يا ريت لو حد عندة فكرة عن رقم بيك السلانسية في 128 ال 1300
لاني حاسس ان اللي راكب فيها مش بتاعها
و شكراااا
عرض للطباعة
يا ريت لو حد عندة فكرة عن رقم بيك السلانسية في 128 ال 1300
لاني حاسس ان اللي راكب فيها مش بتاعها
و شكراااا
اعتقد رقم 115
انا اللي مكتوب عندي 57 و مش عارف ده صح ولا غلط
طيب رقم بيك البنزين
طيب اي رقم
فى ال 132 لما كانت بتاكل بنزين الميكانيكى افتى ببيك صغير خنق لى العربية واضطريت ارجع المقاس الأصلى
متاااااابع
بيك السلانسية يا اما 50 او 45
دول احسن اتنين لل28
الله ينور على المعلومات ياباشااقتباس:
بيك السلانسية يا اما 50 او 45
دول احسن اتنين لل28
يا عم ميسو الله يكرمك
احنا بس مش عايزين نعقدكو
اخبار المووود اية اليومين دول
انت عندك نوعين للبيجات فى الكربرايتر بتاع ال128
فيةواحد بيبقى رقمة 45-50
والتانى بيبقى رقمة 110 ودة بتاع البنزين يعنى لو حضرتك بتسال على بيج البنزين الاصلى بتاع العربية 105
لكن عشان تفوق العربية وتبقى كويسة معاك هات 110 هيبقى جميل جدا واستهلاك البنزين مش هايعلى ولو معجبش غيرة هو كلة بتلاتة جنية
الحمد للهاقتباس:
يا عم ميسو الله يكرمك
احنا بس مش عايزين نعقدكو
اخبار المووود اية اليومين دول
طيب لو فيها غلاسة البيك اللي بيكون في شمال الكربراتير و هوة عبارة عن مسمار و فية ثقوب كدة ده بيك السلانسية و لا بيك البنزين؟؟
و مكان البيك التاني فين بالضبط ؟؟
و شكرا لكل الردود
http://img189.imageshack.us/img189/1925/file32.jpg
اللى فى الصورة دة بيك السلانسية وبيك السرعة دة تقريبا جوة الكربراتير
وبيك السلانسية دة بيبقى حتتين يعنى لما تفكة ممكن مايطلعش كلة مرة واحدة وخلى بالك بيتفك الوش بتعاة بس وبيقت البيك بيبقى شابك جوة الحتة الى بيبات فيها وخلى بالك لو هاتلعة من مكانة لانة عامل زى عفريت العلبة اول لما تطلعة بيفط علطول وانسى انك تلاقية انا مرقت وقع منى على السريع وفى حتة ضلمة وقعدت احسس علية فى الارض انى الاقية انسى وفضلت ماسية وساندلها بنزين علشان لو شلت رجلك هاتبطل
المهم بالنسبة للبيك الى فى الناحية الشمال الى فية خروم كتيرة دة
انا مش عارف الصراحة حضرتك تقصد اية مفيش بيك فى الناحية دى وفية خروم ممكن حضرتك تصورة وتقولى قصدك اية بالظبط
وبالنسبة لطريقة ظبط بيك السلانسية المفروض ان البيك دة بيتقفل بطريقة بحيث انة مايدخلش بنزين زيادة للموتور ودة بيبان لما تحركة وتبص جوة الكربراتير من عند البوابة كدة تلاقى البوابة الى جوة المنفول معرقة بنزين وبتفضل تفتح فية سنة سنة يكاد يكون ملى واحد بس مش جامد يعنى لحد ماتلاقى العربية اتظبطط ومفيش بنزين بعرق على البوابة بتاعة المانفول لان لو مش مظبوط العربية هاتاكل بنزين كتير
وساعات برضة الصنيعية تلاقيهم لفين على البيك من برة تخشينة بفتلة تخينة علشان يعمل مشوار فى ظبطة البيك يعنى يقدر يكبر المسافى الى بيظبط فيها لفة البيك
طبعا افتكاسات الصنيعية على الرغم من انها بتنجح الفكرة دى بس طبعا بعد فترة البيك ممكن يفتح تانى وبكدة سياتك تروح تكع عشرة جنية علشان سعادتة الباشا المهندس الدكتور الميكانيكى يظبطلك البيك
وكمان لزيادة المعلمة والحرفنة تلاقية معلملك بالمفك فى جسم الكربراتير على شكل شرطة كدة قدام الحتة الى مسمار البيك واقف عليها علشان تبقى زى دليل كدة يظبط علية
مش بقولك باشموهندس دكتور
قال يعنى الخواجة ابن التيييييت مش لاقيلها حل وسابنا احنا نعدل علية
يار ب اكون وصلت المعلومة الى عندى لحضرتك ونصيحة من اخوك الصغير لو مبتعرفش او هاتوه فى موضوع البيكات دة يبقى ماتلعبش فيها وخلى الصنيعى يظبطهالك وخلاص بس اهية معلومة حضرتك عرفتها وخلاص
يا ميسو دى حاجات بسيطة انا كنت عامل زيك كدة خايف افك بس ضربو الاعور وانت فاهم بقى
انا بس الى فاضلى شوية عدة محترمة وافك المكنة واعمرها بنفسى بس دة ينطبق بس على ال28 غير كدة انا مبحبش ابوظ حاجة معرفهاش
وبعدين يا ريس انا باذن الله هاجيلك فى يوم ونظبط الكلام دة كلة بس اخلص بس الى ورايا اليومين دول وافضالك
اقتباس:
يا ميسو دى حاجات بسيطة انا كنت عامل زيك كدة خايف افك بس ضربو الاعور وانت فاهم بقى
انا بس الى فاضلى شوية عدة محترمة وافك المكنة واعمرها بنفسى بس دة ينطبق بس على ال28 غير كدة انا مبحبش ابوظ حاجة معرفهاش
وبعدين يا ريس انا باذن الله هاجيلك فى يوم ونظبط الكلام دة كلة بس اخلص بس الى ورايا اليومين دول وافضالك
فى انتظارك والله مستنيك ولازم اشوفك يا معلم
شكرا جدا للاخوة الافاضل اللي ردوا
و خصوصا الاخ عصام
و ان شاء الله حفك الكربراتير و يا رب اعرف اركبة تاني
يارب تعرف تركبه تانى عشان تشجعنى وتقولى عملته ازاااااىاقتباس:
شكرا جدا للاخوة الافاضل اللي ردوا
و خصوصا الاخ عصام
و ان شاء الله حفك الكربراتير و يا رب اعرف اركبة تاني
العملية بتاعت فك الكربراتير دي لاقيتها صعب جدا و انا مبحبش ابوظ حاجة بصراحة
بس انا لاقيت البيك بتاع السلانسية
و المفاجاة
البيك كان مطين و منيل بستين نيلة
المهم نظفت البيك بالجاز و بعدين سلكتة بشعرة سلك رفيعه جدا
و ركبتة
و العربية اداءها اتحسن كتيييير في السلانسية و بطلت ترعش
العملية سهلة
و شكرا تاني لكل الاعضاء اللي شاركوا
انا مش عارف يا جماعة انتوا ليه عايزين تفكوا الكاربيتير ده مبيتفكش الا لما تكون عايز تنظفة كله وتعملة صيانة انما موضوع بيك السلانسية كفاية اوى انك تشيل العمة وهيبقى باين قدامك جدا وتظبطة زى مانت عايز ولما تتعود علية هتقدر تظبطة كمان من غير ما تشيل العمة انا بعمل كده سواء اذا كان فى بيك السلانسية او مسمار الهوا بتاع التعلية والتوطية
انا مبقلش لحد يفك حاجة يا جماعة بس انا كنت بوضح ازاى تفك الكربراتير مش معنى كدة انك تقوم تفكة وخلاص هية مش لعبة انا قصدى تبقى عارف الدنيا ماشية ازاى ولما تبقى فاضى والغزالة رايقة وعندك وقت وعايز تعمل شوية نظافة غير عادية يبقى تفك الكربراتير وتنضفة وابسط حاجة هاقولهالك لما تبقى تفتحة ابقى بص على الغرفة الى فيها العوامى واتفرج على الطييين الى راقد تحت قرب البيك الى فى اخر الغرفة دى
ومرة تانية بقول دى مش دعوة للفك وخلاص بس فى ناس هنا مابتعرفش حتى تظبط الهوا ولا بيك السلانسية زى ما حضرتك بتعمل
انت بتعرف تعملهم وتظبط العربية يبقى برافو عليك لان العربيات القديمة دى بتحتاج ظبط كل شوية
انما شوفت بقى بيقولك فتح بيك السلانسية لاقاة كلة طين من جوة سلكة وحطة تانى بقيت اخر حلاوة
اصل هوة احنا كدة يانبقى مسلمين دقننا لبتوع الميكانيكا والكهربا ولو عايز تعرف حاجة يقولك مش هاتعرف يا استاذ خليك انت بس فى الطارة والغيارات
بس بنقول لا لازم نبقى عارفين الدنيا ماشة ازاى هية مش زيرو راكبينها وبننزل ندور الصبح ونمشى دى عربيات بقالها كتر من 25 سنة شغالة وبتعملها فى اى حتة
ههههههههههههههههههاقتباس:
وبتعملها فى اى حتة
حلوه بتعملها فى اى حته دى يا عصام ههههههههههههههه
بس انت كل كلامك صح العربيه ممكن تعمل اى دقه نقص فلازم نبقى مستعدين وعارفين حنهمل ايه
وبعدين انت كتر الف خيرك انك شرحت وعملت الى عليك والى عاوز يفك يستحمل هو وهو مفيش حد حيتعلم من اول مره
والى خايف يفك يبقى كده فهم وهو واقف على ايد الصنايعى يبقى فاهم
الله يكرمك يا استاذ خميس
بس والله انا غرضى الاساسى اننا نفهم العالم ولا التيييييييت دول بيعملو اية
هاقولك حاجة تجربة قريب حصلت معايا
صاحبى الى معاة اللانوس
جالى قالى الحق فى بخار مية طالع من فتحات التطييف
قلتلة اكيد سربنتينة السخن بتسرب جوة الطابلوة علشان كدة بتطلع بخار عليك شكلها كان عامل كانك بتغلى مية فى الراد بتاع الشاى والبخار بيطلع من البوز بتاعه البراد
المهم
قلتلة بسيطة هاتفك واحدة من خرطوم الى جايب المية السخنة وترجعة على الداخل بتاع المكنة او العكس علشان تلغى الدايرة بتاة السخن لاننا مش بنستعملها
بس بصراحة والله يا ميسو خوفت على العربية من ايدى لان دى مهمن كانت برضو دايو مش 28 ومعرفش فيها قوى بس السيستم واحد
طب يالة اعملها هات العدة واشتغل يا عبقرينو
قلتلة لا وديها للمكانيكى يعملهالك انا مش عارف الخراطيم دى رايحة على فين
والافايز بتاعتها الى رايحة على السربنتينة مش باينى من حوض العربية
طب رحنا للباشموهندس الدكتور العالم الفذ الميكانيكى
ايوة يا ريس ارعلى العربية يابنى وحللى الخرطومين دول
معلش معاكش كشاف فى الموبيل بتاعك
طيب خد اهة حط الموبيل فى بوءة (الله يقرفة ) وبينور بية قلت ماشى علشان خاطر صاحبى مش مشكلة فى داهية ميت موبيل
المهم عملها وفى الاخر شال خرطوم واحد وخدة عندة الورشة والتانى تناة ورجعة على الداخل بتاع المكنة وربط وتمام
ببص كدة على الفتحات بتاعة الرسبنتينة الاقيها عريانة وبتنقط مية
طب هوة محطش الحتة التانية لية وعملها على شكل حرف يو وقفل دايرة السربنتينة بقولة يابنى هوة سايبهالك لية كدة
طب كلمة قالة عادى مش هايحصلها حاجة قلتلة لا هايخش فيها ميت شتا وتصدى وتحدف مية فى الدواسة راح الميكانيكى قالة خلاص روح هاتلى طبتين مية
راح جاب وبعدين حطهم كدة وخلاص
بقولة انت لية مجبتش الحتة الى انت خلعتها وركبتها مكان الطبتين دول
لالا اصلها طويلة قوى وكانت هاتحك فى دراع الفتيس
طب يا عم الحاج ماتقصها وتعملها كدة حرف يو
طبعا مردش وقالك اية العيل الخنيق دة ولاقيتة بيبصلى من فوق لتحت
الخلاصة من الموضوع انك تبقى عارف الدنيا فيها اية وميفكش مسمار من حتة ويركبة فى حتة تانية علشان يريح دماغة لانهم 99% منهم بيقولك هايرجعلى تانى وخليك فاكر الكلمة دى هايرجعلى تانى ولو هوة عمل الحاجة بضمير اكيد برضة بعد فترة هاتبقى فى جديد يعنى رزق تانى ودة طبيعة البلد الارض مدغدغة والطين والشتا واكيد اجدع عربية هاتعطل فى يوم من الايام
بس تقول اية بقى حسبى الله ونعم الوكيل فى كل واحد بيشتغل ومبيعملش شغلة بضمير
علشان كدة دايما تلاقيم مخنوقين ويقولك الحال زفت وطين وشغلانة مؤرفة والرزق قليل مع ان سعادتة الباشا حططة ايدة بس على العربية عشرة جنية شوف بقى بيحط ايدة على كام عربية فى اليوم بس علشان مبيحمدش ربنا وبيشتغل بضمير مهما يكسب ولا بيحس بالفلوس
فعلا عندك حق فى كلامك
فعلا عندك حق والله بس انا الحمد لله من يوم ماجبت العربية وانا اى حاجة بحتاج اروح فيها للمكانيكى بروح اعملها وبفضل واقف معاه مع انى ببقى لسه راجع من الشغل علية علطول علشان بطلع بدرى يقولى روح اتغدى وتعلالى علشان متضيعش وقتك وتستريح شوية اقوله لأ متقلقش مش ورايا حاجة ولما يجى يقولى عايزين كذا( يعنى قطعة غيار معينة ) اقولة ليه يقولى مش هتفهم:I_angr1[1]: اقولة وانا كمان مينفعش اجيب حاجة جديدة وانا مش عارف القديمة فيها:049: ايه وفضلت على الحال ده لغاية لما عرفت كل حاجة وبقيت بظبط الهوا وبيك السلانسية لوحدى وبظبط كهربا الاسبراتير وبقيت عارف دورة تشغيل العربية كلها وفايدة كل جزء حتى جوة الموتور وده بفضل ربنا سبحانه وتعالى :ask:وبقيت وانا راكب العربية وقت ما احس بحاجة او اسمع حاجة اعرف السبب ايه وانزل اعملة ومعايا عدتى كاملة:3mla: حتى وير السرعة لما كان بيفصل زمان كنت افكة واظبطة واشغلة ودى احلى حاجة تستفاد منها فى ركوب المستعمل انها بتعلمك كل حاجة غصب عنك غير الجديد اعطالة قليلة جدا فعمرك ما هتتعلم اهو كده والحمد لله لما ربنا يكرم الواحد فى يوم من الايام بجديد هيبقى عارف هو راكب ايه وميخفش من عطلة الطريق بإذن الله
ههههههههههاقتباس:
فعلا عندك حق والله بس انا الحمد لله من يوم ماجبت العربية وانا اى حاجة بحتاج اروح فيها للمكانيكى بروح اعملها وبفضل واقف معاه مع انى ببقى لسه راجع من الشغل علية علطول علشان بطلع بدرى يقولى روح اتغدى وتعلالى علشان متضيعش وقتك وتستريح شوية اقوله لأ متقلقش مش ورايا حاجة ولما يجى يقولى عايزين كذا( يعنى قطعة غيار معينة ) اقولة ليه يقولى مش هتفهم:i_angr1[1]: اقولة وانا كمان مينفعش اجيب حاجة جديدة وانا مش عارف القديمة فيها:049: ايه وفضلت على الحال ده لغاية لما عرفت كل حاجة وبقيت بظبط الهوا وبيك السلانسية لوحدى وبظبط كهربا الاسبراتير وبقيت عارف دورة تشغيل العربية كلها وفايدة كل جزء حتى جوة الموتور وده بفضل ربنا سبحانه وتعالى :ask:وبقيت وانا راكب العربية وقت ما احس بحاجة او اسمع حاجة اعرف السبب ايه وانزل اعملة ومعايا عدتى كاملة:3mla: حتى وير السرعة لما كان بيفصل زمان كنت افكة واظبطة واشغلة ودى احلى حاجة تستفاد منها فى ركوب المستعمل انها بتعلمك كل حاجة غصب عنك غير الجديد اعطالة قليلة جدا فعمرك ما هتتعلم اهو كده والحمد لله لما ربنا يكرم الواحد فى يوم من الايام بجديد هيبقى عارف هو راكب ايه وميخفش من عطلة الطريق بإذن الله
القديم بيعلمنا الادب