عايز اروح سراى القبة عند سنترال سراى القبة .. انا ساكن فى المعادى .. ممكن اروح من صلاح سالم ؟؟ وازاى الطريق واللفة ... شكرا
عرض للطباعة
عايز اروح سراى القبة عند سنترال سراى القبة .. انا ساكن فى المعادى .. ممكن اروح من صلاح سالم ؟؟ وازاى الطريق واللفة ... شكرا
اقول لحضرتك انت تفضل ماشى فى صلاح سالم لحد قبل عمارات العبور هتلاقى كوبرى قاطع صلاح سالم كلة بالعرض اسمة كوبرى الفنجرى تقوم داخل يمين قبل الكوبرى اصبح الكوبرى على شمالك وتمشى على طول لحد ما توصل اول لفة شمال تلفها وترجع وتمشى وتطلع الكوبرى (كوبرى الفنجرى) وتنزل منة وتفضل ماشى مع الطريق تلاقى كوبرى تانى تطلعة بس مش هتكملة للاخر هتلاقى فى نص الكوبرى نزلة يمين تنزل منها فى اخر النزلة هتلاقى على طول ويمين تدخل يمين ملف كبير كلة يمين اول ما الطريق يتعدل هتلاقى فى وشك صنية كبيرة فيها نافورة تمشى جنبها والصنية على شمالك وهتلاقى هتلف نص لفة وتلاقى فى وشك محطة مترو انفاق تمشى وتخلى المحطة على يمينك وتاخد الطريق دة كلة للاخر هو طرق سريع سور المترو على اليمين وسور سراى القبة على الشمال اخر الطريق هتلاقى كوبرى تطلع الكوبرى وتنزل الطريق واخد يمين يخلص اليمين ويتعدل الطريق امشى على طول اقل من 50 متر تلاقى السنترال على اليمين بالظبط(حاسس انى رغيت كتير بس ارجو اكون قدرت افيدك الوصفة دى بالظبط وارجو لما تخلص مشوارك تبقى تقولى بعرف اوصف ولا لا )
وعاليك يا باشا
شكرا جزيلا ... بس انا كنت عارف انى اوصل لغاية الجهاز المركزى وأدخل من امامه على شارع الخليفة المامون ومنه تقريبا الى روكسى .. بس بعد كده بصراحة مش عارف اكمل ازاى فياريت حد يكملى من النقطة دى
لو انت فى روكسى
خللى العبودى شمالك وكمل بحيث توصل لاشارة روكسى
وبرده هتكمل على طول
هتلاقى صينية تانية
هتكمل
السنترال فى وشك
ممكن تكمل يمين هتلاقى كوبرى ما تطلعوش
ولف من تحته هتلاقى فتحتين تحته
يمين دى هتوديك عند محطة المترو
الشمال
هتلف مع الكوبرى وتطلع عند السنترال
قولللى بقى ازاى اروح من يوسف عباس لروكسى
لو عايز تروح لروكسى من يوسف عباس هتاخد نفق صلاح سالم من يوسف عباس هيطلعك على شارع صلاح سالم من ناحيه عمارات العبور هتبقى على ايدك اليمين هتخش اول يمين من بعد ما تخرج من النفق (الشارع اللى بيفصل عمارات العبور) هتاخد الشارع ده لاخره هيطلعك على سوق العصر وهاردز وتكا وبقيت فى روكسى حمد لله على السلامه :vctry: