انا دائما بمون من موبيل الى فى الخليفة المأمون وعمرى محصلى مشكلة
عرض للطباعة
الله يكون فى عونك علشان البهدلة والخضة اللى حصلت بسبب انعدام الضمير
و حاول يا بشمهندس تمشى على نص التنك يعنى الموشر مينزلش عن النص علشان لو فيه رواسب متتسحبش فى دورة البنزين
وايضا مراعاة تغيير فلتر البنزين عشان الهباب ده مايخشش الإنجكشن
الموضوع ده حصلي بالزبط يا أستاذ سمير بس مكنتش بتبطل .. كانت التوب سبيد 120 مهما حاولت أعمل! و في الأخر طلع عيب بنزين رغم إني بحط من إمارات مصر علي طول!
شكرا لردودكم جميعا و لكني أحب ان أوضح بعض النقاط بما أننا نتشارك حاليا في التفكير و تحليل ماحدث :
1- دائما كنت بأمون من نفس المحطة (موبيل) سواء سيارتي الحالية او السابقة و لم أصادف أي مشكلة
2- الاسبوع الماضي كنت بالاسكندرية و أضطريت في رحلة العودة للتموين من "موبيل" علي أول طريق الاسكندرية / القاهرة الصحراوي (و هي أيضا محطة جديدة) و بكده تكون تلك هي أخر محطة مونت منها
3- دائما كنت بأغير فلتر البنزين في اللانوس كل 10000 كم لذلك لم أصادف أي مشكلة
4- فلتر بنزين الياريس في التانك لذا فتغييره صعب و مكلف كما انه وفق تعليمات الصانع بالكتالوج يتم أستبداله كل 80000 كم أو 48 شهر و العربية حاليا عاملة 29200 كم
5- بالمناسبة انا النهاردة بعد انتهائي من العمل ذهبت لكهربائي لقياس البطارية و الكشف عليها و قياس شحن الدينامو و الحمد لله حالتهما كانت جيدة جدا مما اكد لي ان ماحدث في الصباح كان بسبب البنزين و أنه كان أشارة و علامة لما حدث بعد ذلك علي الدائري
بصراحة انا اتخذت قرار صعب شوية و هو أن في صيانة ال 30000 كم القادمة أني أطلب من التوكيل تنظيف التانك و تغيير فلتر البنزين و اختبار الرشاشات
طبعا الموضوع قد يكون مكلفا و لكن انا كده بأقلل من فرص حدوث شئ زي اللي حصل النهاردة و كمان بأحافظ علي الموتور و الرشاشات و المضخة
عموما انا مسافر في صباح الغد الي بورسعيد و هاتكون فرصة بعد اللي عملته النهاردة أني أختبر سحب العربية علي الطريق قبل الذهاب الي التوكيل
مرة اخري بأشكركم جدا علي ارائكم و مشاركاتكم
و تقبلوا خالص تحياتي
م/ سمير الشهاوي
اخى العزيز
نصيحتين لك مون بعد نص التانك مايفضى علشان الرواسب بتبقى فى النص التانى زائد نوع فى البنزينات اللى بتمون منها انت مصر على واحدة بعينها ليه مهما اتهيالك انها كويسة؟؟؟؟؟؟؟؟؟؟؟؟
انا جربت بنزينة وطنيه وموبيل وشيل
كان افضلهم شل من حيث السحب بحس ان العربيه بطير علي العكس من البنزينات الاخري وخصوصا بنزيمه مصر زي الزفت
شكراً لنقل التجربة يا بشمهندس و حصل خير..
بس انا عندي سؤال: اية لازمة فلتر البنزين لما دا كله بيحصل؟؟