كنت عاوز مكان اشترى منه علبة دركسيون جديده للعربيه هى موديل 2001 سيدان عندى علشان العلبه اللى عندى باظت و جربت اصلحها اتصلحت شويه وبعدين رجعت باظت تانى وسألت على الجديده فى التوكيل قالى 3500 :majd(4):من غير الضريبه فأنتوا رأيكوا اعمل ايه؟؟؟؟؟
عرض للطباعة
كنت عاوز مكان اشترى منه علبة دركسيون جديده للعربيه هى موديل 2001 سيدان عندى علشان العلبه اللى عندى باظت و جربت اصلحها اتصلحت شويه وبعدين رجعت باظت تانى وسألت على الجديده فى التوكيل قالى 3500 :majd(4):من غير الضريبه فأنتوا رأيكوا اعمل ايه؟؟؟؟؟
انا كنت شاريها من الجندى اللى فى شارع دمشق وهى المفروض الاصلى بتاعتها و كانت ب650 للمانيوال
دكان سليمان حلمى أمام سنترال رمسيس - ليس دعاية ولا يمت لى بصلة - فى التوفيقية كنت بأتعامل معاه فى كل شئ عن البرايد - كانت معى لمدة 7 سنوات - ولا أنصح بحشوها لأنها بتبوظ تانى
على فكره لو تقصد الاسكتره الباور ملهاش حل غير التوكيل لانى فعلاا دخت عليها اكتر من 3 شهور وبعد معملتلها قونصيلات علشان اقدر اتحرك بيها عرفت انى مش هلاقيها غير فى التوكيل
وللامانه لسه مركبتهاش لحد اليوم
بص انت امامك اكتر من حل:
الاول انزل شارع دمشق و التوفيقيه و دور بنفسك واتأكد انك تجيب الكورى سيبك من اى حاجة تانيه لان الباقى كله صينى و مفيش تايوانى عشان محدش يضحك عليك على فكرة فيه محل نافع اللى فى دمشق ممكن تلقيها عندة بردة.
التانى انك تجيب واحد استيراد و حاول يكون معاك عفشجى عشان يشوف الحالة و ديه هتعمل فى حدود 250-300 و لو لقيت حاله نظيفة يبقى انت الكسبان فرق الفلوس.
الثالث انك تجيب الصينى و ديه هتعمل فى حدود 250 بس طبعا الاستيراد انضف بكتير و عمرها اطول.
اخر حاجة ممكن تسأل عليها فى توكيل السايبا الايرانى لان فى الاغلب هى نفسها و هتلاقى تمنها ارخص
انا فعلا سألت عليها فى توكيل السايبا الايرانى وقالولى ان اللى موجوده عندهم دلوقتى هى العاديه اللى من غير باور انما اللى فيها باور لسه هتيجى الشحنه الجايه بس هما مش متأكدين اذا كانت تنفع تركب ولا لأ
انما انا مسألتش عن نافع ده هنزل شارع دمشق وادور عليه كده وبرده هسأل فى المحلات اللى هناك يمكن الاقى
انا مستبعد حل الاستيراد ده علشان لسه دافع 400 جنيه فى طقم الاصلاح واديها رجعت باظت تانى و علشان كده خايف اجيب واحده استيراد وترجع تبوظ تانى وابقى عمال اصرف فى حاجات على الفاضى علشان كده قولت اجيبها جديده احسن اصل انا خلاص هتجنن من العربيه دى اصلا كل شويه يحصل فيها حاجه و مش لاقى ميكانيكى عدل يعرف بيشتغل فيها كلهم بيفتوا فياريت بردوا يا جماعه لو حد يعرف ميكانيكى كيا كويس و يكون عن تجربه يقولى عليه
معلش يا جماعه دوشتكوا معايا ومتشكر على تعبكم معايا
شكرا لكل من ساهم بمعلومة
شوف الجندى اللى فى مدينة نصر
بيهتموا بالكيا اكتر من دمشق
وعندك محمد عاصم فى ش دمشق
وفيه واحد اسمه نافع
بس مش عارف توفيقية ولا دمشق
والمنير فى اول فيصل بيشتغل فى الكيا برده