الإخوة متعلمي القيادة حديثا : - نرجو الحيطة والحذر

طبعا كلنا عارفين الطريقة اللى بنستخرج بها الرخصة فى مصر :unhappy:

ولذا قد تكون سواقتنا غير سوية وصحيحة وبنضطر للتعلم الحقيقى على أرض الواقع ,, ولكن قد يحدث ما لا يحمد عقباه فى تلك الفترة الغير لطيفة ,,

نادرا ما تلاقى حد ماعملش حادث وهو حديث العهد بالقيادة بسبب الغشم وقلة الخبرة ( ومنهم انا :shyy: )

وبالتالي الرجاء الرجاء : -

توخى الحذر , واعلم انك لسه بدرى على ماتتحكم تحكم كامل فى العربية , لا يقل عن سنة كاملة فى شوارع المحروسة تدريب ولا تغرك العربية وحداثتها ووسائل الامان

اسأل الله لي ولكم الصحة والعافية والسلامة من شر الطريق

كتبت الموضوع ده بسبب حادث حدث لصديق برغم نصحى له ألا يشترى سيارة حديثة ليتعلم عليها والا يتحرك بحرية على الطريق وهو لم يكمل شهره الثانى تعليم

شكرا يا دكتور محمود علي تحذير حضرتك وفعلا الحذر مطلوب سواء للمتعلمين حديثا او حتي اللي بقالهم كتير بيسوقوا لان محدش معصوم من الخطأ وفعلا بعد سنة من السواقة الموضوع بيختلف جدا لدرجة ان الواحد بيبدأ يحس انه سايق وهو مغمض بس برده المفروض ميتغرش في نفسه ونفضل دايما حذرين في سواقتنا لاننا حتي لو مغلنطاش لازم نتوقع خطأ الغير

والله يا دكتور لازم الكلام ده يبقى على الكل
زى ما بيقولو السواقه ملهاش كبير
افضل و اكثر السواقين خبره مبيسلموش من الحوادث
لذا توخى الحيطه والحزر لازم يكون من الجميع
مش من حديثى القياده فقط
وطبعا شكرا جدا جدا على تنبيه حضرتك

حضرتك عندك حق فعلا
المشكله فى ان العربيه بتغرك ( حتى لو كانت قديمه )
انا دايما اول ما بدات اسوق كنت بوصى اللى راكب جنبى
انه لازم ينبهنى لو عديت 60 كم

جزاكم الله خيرا على التنبيه

وكما يقال السواقة ملهاش كبير
والحوادث بتحصل في ثانية

بجد بجد الف شكر يا دكتور محمد على النصيحة

وأنا من المُتعلمين حديثا ، والحمد لله بحاول أمشى بهدوء وبدون ما أضايق حد (بغض النظر أنى أوقات بكسر على ناس كسرات بسيطة بسبب عدم الخبرة) بس الحمد لله معملتش حوادث (بس فى شجرة تحت البيت لازم أحك فيها وأنا بركن d: )

وبأذن الله هفضل ماشى براحتى كده بس والله بزعل لما بحس أنى كسرت على حد جدا

اقتباس:

---

المشاركة الأصلية كتبت بواسطة م/مصطفى محمود

(بس فى شجرة تحت البيت لازم أحك فيها وأنا بركن d: )
ا

---

طيب ماتشيلها يا بشمهندس وخلاص او اركن فى حتة تانية:B4_556:
ولا يمكن العربية بتبقى عايزة تهرش فى شنطنتها:ma(30):
طبعا بهزر معاك اوعى تزعل لك منى كل إحترام وتقدير
والف شكر للدكتور محمود على النصيحة المهمة جدا

شكراً يا دكتور على النصيحة و أحب أضيف حديثي القيادة يخدوا بالهم من اليوتيرنات .. والوقوف المفاجيء للسيارات اللى أمامهم .. وكمان طرق السفر بلاش الأستعجال ويقول خلاص أنا أقدر أسافر بالعربية وهو لسه مش متمكن وربنا يستر طريقنا جميعاً

شكرا يا دكتور محمود
ادعيلي
لسة بتعلم

اقتباس:

---

المشاركة الأصلية كتبت بواسطة dr_ahmad

شكرا يا دكتور محمود
ادعيلي
لسة بتعلم

---

ربنا يسترها عليك ,,, حط فى بالك لا يقل عن سنة تدريب عشان تبقى مسيطر على عربيتك تماما ,, وماتغامرش لو مش حاسس بالثقة فى قيادتك

اقتباس:

---

المشاركة الأصلية كتبت بواسطة m_nabil

شكراً يا دكتور على النصيحة و أحب أضيف حديثي القيادة يخدوا بالهم من اليوتيرنات .. والوقوف المفاجيء للسيارات اللى أمامهم .. وكمان طرق السفر بلاش الأستعجال ويقول خلاص أنا أقدر أسافر بالعربية وهو لسه مش متمكن وربنا يستر طريقنا جميعاً

---

طبعا اليوترن لو اتاخد بغشم هيسبب بلاوى , وطبعا السفر ,

حضرتك فكرتنى بصديق أخر اشترى 128 واول مرة يحط رجله يسوق ,,

وبعد شهرين من التحرك بحرص ليلا , غرته ثقته فى نفسه وبدأ يطلع على الزراعى على سرعة 60 - كويس جدا - بس نتيجة لعدم خبرته بالتحكم فى العربية مرت من جنبه تريلا كبيرة بتتخطاه و وهو على ال 60 اتبرجل كسر يمين لبس فى عامود , العربية خربت وباعها خردة

اقتباس:

---

المشاركة الأصلية كتبت بواسطة م/مصطفى محمود

بجد بجد الف شكر يا دكتور محمد على النصيحة

وأنا من المُتعلمين حديثا ، والحمد لله بحاول أمشى بهدوء وبدون ما أضايق حد (بغض النظر أنى أوقات بكسر على ناس كسرات بسيطة بسبب عدم الخبرة) بس الحمد لله معملتش حوادث (بس فى شجرة تحت البيت لازم أحك فيها وأنا بركن :m_yes[1]::m_yes[1]::m_yes[1]:

وبأذن الله هفضل ماشى براحتى كده بس والله بزعل لما بحس أنى كسرت على حد جدا

---

تاكد من كلام حضرتك ان سيطرتك على العربية ينقصها الكثير ولذا لزم الحرص والحيطة والحذر والمزيد من التدريب فى الطرق الفاضية

اقتباس:

---

طيب ماتشيلها يا بشمهندس وخلاص او اركن فى حتة تانية:B4_556:
ولا يمكن العربية بتبقى عايزة تهرش فى شنطنتها:ma(30):

---

مهم أصلهم شجرتين وبحاول أركن بينهم (ولو محطياهاش فى النص بتبقى خارجه بعيد عن الرصيف)

بس أهو واحده واحده يا أنا هتعلم يا العربية هتبطل تهرش :36_1_1[1]:
وبصراحة مستحرم أقطع الشجرة + ده أفضل مكان ممكنأركن فية (الشارع أصلة مناطق نفوذ وكل واحد عارف منطقتة :36_1_1[1]:)

اقتباس:

---

تاكد من كلام حضرتك ان سيطرتك على العربية ينقصها الكثير ولذا لزم الحرص والحيطة والحذر والمزيد من التدريب فى الطرق الفاضية

---

:M_yes[1]::M_yes[1]::M_yes[1]:

انا كل اللى سوقتة 4 مرات للكلية (بتاع 14 كيلو رايح جاى ) وأمبارح لستى ستار (والحمد لله كان تمام) وبمشى بيها كل كام يوم مثلا شوية مع نفسى فى المنطقة ، بس النقطة فى أنى عندى أمتحانات بقى وكده فمبحبش أركبها كتير

والف شكر يا دكتور محمد على النصيحة

شكرااااااااااااا

السواقه ملهاش كبير

اقتباس:

---

المشاركة الأصلية كتبت بواسطة ahmedsamir79

السواقه ملهاش كبير

---

العبارة الشهيرة : -

القيادة فن وذوق وأخلاق

السواقة عاوزة دراية بالآله التي تقودها وكيفية التحكم فيها وأبعادها وأبعاد الطريق وعاوزة كمان مران كثير وتركيز حتي تتراكم خبرة الملاحة الالية وانت سايق وردود فعلك تكون صح وتلقائية واللي بيعرف يمشي علي رجليه من غير ما يخبط في أحد أويتعامل مع الناس بمستوي عالي أعني كما تحب أن يعاملوك الناس وأنك تبقي حريص في أنك ما تلمسش أي شيء وخصوصا أي حاجة فيها روح :satelite::satelite::Ta_clap[1]::Ta_clap[1]: وذلك منعا للعطلة اللي ملهاش داعي وتوفيرا للمصاريف ووجع الدماغ بسبب الوقوع في أخطاء التعامل مع العربية وقيادتها وعدم مراعاة أخطاء الآخرين ونشكر بالطبع صاحب الموضوع

شكرا يا دكتور على الموضوع و على النصيحة

و عندك حق فعلا يادكتور فى موضوع سنة تدريب لان الشوارع فى مصر بتبقى مهرجانات مفتوحة

و ربنا يحمى الجميع

لعلمك انا لما بدأت أسوق فى عمان حسيت ان ال 20 سنة خبرة فى القيادة فى مصر > لا تساوى شئ فى اسلوب القيادة السليم

طبعا احنا هنا بنسوق بمبدا البقاء للاقوى على الدائرى و مبداء تعريض البوز فى الزحمة و مبداء البلطجة فى فن القيادة العكسية

من الاخر مفيش قانون محدد بنمشى عليه

مش لازم ياباشا كل واحد لسة بيتعلم لازم يعلم حدثة
انا اتعلمت على عربية لانسر بتاعت و الدى و اتوماتك كانت زيرو و مكنتش بعرف اسوق و الحمد للة معملاتش اى حدثة و بعد ما بقت تمام التمام فى السواقة و بقيت خبير فى الغرز و الشد
ومرة كنت ماشى وعملت حدثة نصيب
الخلاصة ان موضوع الحدثة اول حاجة نصيب و بعد كدة عدم الحرص

مش قاعدة فعلا , بس وجب التنبيه, وربنا يسترها عليكم

جزاكم الله خيرا على التنبيه

عفوا وربنا يحفظنا جميعا

شكرا على التنبية يا دكتور

انا مرة واحد خد مني الفابيا يمتحن بيها

بعد ما عدى التراك ووقع 5 اقماع

حكلي جنب العربية كله في عربية سوبارو راكنة

ما تديش عربيتك لحد نهائى بدون زعل ,, هل صديقك تكفل بتصليح سيارتك ؟؟

للالاسف هو اصلا مش صديقي

بس واحد اعرفه

وطبعا هو قالي تحت امرك

بس مقدرتش اطلب منه حاجة (صعبة على نفسي)

حصل خير واديك خذت تجربة تحلف بيها على أي حد يطلب منك العربية

اقتباس:

---

المشاركة الأصلية كتبت بواسطة د.محمود صلاح

حصل خير واديك خذت تجربة تحلف بيها على أي حد يطلب منك العربية

---

معاك حق انا والدي قالي بعد الموقف ده

المرة دي طلع واحد مبيعرفش يسوق
ممكن المرة الجاية يكون واحد بيعرف يسوق بس حرامي