عرض للطباعة
السلام عليكم و رحمه الله و بركاته
انا مقبل على صيانة الـ 1000 لعربيتى النيو سيراتو بس لغاية دلوقتى لسه مستلمتش كتاب الضمان من المعرض اللى انا جايب منه العربيه علما ان العربيه وكيل, فهلا ححتاج الكتاب ده و انا بعمل الصيانه و لا ممكن اروح من غيره ؟
ارجو من اصحاب السياره الافاده
انا عملت صيانه الالف فى روكسى الشهر الماضى و لم يسألو على كتاب الضمان..بس سألو على الرخصه و أخذوا بيناتها و خلاص.
اذا لم يكن المعرض استلم كتيب الضمان الخاص بك من التوكيل - يمكنك استلامه عند صيانة الـ 1000 كيلو-عموماً ممكن تسأل أستاذ/محمد سامى فى توكيل أبو رواش اذا كان الكتيب الخاص بك مازال فى التوكيل أم لا.
أستاذ محمد الرزاز-ممكن لو تكرمت نعرف عنوان فرع روكسى، وايه رأيك فى مستواه
طيب ممكن بعد اذن حضرتك تقولى رقم تليفونه او وسيلة اتصال بيهاقتباس:
اذا لم يكن المعرض استلم كتيب الضمان الخاص بك من التوكيل - يمكنك استلامه عند صيانة الـ 1000 كيلو-عموماً ممكن تسأل أستاذ/محمد سامى فى توكيل أبو رواش اذا كان الكتيب الخاص بك مازال فى التوكيل أم لا.
رقم تليفون ابة رواش 35391484 وقول لهم عاوز المهندس/محمد سامى فى الضمان
انا استلمت الكتيب بتاع الضمان تبعد يومين من ترخيص العربية
ولما رحت ابو رواش نسيته وماخدش سأل عليه
هما بس سألوني ان كانت خليجي ولا لا
المشاركة كاملة هنا
http://www.nilemotors.net/Nile/115186-1000-3.html
جزاك الله خيرا و ان شاء الله حكلمه و ارتب معاه انى اخد كتاب الضمان من هناك على طول و انا بعمل الصيانهاقتباس:
رقم تليفون ابة رواش 35391484 وقول لهم عاوز المهندس/محمد سامى فى الضمان
شكرا جزيلا على الرد و الاهتماماقتباس:
انا استلمت الكتيب بتاع الضمان تبعد يومين من ترخيص العربية
ولما رحت ابو رواش نسيته وماخدش سأل عليه
هما بس سألوني ان كانت خليجي ولا لا
المشاركة كاملة هنا
http://www.nilemotors.net/nile/115186-1000-3.html (ضيانة الـ1000 لنيو سيراتو في ابو رواش ودفع مبلغ غريب)
اقتباس:
المشاركة الأصلية كتبت بواسطة khaled_al_nowaihy
عفوا استاذ خالد على تأخر الرد نظرا لظروف العمل...أنا متابع جيد لقسم كيا فى المنتدى و استفدت منه كثيرا و لكن مشاركتى قليله نظرا لضيق الوقت.
أولا العنوان:فى قلب ميدان روكسى...
بالنسبه للمستوى لم يرضى توقعاتى...الناس هناك أعتقد انهم مبتدئين..و خلينى أحكيلك ماذا حدث هناك...
فى البدايه يتم تسليم العربيه فى ممر ضيق, انا كنت فى الاول وكان هناك شحص واحد يتولى استلام العربيات و طلبت منه مقابله المسؤل, فقالى إنه فى خدمتى, فبدأت أشرح له عمليا مشكلتى مع السخونه اسفل الكنسول و كيف انها ناتجه عن عدم عزل ماسوره معدنيه غير مغطاه داخل الصالون و جعلته يلامسها بيده ليكتشف مدى سخونتها و ابديت استغرابى كيف يمكن أن يكون جزء من ماسوره معدنيه مكشوف و بهذه السخونه داخل صالون العربيه؟
(لقد اكتشفت ذلك عندما سقطت منى عمله معدنيه أثناء القياده, فبحثت عنها وانا سايق و عينى على الطريق و ايدى اليمين بتدور تحت , فجأه أحسست بلسعه شديده ناتجه عن شئ شديد السخونه...نظرت فورا على مؤشر الحرارة...كان عادى..ركنت لاتفحص من اين هذه السخونه الشديده..فاكتشفت انها من هذه الماسورة فى اخر الكنسول الى جانب مجموعه من الاسلاك الاخرى حيث ان الكنسول مفتوح من نهايته و هذه الاشياء هى داخل الصالون و مكشوفه...هنا اكتشفت سر سخونه الكنسول الذى يتحدث عنها المنتدى كثيرا و كانت غير ملحوظه لى)
نرجع تانى للصيانه...طلبت عزل هذه الماسورة..فرد المسؤل ان ذلك هو فابريكه العربيه و ان هذه الماسوره هى أحد مواسير التكيف و كل النيو سيراتو كده..فقلت له انى لم اشغل التكيف, فرد ان السخونه غير مرتبطه بتشغيل التكيف من عدمه.. وقال أذا أردت عزل الماسوره فلابد من فك الكنسول...فوافقت..فقال انه سيعرض المشكله على المهندس و يرى ماذا يمكن عمله!!!!!!...
طولت فى الحديث مع الراجل!!يمكن 3 او 4 دقائق!!..سمعت كلاكسات وواحد نازل متضايق..بصيت ورايا لاقيت 4 او 5 عربيات.. فاكرين ان أنا معطل الممر! مش بسلم العربيه للصيانه زيهم بالضبط, بس هى دى الاجراءات شخص واحد و عربيه واحده.
المهم اخد العربيه و قالى الصيانه الجايه مع ال 10000و يمكن ان تنتظر في الاستراحه..فسألته كم يستغرق الوقت للانتهاء من الصيانه, فكان الرد حوالى ساعتين, فغادرت المكان على ان أعود بعد الساعتين.
كان ينتظرنى بالخارج زوجتى و أبنى لحين انتهائى من تسليم العربيه حيث كنا على موعد مع طبيب الاطفال فى نفس منطقه روكسى ( انا اساسا ساكن قريب من روكسى), ده كان يوم سبت (أجازه) و قلت أخلص كله مره واحده....
بعد حوالي 3 ساعات رجعت لمركز الصيانه..وجدت العربيه واقفه أمام المعرض (هو أساسا معرض و مركز صيانه eit وكيل كيا) و كانت مغسوله و ما شاء الله منوره و الناس بتتفرج عليها....تركت زوجتى و ابنى بجوار العربيه و دخلت المعرض للمحاسبه....
و جدت نفس الشخص اللى سلمته العربيه كان يتحدث مع أحد العملاء, فانتظرت حتى ينتهى و سألته ايه الاخبار؟..قال كله تمام.. تفضل.. و أصطحبنى الى الخزينه...كانت التكلفه 268 جنيه فدفعت المبلغ, و أثناء اصدار ايصال السداد كنت على وشك السؤال ماذا تم فى موضوع عزل الماسوره, فاذا بهاتفى المحمول يرن و زوجتى تطلب منى احضار المفاتيح لان الولد يبكى و تريد وضع عربيته فى صندوق السياره و الانتظار داخلها لحين انتهائى.... سألت نفس الشخص(هو قالى على اسمه بس انا نسيته) سالته عن المفاتيح..قالى مع الامن..خرجت مسرعا و هم لايزالو فى اصدار ايصال الدفع...طلبت من كشك الامن المفتاح و شاورت على عربيتى..كان هناك 3 رجال واحد منهم سألنى انت دخلت حاسبت؟ فقلت أيوه..فسالنى عن ايصال الدفع..فقلت له انى كنت بالداخل و خرجت لاضع بعض الاشياء فى العربيه فرفض اعطائى المفتاح!!!...كنت على و شك الثوره فاذا به يفتح لى السياره بالريموت و يقول أهو فتحتهالك(منتهى قله الذوق....بل هى و قاحه)!!...قولت له بصرامه أعطنى المفتاح أريد و ضع أشياء فى الشنطه...فأعطانى المفتاح و تكلم فورا فى التليفون..أكيد علشان يبلغ عنى!!!
سارعت الى العربيه و فتحت الشنطه لاضع عربيه الصغير داخلها و تركت زوجتى و ابنى بداخل السياره و عدت الى الداخل....كنت قد قررت عدم الاحتجاج على ما حدث في الخارج لانى عارف انه لا حايودى و لا حايجيب و اخره يمكن كلمه اعتذار بناقصها.
فى الداخل كان تم اصدارايصال الدفع فأستلمته و طلبوا منى نسخه تسليم العربيه للصيانه, فاعطيتها لهم...و سألت ذلك الشخص ماذا تم فى موضوع عزل الماسوره...فرد انه لايمكنهم فعل شئ فى هذا الموضوع لان هذه هى فابريكه العربيه و اذا كان هذا الموضوع مضايقنى فيمكننى الذهاب الى أبو رواش لمقابله الخبير الكورى لبحث شكواى و ذلك اى يوم ماعدا الجمعه و السبت أيام أجازه هذا الخبير!!...أو يمكننى ارسال ايميل الى كيا كوريا مباشرة متضمنا شكواى (بصراحه حسيت انى مش واقف فى توكيل كيا فى مصر و ان انا بعمل صيانه داخل مركز خدمه الوكيل).......لم اجادل كثيرا..و شكرته عائدا الى زوجتى و ابنى المنتظرين داخل النيو سيراتو.
شكراً جزيلاً أستاذ محمد، تجربتك مع فرع روكسى أفادتنى كثيرا بحق .... سوف اذهب الى أبو رواش لصيانة 1000.
أتمنى لك التوفيق و يكون أبو رواش أفضل من روكسى...
ممكن يا أستاذ خالد لما تروح تطلب مقابله الخبير الكورى و تعرف هل عنده حل لمشكله عزل ماسوره التكيف؟
تحت أمرك، بس قول لى بيانات العربية (النوع-الموديل-السنة .... الخ)اقتباس:
المشاركة الأصلية كتبت بواسطة mohamedelrazzaz
روكسى مستواهم سيء فى كل حاجة
نحن نتحدث عن كل أنواع النيو سيراتو 2010 .....انا عربيتى sx 2010اقتباس:
المشاركة الأصلية كتبت بواسطة khaled_al_nowaihy
المفروض يتم ختم صيانة العربية فى كتيب الضمان كما كان يحدث معى أيام الكيا برايد
السلام عليكم و رحمه الله و بركاته
اشكركم جميعا على الردود و الحمد لله تم عمل صيانه الـ 1000 اليوم بدون الحاجه الى كتاب الضمان , فقط الرخصه
علي فكرة انا جربت روكسي في صيانة 1000 كم وحسيت اني في ورشة ولاكن لما رحت ابورواش حسيت اني في احسن توكيل في مصر وخاصة المهندس محمد حسين بصراحة راجل قمة في الاحترام وعلي دراية جامدة جدا بالعربية
ضمان السيارة من الأشياء الضرورية جداً جداً جداً و لابد من إستلامه و يجب ختمه عند إجراء كل صيانة حتى إنتهاء فترة الضمان و هذا من حقوقك الرئيسية التى لو تهاونت فيها فلا تلوم إلا نفسك