الموضوع: حرية الدعوة الى الفضيلة و حرية الدعوة الى الرذيلة

يا ويلك إنت و سواد ليلك ليه بتجمعنا معاك و إبقى قابلنى إذا قدروا يطبقوا كل عهرهم و فكرهم الضال فى مجتمعتنا سواء كان فى المسلمين أو المسيحيين و على فكرة واضح إنك ما تعرفش حاجة عن العالم اللى بتتكلم عنه ده لأن أنا قابلت ناس كتير فى أوروبا مستائين من الحرية السايبة عندهم دى و بالمناسبة هى حرية فى العهر بس لكن فى حاجات كتير هناك مافيهاش أى حرية و اللى يحاول يخترقها بينضرب على إيده بالحديد و النار
أما الليبرالية الغبية اللى بتتكلم عليها فهى وش تانى للإنفلات العلمانى اللى لفظته الكنيسة فى الغرب و جاى العلمانيين الليبرالين الأغبياء اللى موجودين عندنا فى العالم العربى عاوزين يطبقوها عندنا و بالمناسبة بقى
كان فى محاضرة أيام مؤتمر السكان اللى كان فى القاهرة سنة 1995 و كانت واحدة من الليبراليين إياهم بتتكلم عن الحرية الجنسية و لما قام أحد الحاضرين و طلب منها تديله معاد يروح البيت عندها ليمارس الحرية الجنسية مع بنتها سبته بأقذع الألفاظ و أمن الدولة وجب معاه :!:
يعنى مفيش حرية إذا كانت ستمس الدعاة ليها لكن الكلام ده نوجهه فقط للشعوب المسكينة نضحك بيه عليها و نستغلهم و نشغلهم لغاية ما ننهبهم بس ده مش هايحصل أبدا {يُرِيدُونَ أَن يُطْفِؤُواْ نُورَ اللّهِ بِأَفْوَاهِهِمْ وَيَأْبَى اللّهُ إِلاَّ أَن يُتِمَّ نُورَهُ وَلَوْ كَرِهَ الْكَافِرُونَ }التوبة32و كفاية كده :x

المشاركة الأصلية كتبت بواسطة أبو عبدالله

ربنا يبارك فيك أخي جندي مجند

واللهم أرحمنا ولا تحاسبنا بما فعل السفهاء منا

وعاوزين نشوفك المقابلة الجايه ان شاء الله

بارك الله فيك ... و ان شاء الله أكون معاكو فى المقابلة القادمة

المشاركة الأصلية كتبت بواسطة Nile Heart

الحل ياصاحبى هو ما توصل اليه العالم من عشرات السنين. حل اسمه الليبراليه..

تصدق انك صدمتنى؟!! آه و الله ... هو الموضوع موضوع ليبرالية بقى؟!! أنا بس عايز أسألك سؤال واحد ... هو الليبرالية دى اللى انت بنفسك قلت ان "العالم" (قصدك بعض "ذوى العقول المستنيرة" كما يحلو للبعض تسميتهم) أقول .. هل الليبرالية دى نزلت من السما ولا اخترعها الانسان؟؟ طيب و لو الانسان اخترعها يبقى ازاى متخيل انها ممكن تكون احسن من الحل الربانى اللى ربنا سبحانه و تعالى شرعه للناس جميعاً و أنزله فى رسالته لجميع الأنبياء؟

ربنا من أسمائه "الحكيم الخبير الحكم العدل" ... طيب بالله عليك قوللى ازاى نفضل الأخت ليبرالية دى اللى اخترعها الانسان قليل الخبرة قليل الحكمة متبع الهوى الذى لا يمكن ان يتصف بالعدل المطلق المنزه ... ازاى نفضلها على شرع الله الحكيم الخبير الحكم العدل؟؟؟

دعاة الليبرالية (قصدهم يعنى الرذائل و الفجور و اتباع الشهوات) لو ترك الأمر بيدهم لفسدت الأرض ... و مش أنا اللى بأقول الكلام دة ... دة رب العزة سبحانه و تعالى هو اللى بيقوله:

"وَلَوِ اتَّبَعَ الْحَقُّ أَهْوَاءهُمْ لَفَسَدَتِ السَّمَاوَاتُ وَالْأَرْضُ وَمَن فِيهِنَّ بَلْ أَتَيْنَاهُم بِذِكْرِهِمْ فَهُمْ عَن ذِكْرِهِم مُّعْرِضُونَ" - المؤمنون 71

"وَمَن لَّمْ يَحْكُم بِمَا أنزَلَ اللّهُ فَأُوْلَئِكَ هُمُ الظَّالِمُونَ" - المائدة 45

"وَمَن لَّمْ يَحْكُم بِمَا أَنزَلَ اللّهُ فَأُوْلَئِكَ هُمُ الْفَاسِقُونَ" - المائدة 47

"فَاحْكُم بَيْنَهُم بِمَا أَنزَلَ اللّهُ وَلاَ تَتَّبِعْ أَهْوَاءهُم" - المائدة 48

"أَفَحُكْمَ الْجَاهِلِيَّةِ يَبْغُونَ وَمَنْ أَحْسَنُ مِنَ اللّهِ حُكْمًا لِّقَوْمٍ يُوقِنُونَ " - المائدة 50

بيتهيألى ليس هناك ما يمكن ان أضيفه فالآيات واضحة و لا تحتاج الى نقاش --- أخى الفاضل أدعوك لمراجعة ما تقوله بينك و بين نفسك و دراسته جيداً فهو كلام خطير ... و لعلك تعلم أنه ليس كل الغرب "يدين" بدين الليبرالية هذا ... فهناك الكثير ممن يسمون نفسهم "المحافظون" - و الذين هم فى رأيى ليسوا الا غلاة متشددين برضة بينما لنا فى شرعنا حلاً وسطاً معتدلاً "و كذلك جعلناكم أمة وسطاً" --- تقدم الغرب ليس مرهوناً بالانحلال و انما مرهون بأخذهم بالأسباب التى أهملناها نحن و تأخرنا ليس بسبب معتقداتنا و لكن بسبب تواكلنا و تكاسلنا و اغراقنا فى تلك الشهوات التى تدعى انها ستكون سبب تقدمنا و لا أدرى كيف يكون الانسياق فى الشهوات سبباً للتقدم و ليس العمل الدؤوب و الصبر و جهاد النفس فى طلب العلم و العمل به و اتقانه ... و الله المستعان