هي الايرباجز عاملة زاى البطيخة .. ولا انا بيتهيألي ؟؟

السلام عليكم ..

طبعا عنوان غريب شوية .. بس انا حاسس ان في حاجة غلط ..

هل الايرباجز عاملة زاى البطيخة .. ياتطلع حمرا ياتطلع قرعا ؟؟

الفترة الفاتت دي كل الحوادث البتحصل -وقانا الله و اياكم شر الحوادث- قليل فيها البيفتح الايرباجز !!

كل حد يقول عملت حادثة و العربية اتعجنت بس الايرباجز مفتحتش !!

دلوقتي انا عايز اعرف هل الموضوع هبل كدة .. ولا في حاجة انا مش واخد بالي منها ؟؟

و ارجو من الخبراء في المنتدى يشرحولنا في انهي حالات بظبط بتفتح الايرباجز ؟؟

يعني لو العربية اتقلبت مثلا المفروض تفتح ؟؟

و فين اماكن السينسورز بظبط ؟؟

الموضوع محيرني فعلا لاني ملاحظ الموضوع الفترة الفاتت ..

الكتالوج بتاع عربيتك هتلاقي مكتوب فيه كل حاجة بالتفصيل الممل...و الصور كمان :)

على حسب معلوماتى المتواضعة بخصوص الايرباج وأماكن السينسورز فغالبا ما بتكون موجودة على جانبى المحرك خلف أنظمة التعليق وبالتالى لا تقتح الا اذا كان التصادم أمامى لدرجة تهشم مقدمة السيارة تماما حتى تفتح الوسائد الهوائية
أما فى حال انقلاب السيارة حول نفسها لفقد التوازن فمن الممكن أن لا تفتح إلا إذا كانت الخبطة مؤثرة على مواضع السينسورز
والوضع نفسه فى حالة التصادمات الجانبية
والله أعلم ...

اقتباس:

---

المشاركة الأصلية كتبت بواسطة nadernabil

الكتالوج بتاع عربيتك هتلاقي مكتوب فيه كل حاجة بالتفصيل الممل...و الصور كمان :)

---

اشكرا جدا يا نادر باشا .. و فعلا فهمت حاجات كتير ..

و لازم اوضح للاعضاء .. عشان في ناس كتير فاهمة غلط و انا كنت منهم

احييك :)

اقتباس:

---

المشاركة الأصلية كتبت بواسطة y2y1500

على حسب معلوماتى المتواضعة بخصوص الايرباج وأماكن السينسورز فغالبا ما بتكون موجودة على جانبى المحرك خلف أنظمة التعليق وبالتالى لا تقتح الا اذا كان التصادم أمامى لدرجة تهشم مقدمة السيارة تماما حتى تفتح الوسائد الهوائية
أما فى حال انقلاب السيارة حول نفسها لفقد التوازن فمن الممكن أن لا تفتح إلا إذا كانت الخبطة مؤثرة على مواضع السينسورز
والوضع نفسه فى حالة التصادمات الجانبية
والله أعلم ...

---

فعلا معلومات حضرتك قريبة جدا .. مع نقص بعض التفاصيل ..

و ان شاء الله هعمل موضوع اوضح فيه الموضوع دة

متااااااااابع

فى انتظار التفاصيل يا كريم باشا ..

مستنين موضوعك يا باشا

http://www.nilemotors.net/Nile/11585...post3872251524

http://www.nilemotors.net/Nile/102781-a.html