صيــانه الــ 1000 , فى الواجــا ... ؟؟؟

**DASH** · 04-01-2010 08:31 AM

[justify]
السلام عليكم ورحمة الله وبركاته
احب اعرفكم بنفسي انا محاسب/شريف , وربنا كرمني واستلمت واجا 2009 ولسة مرخص
شاسيه رقم: 300230
لون: اسود
ورربنا هداني لموقعكو المتميز ده, مطولش عليكو انا قبل مشتري العربية قابلت مهندس آمر وسئلته على العربيه فطمني انها كويسه ومشاكلها بسيطة ولسه عامل تئريبا 200 كيلو ومستني صيانة الالف كيلو بس مش عارف طريقة الحجز ازاي فالصحراوي وايه الي بيتم فصيانة الاف كيلو,يمكن لسه علشان ملحئتش اقرا الكاتالوج بتاع الصيانة,وقرات كل الآراء المكتوبة ومدحكش عليكو دخلني نوع من القلق بالنسبة لدقة الصيانة والاهتمام بالعميل وزاد قلقي شويه لاني لما استلم العربية من الصحراوي كانت مش نضيفة من برة يمكن عشان كان الجو مش كويس او كانت فالمستودعات لفترة بس كونت حكون مبسوط لو كونت استلمتها بتلمع زي اي عربية زيرو وقفا فالمعرض بس دي متعتبرش مشكلة اوي, المهم تقيمي لاول صيانة ليا فالتوكيل وانشاء الله ححكلكو ايه الي حيحصل معايا بالتفصيل وياراب خير بعد كل النقاط الي عرفها المهندس آمر من الاعضاء المحترمين, طولت عليكو وشكرا
[/justify]

**eng.m7md.ali** · 04-01-2010 02:45 PM

متــــــــــابع

**mahmoud_magdy** · 04-01-2010 06:02 PM

اهلا استاذ شريف
الف مبروك على العربيه ربنا يباركلك فيها
متقلقش خالص من دقة الصيانه
اي مشاكل هتتحل ان شاء الله فقط قول لمهندس الاستلام على كل مشاكلك
رقم الحجز للصيانه 0117872000
تفاصيل الصيانه : تغيير زيت وفلتر دا الاساسي
دا غير انهم بيربطوا عفشه وبيراجعوا على كهرباء العربيه بشكل عام ولو عندك مشكله معينه برده بيحلوها ان شاء الله
ثمن الصيانه للواجا مش عارف بالظبط
بس الجين2 كانت 170
ومتقلقش خالص من التوكيل زي ما قلتلك
ان شاء الله هتطلع مبسوط
الف مبروك مره تانيه
ربنا يباركلك فيها

**Raul_7** · 04-01-2010 07:37 PM

كويس إنها كانت مش نظيفة عشان إنت عارف العين أول يومين بتبقى جامدة شوية فأنا شايف إن كده أحسن والله.

ربنا يباركلك فيها إن شاء الله.

**ahmadelsaeed** · 04-01-2010 09:27 PM

ربنا يباركلك فيها و يديك خيرها و يكفيك شرها

أنا لسه عامل صيانة الألف للواجا قريب

إنت كلم الرقم ده 0117872000 و إحجز الصيانة (و حاول تبقى فى نص الإسبوع عشان الدنيا تكون أخف) و قول لمهندس الإستقبال على كل حاجة و جرب العربية بنفسك بعد ما يصلحوها

أو ممكن تحجز من الموقع : http://www.ezz-elarab.com/proton/ind...&id=2&Itemid=5

الصيانة إتكلفت تقريبا 170 جنيه و فيها تغيير زيت و فلتر الزيت و تشيك على العفشة و الكهربا

أتمنى اكون فدتك ... و إدعيلنا معاك

**khpopo** · 04-01-2010 10:05 PM

الف مبروووك واجا الجميله ربنا يدك خيرها ويكفيك شرها اهلا بيك
ربنا يوفق

**waleedfesal** · 04-01-2010 10:16 PM

100000 مبروك على العربيه
ربنا يديك خيرها ويكفيك شرها ويكفيك شر العين
وعقبال صيانة 10000000

**emansalah** · 05-01-2010 01:54 AM

الف مبروك يا استاذ شريف وربنا يبارك لك فيها
ايوه كده خللى الواجاويه يكتروا شويه كل شويه جين 2 ....بيرسونا.....وادى الساجا نزلت وعامله شغل كويس
على كل حال البروتون عموما عربيه جميله ما شاء الله عليها وانا بحمد ربنا انه وفقنى من خلال هذا المنتدى الرائع فى شراء الواجا عربيه ما شاء الله عليها بفضل الله كل من ركبها معايا كان معجب بيها جدا
الف مبرووووووووك يا استاذ شريف و ربنا يحفظهالك

**XXXMEMOXXX** · 05-01-2010 02:44 AM

الف مبروووك عليك أ/شريف
وربنا يباركلك فيها..
حاول تقرا الكاتلوج كاملا لانه مهم جدا ,,
حضرتك مش تقلق من موضوع التوكيل دا ,, الناس ان شاء الله هيكونوا متعاونين وخليك متفائل ,,التوكيل بيحاول يحسن من سمعته وربنا يسهل .
تحياتي لحضرتك

**Abo.Mayyam** · 05-01-2010 09:10 AM

المشاركة الأصلية كتبت بواسطة XXXMEMOXXX

الف مبروووك عليك أ/شريف
وربنا يباركلك فيها..
حاول تقرا الكاتلوج كاملا لانه مهم جدا ,,
حضرتك مش تقلق من موضوع التوكيل دا ,, الناس ان شاء الله هيكونوا متعاونين وخليك متفائل ,,التوكيل بيحاول يحسن من سمعته وربنا يسهل .
تحياتي لحضرتك

الموضوع: صيــانه الــ 1000 , فى الواجــا ... ؟؟؟

LinkBack

أدوات الموضوع

عرض

-

-

-

-

-

المواضيع المتشابهه

زجاج الــ 1600

الفيرنا و الــ abs

بعد صيانة الــ 30000 كم

صيانة الــ 30000

الــ RapidShare

الكلمات الدلالية لهذا الموضوع

المفضلات

المفضلات

ضوابط المشاركة