عفشة اللانسر 2007 ناشفة حبتبن؟؟؟

أنا اشتيريت لانسر 2007 أوتوماتيك بضمان التوكيل و هي عاملة حوالي 12ألف كم بي أنا ملاحظ أن عفشتها ناشفة شوية و بتهبد في المطبات... الموضوع ده مضايقني جدا خصوصا أن السيارة جديدة و أنا بطبعي محسوك في العربيات... أنا أول مرة أشتري ياباني... كان معايا قبل كده رينو رينبو 19 و بيجو 405 و الاثنين كانت عفشتهم أحسن من كده خصوصا ال 405, عربية ممتازة بصراحة... فهل ده طبيعي أم انه يوجد عيب بسيارتي أم أني ماليش في الياباني مع العلم بأنني لم ألاحظ هذا العيب في الياريس أو الكورولا ...
أرجو الافادة مع الشكر مسبقا...

عموما عفشة اللانسر والنيسان انشف من عفشة الياريس والكورولا ودة علشان الثبات.....بس ما تقلقش...العربية ما شاء الله لسة زيرو....يعني استني عليها شوية....وهاتلاقي المساعدين وباقي اجزاء العفشة لينت وبقت اريح في المطبات....

كلامك سليم و أحساسك مظبوط يا أستاذ Magoud هى فعلا عفشتها ناشفه و بتهبد و لكن فى المقابل ثبات أعلى فى السرعات العاليه. حتى الأن عامل بعربيتى 23500 كم و لم يتغير شىء فى العفشة ,و مع الوقت بتاخد عليها و الموضوع مش هيضايق حضرتك. الحاجه الوحيده اللى حضرتك ممكن تعملها أنك تراجع ضغط الهواء فى العجل بأستمرار , و تربط العفشه كويس و هتحس بفرق بس مش هيقعد كتير :)
ربنا يباركلك فيها و يعطيك خيرها و يبعد عنك شرها , ألف مبروك العربية :)

طمنتوني أنا قلت العلابية فيها حاجة...
مع جزيل الشكر مرة أخري...

ان شاء الله عربيتك تمام
لانسر عفشتها ناشفة و اوعى تقارن عغشتها ب405
زى ما الجماعة قالوا ان الموضوع ده بيعوضه الثبات الممتاز للعربية
ربنا يبارك لك فيها

اللانسر المصري عفشتها انعم من الخليجي و دة عن تجربة .. الخليجي تركبها تحس انك فالمراجيح .. بس معرفش بالنسبة لعربية تانية غير اللانسر ايه النظام

اقتباس:

---

المشاركة الأصلية كتبت بواسطة roadmaster

اللانسر المصري عفشتها انعم من الخليجي و دة عن تجربة .. الخليجي تركبها تحس انك فالمراجيح .. بس معرفش بالنسبة لعربية تانية غير اللانسر ايه النظام

---

انا سمعت العكس ان الخليجى انعم من المصرىو دة كلام ناس ركبوا الاثنين بس المصرى صحيح بتحس معاها بكل المطبات والعفشة بتاعتها ناشفة

ولو العربية لسه جديدة حتلاقي ضغط الإطارات على 50 خففه ل 28 هي حتفضل ناشفة بس حتحس بتحسن بيسط في النعومة والسبات

اضافه بسيطه للموضوع الأساسى: مما لاشك فيه أن عفشة الانسر ناشفه الى حد كبير غير سيارات اخرى.... ولكن الطرق و الحفر و المقبات و الفواصل و الذى منه :) لها تأثير كبير و محسوس و مسموع على عفشة السيارة سواء الانسر أو غيرها , انا مشيت بعربيتى على طريق السخنة و كانت ذى الفل ولا صوت ولا هبد ولا رزع كانت ذى الحرير و بتاخد و بتدى مع الطريق بكل سلاسة ونعومة , اللى أقصد أقوله أن الطرق فى مصر لو كانت ذى طريق السخنه :D ماكانش حد قال عفشة الانسر ناشفه حبتين أو اشتكى من عفشة أى عربية تانيه , أشك أى حد يكون جرب الانسر خارج مصر او حتى فى الدول العربية و قال العربية ديه غفشتها ناشفه! والله أعلم.
شكرا جزيلا على وقتكم :)

اضبط هواء الاطارات وياريت لو تغير لنيتروجين واكيد حتشعر بفرق والف مبروك

اقتباس:

---

المشاركة الأصلية كتبت بواسطة اسلام المصرى

أنك تراجع ضغط الهواء فى العجل بأستمرار , و تربط العفشه كويس و هتحس بفرق ربنا يباركلك فيها و يعطيك خيرها و يبعد عنك شرها , ألف مبروك العربية :)

---

1000000000000000+

Mohamed El Sokkary
اضبط هواء الاطارات وياريت لو تغير لنيتروجين واكيد حتشعر بفرق والف مبروك
+1

انا معى لانسر 2006 ومشية 30 الف كيلو وعفشتها زى الفل:shyy::44:

اضبط ضغط العجل 28 نيتروجين وانسى اى هبد فى العربيه مع مرور الوقت عفشه اللانسر بتزيد نعومه جدا وده هاتحسه بعد 30000كم

فعلا العفشه ناشفه حبتين تلاته
بس في المقبول
انا كنت راكب دايو قبل ما أغير للانسر
الدايو عفشتها أريح كتير..ولما ركبت جنوط 15 للانسر ..نشوفيه العفشه ظهرت