ازيكوا ياجماعة ..انا عندي 3 ولاد بوصلهم المدرسة كل يوم وعاملين زي المغول بيبهدلوا العربية لما بيركبوها..ياريت حد يقولي ازاي احمي ضهر الكراسي وعتبة الباب والارضية من جزمهم ودخلتهم العربية بعنف
عرض للطباعة
ازيكوا ياجماعة ..انا عندي 3 ولاد بوصلهم المدرسة كل يوم وعاملين زي المغول بيبهدلوا العربية لما بيركبوها..ياريت حد يقولي ازاي احمي ضهر الكراسي وعتبة الباب والارضية من جزمهم ودخلتهم العربية بعنف
انا زى حضرتك بس هنعمل ايه لينا ربنا
اعمل فرش للكراسى يكون ظهره جلد
هات دواسات فى الارض
العتب مش متاكد
اعتقد ان فيه عتب بلاستيك بيتلزق عليه
وبعدين كلمتين حلوين علشان يهدوا ويدخلوا بنظام
يعنى تقولهم الصغير بعدين الكبير
وتعودهم على كدة
فمش هيهزروا ويتسابقوا على اللى يدخل الاول
في حل صعب شويه
وممكن يكلفك كام زياره عن الدكتور
ارزع كل واحد فيهم قلمين .
ولما يروحوا البيت يقولوا لمامتهم...وانت ونصيبك بقا
هههههههههههههه
بهزر معاك
ربنا يباركلك فيهم
طبعا الفرش الجلد زي الشباب ماقالووو
وتحط لزق عادي من عند بتوع الاكسسوارات ع العتب عشان التجريح
.
وربنا يباركلك فيهم
انا عندى بردو الحوارات دى بس حاميت العتب بالاستيكر من عن الكماليات
اما الارض مشش عارف اعمل الموكيت ادبهدل بيشيلو الدواسة
طيب اعمل اى ادقها بمسمار عشان ما تتشلش
ربنا معانا
السلام عليكم
ربنا يخليهملك يارب ويحميهملك بس بلاش تزعلهم قلهم يدخلو بالراحه بس وبنظام وعودهم على كده وممكن تلزق نايلون على مدخل العتب عند اي حد بتاع كماليات وتعمل فرش جلد على فكره جامد جدا ومش بيتبهدل خالص وممكن تعمل جلد في الارضيات كمان بنفس درجه الكراسي انا مجربها وجامده جدا
متابع باهتمام
فيه حل ظريف أنا عامله عندى وهو انك تخللى السمكرى يفرش الأرض جلد فوق الموكيت .. ييفك الكراسى والكنبة ويفرش الأرض جلد ويعمله بغرز كده مع الارتفاعات والانخفاضات اللى فى الأرض ، فى الآخر بتلاقيه زى فرش الفابريكة وتنضيفه بيبقى سهل جداً حتى لو وقعت عليه سوائل .. وبيكلف حوالى 150 جنيه.