عرض للطباعة
من فتره لاحظت انالعربيه بتاكل زيت كتير وبتطلع دخنه جامده لونها ابيض عند التدوير
طبعا بخلاف اكل البنزبن الغبر طبيعى الصفيحه بتعمل 130 وفى تناقص مستمر
بعد ما سألت ميكانيكى مش ثقه اوى قاللى ده طقم ستبر وجوانات
عايز اعرف بس اعمل ايه وأتاكد ازاى
والعربيه بتسخن جامد برضوا
ياريت تفيدونى علشان عايز ابدأ فى الموضوع ده :shyy:
العربية بتطلع دخنة بيضاء عند التدوير فقط وبعد شوية الدخنة بتقل أو بتختفي ولا الخنة دي مستمرة علطوول وبتزيد لما تقرص على الموتور؟!
لو الوضع الأول يبقى دي مشكلة صبابات ولو التاني يبقى شمبر
لا هى العربيه وهىماشيه مافبهاش حاجه مش بلاحظ اى دخنه
لو المشكله كده تبقى صبابات طيب اعمل ايه بقى اكشف على البوجيهات مثلا اشوفها معرقه زيت ولالا وموضوع اكل الزيت والبنزبن ده ايه حله
شكرا لاهتمام حضرتك طبعا بس يا ريت تفيدنى
لو الدخنة اول الدوارة بس يبقى وش السلندر
لو الدخنة مستمرة على طول
يبقى طقم الشمبر او الشميزات
مهو مادام في مشكلة في الصبابات سواء كاوتش الصباب متأكل أو الصبابات معوجة او كدة بيكون في تسريب للضغط في غرفة الإحتراق ده اللي بيخلي إستهلاك البنزين يزيد والزيت اللي بينزل من عند الصبابات لغرف الإحتراق وبيتحرق أول ماتدور العربية بردة هو السبب في نقص الزيت
والحل إنك تحل وش السلندر وتشوف ايه الي بايظ في الصبابات وتغيرة
طيب ياجماعة لو الدخنة دي في أول الدوارة الصبح مابتظهرش أوي إلا لما أقرص علي الماتور تبقي أية كمان أحيانا أعمل مشوار صغير العربية وأجي أركن وحاول أجرب تاني أشوف في دخنه ولالأ بلاقي برضة مع القرص والعربية سخنة دخنة أنا بجد مش عارف الكلام دة لسة ظاهر عندي فجأة لدرجة أني شكيت أنه ممكن يكون موجود من الأول وأنا ماكنتش واخد بالي عموما وأنا سايق مابلاحظش حاجة طبعا بس مرة واحد صاحبي لاحظها كان سايق ورايا وقالي في دخنة بتظهر لما باجي أنقل الغيار ياريت ياجماعة حد يرد عليا ويقولي ده أيه ويتكلف كام بجد أنا زهقت وكل ماأخلص من حاجة تطلعلي حاجة تانية علاوة علي ذلك أنا عايش في الغردقة يعني المصنعيات نار و الصنايعية زي الزفت وأكتر شوية ومابيفهموش حاجة وأنا قربت أحط أيدي في الشق....اقتباس:
المشاركة الأصلية كتبت بواسطة tmedhat
مفيش رد من السادة الأخوة في المنتدي
طقم شنبراقتباس:
المشاركة الأصلية كتبت بواسطة shockoprinz
ياجماعة أنا غامرت وفتحت المتور وعملت طقم شنبر والحمد لله كل حاجة كانت في الماتور سليمة من صبابات وبساتم وشمايز هو بس طقم الشنبر اللي عملتة و العربية قطعت الدخان خالص بس في حاجة تانية ظهرت وهي نقص المياه وخروج مياة من الشكمان أنا شكيت أن جوان وش السلندر اللي انا غيرتة بايظ خصوصا أن انا كنت جايب جوان صاج والميكانيكي جه يركبة لقاه كان راكب قبل كدة فقالي روح رجعة وهات واحد تاني جرينجريد حاجة كده صناعة مصرية وزي الكارتون وركبناه بس علشان مطولش عليكم المياه عندي بتنقص من القربة ومفيش عندي أي تسريب من وصلات الرداتير ومعنديش أي ملاحظة علي الزيت في الوقت الحالي غير أنه سليم لما شكيت روحت للميكانيكي قالي مفيش حاجة و الجوان سليم ودة أكيد سببة أنك معملتش مشواير بالعربية بعد الشغل في المكنة خصوصا انا كنت بدور العربية علي السلانسية ومركونة قدام البيت معظم الوقت أنا بجد هتجنن الميه الناقصة بتروح فين والميه اللي بتطلع من الشكمان مع القرص علي العربية وهي واقفه مصدرها أية مش معقول دة يكون نتيجة حبك البساتم عندي أنا قبل ما أعمل الشنبر المية ماكنتش بلاحظها بس عمري ماشتكيت من نقصها وبعد طقم الشنبر بقيت ألاحظها بسبب المية اللي بتنزل من الشكمان.... معاش أنا طولت عليكم بس ياريت حد يرد عليه في الموضوع ده
;كشفت عند اكتر من ميكانيكى قاللى الموتور مافيهوش حاجه والزيت ده كان بسبب جوان الكرتيره مش عارف بقى الحل ايه
هى دخنه بيضاء كده فى اول التدوير لما بزود بنزين او بكبس عليها وانا بسخنها وبعد كده بتختفى بعد نصف دقيقه بالظبط
ياريت حد يفيدنى
كدة الموضوع غالبا ينحصر في الصباباتاقتباس:
المشاركة الأصلية كتبت بواسطة jant
هتفتح وتشوف لو الصبابات سليمة يبقى هتغير كاوتش صباب فقط
خلاص ان شاء الله هعملها خلال الاسبوع ده وهتابع معاك remoz ويارب يكون الموضوع بسيط علشان انا والله تعبت خلاص
أخى الفاضل الجو اليومين دول برد شويه وطبيعى يبقى فى بخار مياه صادر من الشكمان فى بدايه الدواره ويختفى بعد ما العربيه تسخن بشويه لاحظ السيارات التى تسير امامك فى الصباح ستجدها كلها بها هذا البخاراقتباس:
المشاركة الأصلية كتبت بواسطة jant
أما لو لون البخر بيميل للزرقه يبقى كده فعلا فى كاوتش صباب وفى الحاله دى لما تفك الموتور الميكانيكى هيقلك نعمل طقم شنبر كمان لأن بردو ممكن يكون حبكهم قل شويه
أتأكد قبل ما تفك الموتور ربنا معاك
ممكن حضرتك تغير غطاء القربه وتقولى النتيجه أيهاقتباس:
المشاركة الأصلية كتبت بواسطة shockoprinz
النهارده مثلا الجو حر مش برد والدخنه برضوا كانت موجوده بس مش طول اليوم انا لسه نازل من ربع ساعه دورت العربيه معملتش حاجه مش عارف بقى بس فى ريحة بنزين نى مع الدخان دى برضوا بسبب ايهاقتباس:
المشاركة الأصلية كتبت بواسطة m.mostafa80
دى ممكن تكون نتيجه تلف البوجيهات أو سلوكها أو عدم ظبط كهرباء السياره أكشف على الحاجات دى وقولى النتيجهاقتباس:
المشاركة الأصلية كتبت بواسطة jant
وأن شاء الله خير
وسؤال معلش العربيه انجيكشن ولا كربراتير
العربيه كاربراتير
ولسه مغير بوجيهات من اسبوعين
طيب ممكن حضرتك تشوف حد تخصص كربراتير يعمل صيانه للكربراتيراقتباس:
المشاركة الأصلية كتبت بواسطة jant
كان فى واحد مشهور فى امبابه بس مش عارف مكانو وعمال أفتكر فى أسمو مش عارف
وان شاء الله خير متقلقش
انا عملت بالفعل من اقل من شهر صيانه كامله للكاربراتير ابواب واكس وغير حاجات فى الشداد كان فيها بوش ومفيش اى تغيير فى استهلاك البنزين ومش عارف والله الحل ايه