع فولكس مثلا عارف ان معاه عربيات جودة مية مية فى غالبيتها يعنى تلاقى البولو عربية صغيرة و متر فى متر و ربع و تلاقيه حاططها ب120 الف مع محرك صغير و دى عربية صغيرة لعبة ياجدعان لو واحد تخين شوية هيدخل لوحده محدش هيركب معاه طب ليه بيحطها بالسعر ده بصرف النظر كونها وارد دولة من دول اليورو طب مامكن يعملها ب80 الف انما دى عربية مكوناتها حلوة و بتستحمل شوف قوة الفرامل وقت الزنقة اللى بجد اقعد جوة العربية و حس بالاتزان و الثبات طول رحلة المشى لا اكيد فى فن و حسابات مختلفة فى مكونات و تصميم المكونات دى مش باقول فولكس عربيات الخارقة بس لا فى فرق
و نقطة اخيرة بالنسبة لعمنا شراير زى ما قلت هو مهندس معمارى هيصمم الفيلا و يقبض فلوسه قد كده طبعا و خكاية انه مايرضاش يحط اسمه على عربية مش و لا بد اولا هو مش مهندس المدنى اللى لو العارة وقعت هيمسكوا فيه ثانيا ده طبعا قبض مبلغ و قدره علشان يعملل التصميم الخرافى ده و ارجو اى حد يحط نفسه مكانه واحد هيصمم فيلا و هو عارف ان المقاول للى هياخدها هيوقعها هيرفض يصمها و يا خد الفلوس علشان اسمه ياخى ديه ده

طب و حكاية الحدفة الشمال اللى مقلقة البعض انا شايف من خلال اراء اللى اشتكوا من موضوع الحدفة ان كلها تقريبا عربيات وكيل مش خليجى و هنا يبرز احتمال ان الوكيل استورد فرز عاشر من العربيات دى من المصنع امال الموضوعده ماظهرش فى المستورد ليه و هل لو هو عيب معروف عن العربية عالميا كان يظهر فى السعودية الكويت سوريا امريكا انجلترا او حتى كوريا و لما تدخل على موقع معروف للعربيات هتلاقى الموقع بيتكلم عن العربية بشكل عادى جدا لا هى سوبر و لا هى بتحدف

المشاركة الأصلية كتبت بواسطة hobiko

أسف جداً الكلام دة خاطئ و غير دقيق بالمرة

تصميم السيارة بالذات يجب أن يتوفر فيه عنصر مهم جداً هو ال-integration

بمعنى إن مفيش حاجة اسمها دة صمم الشكل الخارجي و ملوش دعوة بباقي العربية و دة عمل العفشة و مايعرفش حتركب على أنهي عربية و دة صمم الموتور و خلصت على كدة

معلش حضرتك لو الكلام ده صحيح و بيتر شراير بينفذ التصميم بحذافيره يعنى شكل و مواد خام و ترتيبة سواء فى العفشة او المقصات او غيرها و الراجل كان اودى بقى كيا ده معنى كده ان ده تحالف بقى بين اودى كيا و ان عربية اودى بنفس جودة عربيات كيا هل ده معقول و بعدين هو هيديهم كل حاجة حتى سبيكة المادة اللى بتتعمل منها المقصات و غيره؟
كلام حضرتك ممكن ينطبق على حالة زى تحالف فولكس اودى فولكس سيات فولكس سكودا هتلاقى كلهم فعلا واخدين روح فولكس و عصارة تصميماتها شكلا و موضوعا و ان كانوا مش على نفس الدرجة او بدرجة مختلفة انما ده مش تحالف بين اودى و كيا

المشاركة الأصلية كتبت بواسطة cameeron

و الله يا جماعة انا اقولكوا تصورى للموضوع هى كيا فى السابق و قبل انضمامها لهونداى كانت بتعانى من سوء تصميم شكل عربياتها و مع احترامى لمعظم عربيات الكيا القديمة ماكنش فى عربية كيا ليها شكل مميز و على كده كانت مبيعاتها بالنسبة للشركات الاخرى طبعا مش على نفس المستوى فعملت ايه لما انضمت لهيونداى بقى فيه فكر جديد فاستوردت الراجل العبقرى بيتر شراير مصمم اودى و ما ادراك ما تصميمات اودى حدث و لا حرج طبعا علشان يعمل ايه يصمم شكل العربية عاملة زى ماكون هابنى فيلا فاول حاجة باوديها لمهندس معمارى الراجل هيعمللى ماكيت للفيلا و هنا بيتر شراير عمل الماكيت لشركة كيا الراجل مش هيصمم و ينفذ و الا ايه دور شركة كيا هو عمل الماكيت بس و اما مهندس التنفيذ هو المهندس المدنى اللى ممكن ياخد تصميم رائع يبوظه فى لتنفيذ و يخلليه مش تمام او يحافظ عليه
و نيجى لموضوع المقصات و قبل ما اقول احب اقول ان كل حاجة ليها سر الصنعة يعنى سر الصنعة الالمانى مختلف عن اليابانى مختلف عن الكورى و كل الناس ممكن تعرف تركيبة مقص ايه انما السبيكة اللى تستحمل العمل الشاق هى دى السر و الفرق الحقيقى و الشطارة بين المنتجين فطبعا مرسيدس لما تعمل مقصات غير تويوتا غير كيا
و بالنسبة للمقصات تحديدا فواضح ان الجماعة الكوريين دايما عندهم المشكلة دى بدليل شركة هونداى الغت تماما انتاج احد موديلات الاكسنت و هو الموديل اللى احنا بنسنيه فيرنا نتيجة عيب فى المقصات بيجعل العربية ممكن تقلب عند الدوران (و طبعا احنا عندنا هنا بننتجها لسه الله ينور)
و كمان فى شركة دايو كانت النوبيرا برضه بتعانى من المقصات فالموضوع بيبقى خبرة شعبية بتتناقلها الشركات يعنى مثلا لما تلاقى شركة بيبسى اخترعت البيبسى تلاقى منافستها ماطلعتش من بلد تانية بل من نفس البلد كوكا كولا ليه دى ثقافة مشتركة يعنى الشعب ده بيعرف فى الحاجة دى او لا
لكن مافيش خلاف ان اللى عمله شراير فى تصميم شكل السيراتو كان خرافى صراحة و بصوا لباقى تصميمات عربيات الكيا زى الكارينز و السول هى تصميمات جديدة و مميزة كشكل فقط طبعا و دى حقيقة لا يمكن انكارها و خلت الناس تتجن على شراء عربية الكيا و ده طبيعى
انما هو السؤال ايه غير الشكل و الكماليات اللى اتغير من اساسيات العربية ؟ هل الموتور (اللى هو بتاع الالانترا) و الا الفتيس (هل فيه حاجة جديدة تكنولوجيا يعنى؟ (و الا الفرامل ايه الجديد و محدش يقوللى فيها abs النظام ده لمنع الانزلاق عند الفرملة و ارضنا فى مصر معظمها مش مزحلقة و بالتالى ماهواش يعنى التاثير الفظيع و الا فى قوة استحمال العفشة ايه تانى
و انا عارف دلوقتى فىاللى بيقول ما ده كويس قوى بكمالياتها قصاد السعر ايه طب سؤال الوكيل بتاع فولكس مثلا عارف ان معاه عربيات جودة مية مية فى غالبيتها يعنى تلاقى البولو عربية صغيرة و متر فى متر و ربع و تلاقيه حاططها ب120 الف مع محرك صغير و دى عربية صغيرة لعبة ياجدعان لو واحد تخين شوية هيدخل لوحده محدش هيركب معاه طب ليه بيحطها بالسعر ده بصرف النظر كونها وارد دولة من دول اليورو طب مامكن يعملها ب80 الف انما دى عربية مكوناتها حلوة و بتستحمل شوف قوة الفرامل وقت الزنقة اللى بجد اقعد جوة العربية و حس بالاتزان و الثبات طول رحلة المشى لا اكيد فى فن و حسابات مختلفة فى مكونات و تصميم المكونات دى مش باقول فولكس عربيات الخارقة بس لا فى فرق
و نقطة اخيرة بالنسبة لعمنا شراير زى ما قلت هو مهندس معمارى هيصمم الفيلا و يقبض فلوسه قد كده طبعا و خكاية انه مايرضاش يحط اسمه على عربية مش و لا بد اولا هو مش مهندس المدنى اللى لو العارة وقعت هيمسكوا فيه ثانيا ده طبعا قبض مبلغ و قدره علشان يعملل التصميم الخرافى ده و ارجو اى حد يحط نفسه مكانه واحد هيصمم فيلا و هو عارف ان المقاول للى هياخدها هيوقعها هيرفض يصمها و يا خد الفلوس علشان اسمه ياخى ديه ده

طب و حكاية الحدفة الشمال اللى مقلقة البعض انا شايف من خلال اراء اللى اشتكوا من موضوع الحدفة ان كلها تقريبا عربيات وكيل مش خليجى و هنا يبرز احتمال ان الوكيل استورد فرز عاشر من العربيات دى من المصنع امال الموضوعده ماظهرش فى المستورد ليه و هل لو هو عيب معروف عن العربية عالميا كان يظهر فى السعودية الكويت سوريا امريكا انجلترا او حتى كوريا و لما تدخل على موقع معروف للعربيات هتلاقى الموقع بيتكلم عن العربية بشكل عادى جدا لا هى سوبر و لا هى بتحدف

أولاً قياس حضرتك فاسد تصميم فيلا مش ذي تصميم سيارة خالص و أي مهندس ميكانيكا عارف أنا قصدي إيه

ثانياً فرق الصناعة الكوري عن الألماني موجود و محدش قال أبداً إن ال-cerato أحسن من bmw أو مرسيدس كل إلي قلناه كملاك للعربية إن دي أحسن عربية في فئتها السعرية و بتقدم أحسن قيمة مقابل السعر بردو في فئتها سواء كعربية أو كسعر

ثالثاً الأسعار في مصر مش مقياس لأي حاجة غير إن الحاجة دي غالية أو رخيصة كل واحد بيعمل إلي هو عايزه و كل وكيل بمزاجه و الناس بتشتري

رابعاً كلام ثقافة الشعب كدة دلوأتي بعت الشركات العالمية كلها تقريباً multi nationals و الأمثلة كتير الموضوع ملوش علاقة بالشعوب

خامساً كلام إن الوكيل جايب فرز عاشر (أنا حسيت اننا بنتكلم على سيراميك أنا بهزر على فكرة ) اسمحلي كلام بدون دليل و مردود عليه قبل كدة دة غير إنو غير منطقي و ناس كتير اتكلمت في الموضوع دة و على رأسهم كريم منير

المشاركة الأصلية كتبت بواسطة cameeron

معلش حضرتك لو الكلام ده صحيح و بيتر شراير بينفذ التصميم بحذافيره يعنى شكل و مواد خام و ترتيبة سواء فى العفشة او المقصات او غيرها و الراجل كان اودى بقى كيا ده معنى كده ان ده تحالف بقى بين اودى كيا و ان عربية اودى بنفس جودة عربيات كيا هل ده معقول و بعدين هو هيديهم كل حاجة حتى سبيكة المادة اللى بتتعمل منها المقصات و غيره؟
كلام حضرتك ممكن ينطبق على حالة زى تحالف فولكس اودى فولكس سيات فولكس سكودا هتلاقى كلهم فعلا واخدين روح فولكس و عصارة تصميماتها شكلا و موضوعا و ان كانوا مش على نفس الدرجة او بدرجة مختلفة انما ده مش تحالف بين اودى و كيا

أنا ماقلتش كدة أنا ماقلتش إن الراجل بينفذ تصميمات audi بحذافيرها ولا قلت إن فيه تحالف بين شركتين

أنا بتكلم في concept حيفهمو كل المهندسين و بخاصة مهندسين الميكانيكا إلي ليهم إهتمام بتصميم السيارات

ببساطة عشان الكلام مايبقاش مقعر زيادة عن اللازم

هو لما مورينهو ساب سبورتنج لشبونة و راح درب chelsea و بقى بيجيب معه بطولات كتير كدة يبقى فيه تحالف بين chelsea و سبورتنج لشبونة

المشاركة الأصلية كتبت بواسطة hobiko

أنا بتكلم في concept حيفهمو كل المهندسين و بخاصة مهندسين الميكانيكا إلي ليهم إهتمام بتصميم السيارات

ببساطة عشان الكلام مايبقاش مقعر زيادة عن اللازم

هو لما مورينهو ساب سبورتنج لشبونة و راح درب chelsea و بقى بيجيب معه بطولات كتير كدة يبقى فيه تحالف بين chelsea و سبورتنج لشبونة

طيب بما ان حضرتك مهندس ميكانيكا و دى فرصة نعرف من حضرتك الكونسبت بتاع الاخ شراير اللى خده من اودى و حطه فى كيا غير شكل العربية و ممكن رصة الحاجة بشكل مظبوط اكتر لكن فين بقى جودة الخامة نفسها و سر التركيب و ماشابه اللى هو المهم فى الموضوع عمل فيه ايه؟
و افهم من مثال حضرتك ان مورينيو هو شراير و تشيلسى هو اودى و سبورتنج لشبونة هى كيا طب اذن الفارق بين تشيلسى و سبورتنج لشبونة هو الفرق بين اودى و كيا و ان دربهم نفس المدرب العبقرى مورينيو او شراير صح كده؟

عموما الامور هتتحسن عن قريب
انا قرات في احد الجرائد الحكومية ان وزير التجارة يناشد وكلاء السيارات التوقيع علي ميثاق شرف بالتوقف عن استيراد السيارات الفرز الثاني وبيعها للمستهلك المصري بالاضافة لتغيير السيارة في حالة وجود عيب صناعة لا يمكن اصلاحة وبرغم رفض رجال الاعمال لتلك الوئيقة الا انه يحاول اقناعهم (ربنا معاهم الغلابة ولاد الغلابة)

ومن يومين قابلت مهندس في حماية المستهلك بشرني بالاعداد لقانون يمنع الغش التجاري وان علي المستورد او المصنع للسيارة محليا ان يفصح عن بلد المنشا وفي حالة مخالفة ما يعلنه عن الحقيقة يتم رد المنتج وسحب ثمنه بالكامل لصالح العميل (عشم العميل في الجنة)

وكل سنة وانتم طيبين يا حبايبي يا مساكين