مهم وعاجل جدااااااااا بخصوص صيانة الـ 1000

بسم الله الرحمن الرحيم

أزيكو يا أحلى بروتونية فى مصر والعالم كله .... :8_8_13:
انا عارف ان انا كل شوية استفسارات .. بس معلش هو فى الاول كده :shyy:
المهم باختصار ...
انا العربية عاملة معايا 560 كم .. وماشاء الله ممتازة جدا ومافيش اى مشاكل غير انى عاوز اركب لمبة النور الهادى اللى بايظة من أول يوم وكمان عاوز التوكيل يبصلى ع الفرامل اللى انا حاسس انها بعيدة ... بس انا ان شاء الله كنت ناوى اسافر بالعربية يوم الخميس واحتمال لما ارجع اكون عديت
الـــ 1000كم بكتير ..
السؤال : لاغاية كام كيلو فوق الـ 1000 كم أقدر أجل الصيانة لغاية ماأرجع ؟؟ :shyy:
ولا ينفع أحجز وأوديها صيانة الالف كم بدرى عن ميعادها بحوالى 350 كم ؟؟؟؟ :shyy:
برجاء سرعة الرد عليا ضروووووووووووووووووورى

متقلقش سافر براحتك عادى لحد 1500 و فى ناس عملت الصيانه بعد كدا كمان مفيش مشاكل

بوص يا سيدى
اولا روح الفرع اللى انت مشترى العربيه منه خد ورقه تثبت ان اللمبه بايظه من الاول
عشان فى الصيانه هايقولولك مالناش دعوه اللمض مش فى الضمان وهات حاجه تثبت انك مشتريها كده عشان يشيلو تمنها هناك فى المبيعات
ثانيا : عادى ممكن تتأخر فعلا لحد 1500 مثلا
بس المهم ماترفعش الrpm عن 3.5 تقريبا وماتدوس الدواسه على الاخر وانت ماشى وماتشغلش التكييف
يعنى هاتسافر على سرعة 100 مثلا على الخامس ومنغير تكييف ولا تسارع

طبعا الكلام ده الكلام المثالى لكن فى ناس بيعملو اللى هم عايزينو والعربيه تمام بردو

ااه والفرامل كمان قولهم عليها فى صيانة الالف وهايعملولك حاجه فيها
هايرجلشولك حاجه كده
هاتظبط شويه

يفضــل تعمل الصيانات الاولى فى مواعيدهــا (1000 , 5000 , 10000) ... ودا عشان حمايه اجزاء العربيه

ودا عشان كمان مش وانت مسافر تبقى حاسس ان فى حاجه محدداك ومقلق ... وكمان طريق السفر العربيه هتكون عاوزه تجرى ... والزيت اللى عندك لو لزوجته قلت وحرقت فى الجرى مش كويس ... وكمان تربط عفشه احتياطى لو محتاج.

لو قبل ماتسافر هتكون عديت الــ700 كم ... احجز فى العجوزه الخميس الصبح وروح اعملها احتياطى ...

.
.

وبخصوص لمبه الفانوس ... لازم تكون سجلتها فى محضر الاستلام ... فـ وانت رايح الصيانه بتاخد معاك الصوره اللى معاك (اللى اخدتها يوم الاستلام) وتديهالهم فى الصيانه



وربنـــا يباركلـك فى جينـــا يارب ... ويحفظهالك ويكفيك شر الطريــق

تحيـــــــــــــاتــــىhttp://i122.photobucket.com/albums/o.../th_eclown.gif

10000000 شكر يا جماعة ع الرودود السريعة الوافية دى كلها ..
ربنا يكرمكم جميعا

أنا عملت صيانة ال 1000 وكنت عامل تقريبا 1200 كم

بس زى ما قل أيمن خليك وراه :colsmil:

وانا عملت اول صيانه عند 1350ك
ولم توجد اى مشاكل
لكن انت ممكن تربط عفشه عادى بره لو انت عايز تتطمن اكتر


.

نصيحة : لو حاسس ان الفرامل اضعف من اللازم . او مش مسعفة في حالة الخطر روح على التوكيل وقولهم الموضوع ده ( مهم جداُ )
وهما حيظبطوا المشكلة دي على طول. وعلى فكرة هي مش بنحتاج تظبيط غير مرة وحدة بس..

بس قبل ما تعمل كده جرب الفرامل كويس
روح في حته فاضية واجري شوية 60كم او 80كم ودوس فرامل خطر ( طبعاً الـabs ) حيشتغل متشيلش رجلك من على الفرامل.
وشوف المدى اللي حتقف فيه العربية لو لقيتة مرضي يبقى خلاص لو لقيته طويل والعربية مش بتتلجم كويس اطلع على التوكيل وهما حيقموا بالازم...

تقبل تحياتي