السلام عليكم ورحمة اللة وبركاتة، يا rehab11 :
فى شأن طلب ترشيح سيارة من الثلاثة ( ماتريكس مانيوال ولا اكسنت اتوماتيك ولا تيجو 1600)
اولاً/ احب تقبلى مشاركتى فى الترشيح لسبين:
· الاول نظراً لانى كنت فى الموقف دة من سنة تقريباً ولاكن ما بين(( ماتريكس اوتوماتيك ولا تيجو 2000اتوماتيك))- عشان مكنش لسة فية تيجو1600- ونتيجة للمقارنة والاستفسار تم اختيار التيجو، واعتقد انة كان اختيار موفق لدرجة كبيرة.
· الثانى لانى مجرب الاسبيرنزا منذ 3 سنوات ، بدلت خلالها ثلاث سيارات اسبيرنزا، اخرها تيجو2000 اتوماتيك - وبالتالى خبرتى فى الاسبيرنزا اعتقد انها ممكن تقول معقولة فى الحكم عليها.
ثانياً/ بالنسبة لموضوع ترشيح سيارة من الثلاثة، تعالوا نفكر بشيْ من العقل وبعيد عن اللت والعجن فى
موضوع السيارات الصينى.
والمنطق بيقول نحدد مزايا وعيوب كل سيارة وبعد كدة نرشح السيارة الافضل.
مبدئياً/ اعتقد انة يتم استبعاد الاكسنت من المقارنة ، الا فى حالة ان الاوتوماتيك يفرق مع صاحب القرار.
ولو حبينا نحدد اهم العيوب والمزايا (من وجة نظرى الشخصية والتى قد تختلف مع غيرى) هتكون كما يلى:
أولاً/ مزايا التيجو بالنسبة للهيونداى:
1. سعر التيجو ارخص .
2. حجم وابعاد السيارة وارتفاعها افضل ومقاس الكاوتش المستخدم فيها اكبر – وبالتالى هناك سهولة فى قيادتها والتحكم فيها خصوصاً مع طبيعة شوارع والارصفة فى مصر.
3. الشكل الخارجى للتيجو استيل و افضل بكتير.
4. كماليات التيجو اعلى بكتير.
5. قوة المحرك: نفس السعة اللترية والتيجو اعلى فى (h/p)، لاكن قد يكون محرك الهيونداى ذو اسم تجارى وخبرة اعلى، ولاكن التكنولوجيا المستخدمة فى محرك التيجو اعلى.
6. وسائل الامان اعلى فى التيجو: سمك الصاج ووجود وسائد هوائية ونظم الفرامل المستخدمة .
ثانياً/مزايا الماتريكس بالنسبة للتيجو:
1. اسم وسمعة الهيونداى افضل بكتير من الصينى.
2. تقفيل الهيونداى افضل – والمشاكل الى ممكن تظهر فيها اقل من الممكن تظهر فى التيجو.
- علماً بان معظم المشاكل الى بتظهر فى الاسبيرنزا بشكل عام نتيجة سوء التقفيل المحلى.
3. الصالون الداخلى والتشطيب للماتريكس افضل ( التيجو فقيرة من جوة شوية).
4. عفشة الماتريكس افضل من التيجو و مابتحتجش لتربيط بشكل دورى زى التيجو(حسب الاستخدام).
5. مراكز الصيانة وقطع الغيار :
- بالنسبة لمراكز الخدمة موش بتفرق كتير ، ولاكن البيشتغلوا فى الهيونداى (الورش الخارجية) اكتر
مع ملاحظة انها فى تزايد بالنسبة للاسبيرنزا (مراعاة عمر السيارة بالسوق).
- قطع الغيار ، اعتقد ان اسعارها موش فارقة كتير ما بين الاثنين ـ وان كانت طبعاً المحلات الى
بتشتغل فيها بالنسبة للهيونداى اكثر بكتير - وبرضة مع ملاحظة انها فى تزايد بالنسبة للاسبيرنزا
(مراعاة عمر السيارة بالسوق).
الخلاصةـ توكيلى على اللة واشترى التيجو ، ومتدقيش اوى لو حاجة ظهرت فيها طالما فى حدود المقبول،، وان شاء اللة تكون نصيحة مقيدة اكثر منها مضرة.
ولو فى استفسار معين بالنسبة للتيجو ، ان على اتم استعاد للرد،،،،،،،،،
وفى النهاية دة تجربتى ورأى الشخصى فى التيجو الممكن يتعارض مع حد تانى .
ونصيحة صلاة الاستخارة، سيكون فيها الفايدة الاكيدة انشاء اللة،،،،،،،،،،
المفضلات